والله علينا طلعات غير العالم

[طائر في الهواء]

أكاديمية الملابس الداخلية!

خلف الحربي . . . جريدة عكاظ 22 / 8 / 1432

سأقول لكم سرا وأرجو أن تضعوه في بئر لا قرار لها؛ فقد تولدت لدي عقدة نفسية من شيء اسمه (تأهيل العاطلين)، وأفكر جديا في مراجعة عيادة الدكتور طارق الحبيب كي يعالجني من هذه العقدة بعد أن ثبت لي بالدليل القاطع أنه في كل مرة يعلن فيها عن خطة لسعودة الوظائف في أحد المجالات تظهر فجأة لعبة (التأهيل)، حيث يتم الإعلان عن دورات تدريبية يكون الهدف الأساسي منها إلقاء اللوم على العاطلين وبالتالي تأجيل تنفيذ خطة السعودة المقررة لعشر سنوات مقبلة!.

وبالأمس نشرت صحيفة الحياة خبرا حول طرح المؤسسة العامة للتعليم الفني والتدريب التقني برامج تأهيلية وتطويرية للموظفات الراغبات في العمل في محال بيع (المستلزمات النسائية) !! .. أرجوكم حاولوا أن تشرحوا لي ما هي مواد هذه الدورة مادامت مهمة البائعة السعودية لا تتجاوز بيع قطعة ملابس داخلية للزبونة التي أمامها؟، ولماذا لم يتم (تأهيل) آلاف الباعة من الوافدين في بيع (مستلزمات اللي بالي بالك) للنساء طوال السنوات الماضية؟!.

لقد أكد مصدر مطلع في مؤسسة التعليم الفني للحياة، أن إدارة التدريب الأهلي (أكملت جاهزيتها لإطلاق البرامج المزمع تقديمها وحددت مسميات الدورات التي طرحتها للمعاهد الأهلية وفصلت آلية التدريب ومدته وتوزيع الدرجات المخصصة لاجتياز الدورة، مبينا أن نسبة الاجتياز للدورة يجب أن تكون 60 في المئة فما فوق)!

، يا ساتر .. لقد شعرت بعد كل هذا الكلام الكبير أن قطع الملابس الداخلية التي سوف ترتديها النساء سوف تكون معالجة بتقنية النانو!.
على أية حال قد تكون هناك مهارات لا نعلمها في هذا الموضوع (الداخلي جدا جدا)، حيث تحتاج البائعة بعض اللياقة حين تتحدث مع زبونة بدينة فتقول لها: (أنتي غزال متعشي فيل)!، أو تجامل زبونة نحيفة جدا فتقول لها: (عصاقيلك الحلوة ما فيه مقاس لها إلا في قسم الأطفال)!.

هذا بالإضافة إلى محاولة تعويض اللغة السحرية التي يستخدمها الباعة الحاليون مع النساء مثل عبارة: (هيدي القطعه بالزات بتلبق لك) ! .. بل إنني أطالب بابتعاث المتدربات إلى بيروت كي يتعلمن النطق الصحيح لهذه العبارة خصوصا أن بعضهن قد يخطئن في النطق فيضعن شدة فوق الباء فيقولن (تلبّق لك)!.

[To Be]

اذا كانت هذه الدورات تقام كردع لحجج التجار فأهلا وسهلا بها
ويجب أن نقر بحداثة السوق للمرأة

تحيتي لك*

[دِيم]

مجرم هالحربي ..


يا أخي .. والله بعض عقول كتابنا .. زبالة ..
وبعضهم > زي الحربي هذا .. عبارة عن مصانع للتفكير ..
+ بغض النظر عن مقاله .. لكن وين هيئة مكافحة الفساد ..؟
أحس انها خاست وشكلها اترمت في الزبالة .. *_*



كبيييييير يالمسؤول ..

[قـتـالـه]

مادري وش حارق رز خلف افندي !
الباعه اللي هو يتطمش عليهم رجال روادهم نساء
كفايه مؤهلاتهم الظاهريه
ناس تبلص بلصان
وعندهم لسان تزلق فيه الصعوه
ومعرفة المقاسات ومايعادلها بكل الماركات
يكتسبونه من خلال عملهم

اما بناتنا ياعيني عليهن
بيجن من تخصصات مختلفه بغرض العمل كمسؤولات بيع
ومو كلهن عندهن اللباقه والقدره على اغواء الزبونه
الوقفه بالمحل لأكثر من 8 ساعات مع زبونات تحتاج اداره وضبط للنفس وتدريب على ذلك
ويمكنهن مقاساتهن مايعرفنهن مو عاد المقاسات العالميه ومرادفاتها
مازلت اشوف نساء يشبرن الملابس بالمحلات :/
الدوره من صالحهن
مازلنا بحاجه للتأهيل بشتى امور حياتنا
مادري ليه البعض يتحسس من التنظيم
ويبينا نمشي على ماوجدنا عليه اباءنا بالبركه واخوانها !!

[دِيم]

اقتباس:  المشاركة الأصلية كتبت بواسطة قـتـالـه     مادري وش حارق رز خلف افندي ! الباعه اللي هو يتطمش عليهم رجال روادهم نساء كفايه مؤهلاتهم الظاهريه ناس تبلص بلصان وعندهم لسان تزلق فيه الصعوه ومعرفة المقاسات ومايعادلها بكل الماركات يكتسبونه من خلال عملهم اما بناتنا ياعيني عليهن بيجن من تخصصات مختلفه بغرض العمل كمسؤولات بيع ومو كلهن عندهن اللباقه والقدره على اغواء الزبونه الوقفه بالمحل لأكثر من 8 ساعات مع زبونات تحتاج اداره وضبط للنفس وتدريب على ذلك ويمكنهن مقاساتهن مايعرفنهن مو عاد المقاسات العالميه ومرادفاتها مازلت اشوف نساء يشبرن الملابس بالمحلات :/ الدوره من صالحهن مازلنا بحاجه للتأهيل بشتى امور حياتنا مادري ليه البعض يتحسس من التنظيم ويبينا نمشي على ماوجدنا عليه اباءنا بالبركه واخوانها !!

ياويلي ...

والله من العار نطالب بتأهيل باعة وبياعات الملابس الداخلية ..
وهناك مجالات أهم وأعمق للحين يبي لهم تأهيل فيها ..
ولاتخفاكم هآالمجالات ..
^^ تري كل شين يجي بالخبرة ياخبرآآ هه

تخيلي بس مسوين إعلان ب الجريدة .. :
تأهيل بياعين الأندر وير .. *_*

والله بيني وبينك بعد التحقيق والتدقيق أتراجع .. وأقول ليت أبو هنو يبقى على حاله من بيع الملابس الداخلية
واللبناني يضل يبيع ميك آب وهيدآ بيلبئ لك وهيدا مابيلبئ لك ..
يعني لو يبون يزينون وضع بناتنا ب البطالة ..فـ مش باقي أحد ب بالبيوت .. كلهن بيطلعن ...
يازعم وشو ..؟ بيشتغلن ..

ليتهم يسنعون وضح البساطات .. ب الأسواق والله ينرحمن مانبي لهم فزعات أندو وير .. هم ووجيههم ..

أجل تبون سعودة المحلات ..؟ *_*

[قـتـالـه]

اقتباس:  المشاركة الأصلية كتبت بواسطة دِيم     والله بيني وبينك بعد التحقيق والتدقيق أتراجع .. وأقول ليت أبو هنو يبقى على حاله من بيع الملابس الداخلية واللبناني يضل يبيع ميك آب وهيدآ بيلبئ لك وهيدا مابيلبئ لك .. يعني لو يبون يزينون وضع بناتنا ب البطالة ..فـ مش باقي أحد ب بالبيوت .. كلهن بيطلعن ... يازعم وشو ..؟ بيشتغلن .. ليتهم يسنعون وضح البساطات .. ب الأسواق والله ينرحمن مانبي لهم فزعات أندو وير .. هم ووجيههم .. أجل تبون سعودة المحلات ..؟ *_*

هلا بالروح
ياعوينتي ترا الحمر اللي فوق يختلفن عن بعض
وراتس خليتيهن تمر مكنوز بكيس واحد ؟

هم يبون تأنيث محلات اللانجري مادري من اللي شاكي عليهم
بصراحه الرجل يبيع بشكل محترف وبسرعه
الحريم اذا باعن يصيرن نشبه من زود الذرابه
واستثني طريقة الاسيويات والاوربيات بالبيع يصيرن
زي الرجال مادري كيف قدرن يوصلن مواصيلهم اهبن !

لاتوجعين قلبي بحاجتنا للتدريب والتأهيل
أزريت وانا افكر وين الاسباب اللي تخلينا مخفقين بأمور عده !
هذانا نختلط ومعنا شهادات وشايفين .. بس ماش يبيلنا سنين

[حُـلم]

’,
نظرة المرأه للمرأه مُختلفه ..
عكسها الرجُل .. تشريحية هه !


لذلك بديهي تحتاج للتدريب ..

[دِيم]

اقتباس:  المشاركة الأصلية كتبت بواسطة قـتـالـه     هلا بالروح ياعوينتي ترا الحمر اللي فوق يختلفن عن بعض وراتس خليتيهن تمر مكنوز بكيس واحد ؟ هم يبون تأنيث محلات اللانجري مادري من اللي شاكي عليهم بصراحه الرجل يبيع بشكل محترف وبسرعه الحريم اذا باعن يصيرن نشبه من زود الذرابه واستثني طريقة الاسيويات والاوربيات بالبيع يصيرن زي الرجال مادري كيف قدرن يوصلن مواصيلهم اهبن ! لاتوجعين قلبي بحاجتنا للتدريب والتأهيل أزريت وانا افكر وين الاسباب اللي تخلينا مخفقين بأمور عده ! هذانا نختلط ومعنا شهادات وشايفين .. بس ماش يبيلنا سنين

تمر مكنوز تمر مكنوز .. بجريرة المخطئة تؤخذ المحسنة ..
أقول ترا والله نروح و نجي وييبس حلقي وأنا اقول المرأة مكانها فبيتها

ليتهم بس يأهلون رجالنا يصيرون رجال صدق .. ونصير حنا المدللآت المستتات .. *_*

ومانبي ملابس داخلية .. شماله تسد .. *_*

[قـتـالـه]

اقتباس:  المشاركة الأصلية كتبت بواسطة دِيم     ومانبي ملابس داخلية .. شماله تسد .. *_*

وآآغربالي هه

لو تأهلوا رجالنا وصاروا طوال اشناب من جد
ماقدرنا نعيش معهم والله ..!

يوووه ذولاك يبيلهم تلعات ارقاب
الوحده ماتثني رجلها وعقلها حاضر
يبون الحرمه فول أوبشن من كلوه
خلينا نقزرها مع ابو حبتين رجوله مذوبه بكثير من الفحوله
وترهيم لبعض الشكليات اللي نطلبها ونحبها وصلى وبارك :/

شوفي الكم حبه من الحريم
اللي ربوهن اهلهن على مسمت الرجال الصدقيين
ماقدرن يتعايشن مع نماذج هاليومين
الوحده تحس انه تهادي لها بزر وتلعبه

[دِيم]

^^ قتو على ماقال أبوي .. كل حي وله حين يصلح له ..
يعني ماعليتس لاجآ طويل الشنب .. *_*
سيعطيكِ الله له صبراً وحباً ..

لاتتخوفين كثيير تراهم زي قلوب البيبي

بس يبي لهم ناضجة تعرف لهم .. مو برابيس هاليومين ...