السلام عليكم ورحمة الله وبركاته
مساء / صباح .. النور
تصميم جديد بـ عنوان [ يابحـر ] .. وهو عباره عن صوره
معجبتني حيل وصممت عليها
وحصلت هذي القصيده تناسب لـ الصورة فـ كتبت نصفها
القصيده :
يابحر والعام شطك والله إنه فيه راحه
ياببر وأحسّ موجك ياخذ همومي بعـيد
جيت أشيل ألفين ضيقه ودي أرجـع بأنشراحه
فيني قيد وودي أرجع يابحر من دون قيد
ودي أهرب من وجود الهم فيني واجتياحه
ودي أنسى ودي أضحك ودي أتفجّر قصيد
ودي أبكي دام عندك تنزل الدمعه مباحه
حتى لو تحرق جفوني لكن يـذوب الجليد
جيت أدوّر لي زمان وجيت أدوّر لي مساحه
بس أحسّ إحساس واحد (يابحر ماني وحيد)
يابحر والحزن طيرٍ كل مايكفخ جنـاحه
قلت آه وقلت آه وقلت آه ولاتهيد
آه من همٍّ سكني وآه من هبّة رياحه
وآه تقطع في وريد وآه تقطع في وريد
آه من ليلي ومني وآه من باقي صباحه
وآه من حظٍّ قديم وآه من حظٍّ جديد
آه من جرح الزمان وآه من طعنة رماحه
وآه من وقتٍ يخلّي طيب النيات صيد
يابحر علّم بياض القلب لا لملم جراحه
يستفيد إن كان وده من جراحه يستفـيد
بعدها يمكن ألاقي من عذاب الوقت راحه
يمكن أنسى يمكن أضحك يمكن أتفجّر قصيد
لـ الشاعر الراحل / بنـدر السميـري رحمه الله
التصميم :
آرائكم و إنتقاداتكم تهمني 
..
دمتم بخير
العرض الشجري