لو سمحتوا مابغى أحد يرد على الموضوع

[رحّــال]

يقولون اللي اوله شرط أخره نور وأنا اقولكم من الحين
ماراح أعلق على مشاركاتكم .. الموضوع للقراءه فقط

حلو لما نكتب موضوع ونشوف آراء الأعضاء من خلال مشاركاتهم
والأحلى لما تشوف مشاركات غنية تثري موضوعك وتفتح عيونك
على أمور كنت تجهلها ..

لكن حلاوة أي موضوع مؤقته .. يعني وقتها قصير
بعدها ينقلب الموضوع هم وغم على صاحبه خاصة إذا كانت المشاركات كثيرة
وصار صاحب الموضوع بليد مثل حضرة جنابي ..
يزمل للرد والتعليق ويستحي يشارك بالمواضيع الثانية وهو ماكمل موضوعه !!

سلوم المنتديات تجبرنا نوجب راعين المشاركات ونعلق على ردودهم حتى لو صفت
على قولة شكرا وشرفتني ونورتني بموضوعي ..
لكن وش الحل إذا صار صاحب الموضوع بليد مثلي ومافيه حيل يعلق على المشاركات ؟!

في بالي موضوع ( غير الموضوع هذا ) بس مستحي اطرحه ...
والسبب أنه لي ثلاث مواضيع سابقه ماكملتها !!

أتمنى أني اشوف من ضمن القوانين قانون يقول :
يمنطع لأي عضو طرح موضوع جديد إلا بعد إكماله للموضوع المطروح سابقاً ,,
منها نكون مجبورين على توجيب الأعضاء بمواضيعنا
ومنها نعطي فرصة ومساحة للبقية الأعضاء أنهم يطرحون مواضيعهم بدون زحمه
والأهم أنه يكون فيه وقت كافي للعضو بحيث يبني فكرة موضوعه الجديد براسه
ويصيغها كويس قبل يطرحها ...