Gadama

[مهاجم دولي]

سلآآم ..


موضوع يطقطق بصدري له كم يوم..

قلت اطقطقه معكم..


gadama
^
^
^
هذا ياطويلين الاعمار ..

عنوان فلم اسمه "خدآمه"

وابطاله هنود واندنوسيين ومصريه

ويصور معاناة الخدم مع العوائل الخليجيه..

وماقصرو بوليود كملو الناقص الغرب صورو للعالم انا حنا ارهابيين

والهنود بيصورون للعالم اننا معذبين وضد الانسانيه

طيب ما ننكر ان بعض الخدم يعاني ... ولازم نوقف معهم عششان ياخذون حقوقهم

واذا الفلم عشان كم خادمه عذبت

ايضا فيه عوائل عانت من ويلات الخدم .. سحر وقتل وسرقات وتعذيب اطفال

واقل الخسائر تهج مع هندي .. ويفتحون محل سهرات حمراء


ولاننسى قصه العائله اللي ببريده سنتين تحت تأثير السحر

ولا حصلت على ربع تغطيه الصحف مثل ماحصلت عليه خادمه المدينه

وللاسف من صحفنا المحليه


يعني هم لهم حكومات و منظمات دوليه وحقوق انسان

وحنا مالنا شي ..

وان صار ما صار اضعف الايمان تسفرها على حسابك وانت ساكت ..

هم يحسسبون انهم يرسلون لنا ملائكه يخدموننا ..

ولايدرون عن اللي يسوونه رعاياهم هنا..


ليه صوت اعلامنا غايب وضعيف خصوصا اذا صارت القضيه على مستوى عالمي ؟

ليه مافيه قانون واضح يحفظ حقوقنا كامله ضد التشويه ؟


ليه العامل مايجي وهو يدري عن حقوقه ..وان عليه حسيب ورقيب اذا اخطأ؟



رايكم سواء مع او ضد ...

انطلقو ..

[دِيم]

,
,


أبد خلوهم يجون .. عندنا إذا اجتمعنا مشان يشوفون الجالية الأندونسيّة ..
مشيخينهن تقول سعوديات ,, إلا ثلاث دقايق ...


^^^ عموماً هي أزمة إعلام بكل النواحي ...
خصوصاً مع الصحف الإلكترونية .. صارت السلبيات صيدة للمحررين المغمورين ..
+
نفسي في يوم نناقش حسناتنا ..

[انتظرتك]

على طاري الإعلام
وأنا أكتب الرد الحين أناظر النشرة الجوية على الأم بي سي
ودي اشوف اللي ينقي المذيعات عندهم
علشان أشكره كثير على اختياره للمذيعه ..
وجيه تفتح النفس يالله من فضلك ..


بس للإسف مثل ماذكرت الإعلام عندما لم يقم برسالته كما يجب
حتى إذا حطوا خبر عن قاتل أو مغتصب أو سارق أو أي مجرم
يقولون من جنسيه عربيه أو افريقيه أو آسيويه
حتى البلد مايقدرون يطرونه يحومون حوله بس !!!!

[قـتـالـه]

يالبا اندونيسيا وه بس ..!
اليوم كلنا صاحين من ثلاث الفجر على صياح شغالتنا
جايتها رساله ان خالتها اللي تعبانه لها شهرين توفت وربي تحسبت على الموت
اللي كدر شغالتنا !
وأبوي من الروعه بنص الليل ومن شد مايوجس قالها ياعين امي حتى انا ماتت خالتي ولاقلت شي
ترا الغربيه مب زينا بالتعامل مع الشغالات يصيخون سوهارتو بزاتوه !
والشغالات مستحيل يؤذن أحد ماآذاهن .. او لين لهن اللسان من الكفلا

[الأسترليني]

نعم الخدم مهضومة حقوقهم ..

لدى شعب كسول و لا يفقه في حقوق العمل و العمال في الاسلام ..

[محارهـ]

[align=center][tabletext="width:70%;"][cell="filter:;"][align=right]* مساء الخير مهاجم ...
مع أني هوليووديه
لكن تحمست أشوف الفلم

س/ سؤال
أبي أشوف الفلم , كيف ؟[/align][/cell][/tabletext][/align]

[قـتـالـه]

اقتباس:  المشاركة الأصلية كتبت بواسطة محارهـ     [align=center][tabletext="width:70%;"][cell="filter:;"][align=right]* مساء الخير مهاجم ... مع أني هوليووديه لكن تحمست أشوف الفلم س/ سؤال أبي أشوف الفلم , كيف ؟[/align][/cell][/tabletext][/align]

ابشوفوه معتس
زوديلي الفصفص والفستق المالح واللوز المدخن
وترا مااحب الببس يزولي .. ابي شاهي خادر والنعناع برا ,,

[هلاوين]

الحق يقال ان الخادمات بين بعض الحريم مثل كورة القدم كل وحده تشوته على الثانيه

ومن المفترض ان تعرف ماعليها ومالها

ولو كان الامر للي لجعلت لها وقت دوام محدد او ساعات معروفه


لانها بشر تتعب وتتالم وياتيها ماياتي الحريم من غير مراعات لحقوقها عند بعض الناس ,

[محارهـ]

[align=center][tabletext="width:70%;"][cell="filter:;"][align=right]

اقتباس: ابشوفوه معتس زوديلي الفصفص والفستق المالح واللوز المدخن وترا مااحب الببس يزولي .. ابي شاهي خادر والنعناع برا ,,

هذي الساعه المباركهـ والله
بس ترى عندي طقوس وما أحب أحد يخترقها
أحب التفرج على سكيتي من غير تعليق ولا وقفي وعيدي
وعلى أضائهـ خافتهـ [/align][/cell][/tabletext][/align]

[قـتـالـه]

اقتباس:  المشاركة الأصلية كتبت بواسطة محارهـ     [align=center][tabletext="width:70%;"][cell="filter:;"][align=right] هذي الساعه المباركهـ والله بس ترى عندي طقوس وما أحب أحد يخترقها أحب التفرج على سكيتي من غير تعليق ولا وقفي وعيدي وعلى أضائهـ خافتهـ [/align][/cell][/tabletext][/align]

على كذا كود تجيبينلي الفوستوؤ المفلس علشان ماأشغلتس بقولة
دوتس ياحيي يامحاره فكيها لي عيت تنفك

[همس الجوارح]

احنا شعب فينا الطيب وفيا العكس مثل كل العالم

بس ليه احنا دايم تحت الملاحضه لاءننا مسلمين وتعرفو اعداء الاسلام يمسكون علينا زله

مع انه المعامله السيئه للخدم تعاليم ديننا ضدها

بس مهما شوهو السمعه ماراح تفيد ولتاتغير غير تعبير يمكن عن غيظهم

\\\\\\\\

شكرا على الطرح الرائع

[محارهـ]

[align=center][tabletext="width:70%;"][cell="filter:;"][align=right]

اقتباس: على كذا كود تجيبينلي الفوستوؤ المفلس علشان ماأشغلتس بقولة دوتس ياحيي يامحاره فكيها لي عيت تنفك

ياحليلكـ أنت تعالي ولا يهمك
بس ترى الفوستؤ المفلس جاهز مو لذيذ مثل الي تقعدين
تفلسينهـ
لكن مو مشكلهـ / نكلف ديدي & سوهارني من الأن بمهمة تفليس الفوستؤ [/align][/cell][/tabletext][/align]

[أبو دجانة]

[ALIGN=CENTER][TABLETEXT="width:70%;"][CELL="filter:;"][ALIGN=justify]Gadama
^^^^^
لم افهم معنى الكلمة ؟؟؟

ولم أسمع عن فيلم حقيقى يحمل نفس هذا الإسم ويا حبذا لو شاركنا صاحب الموضوع برابط لذلك الفيلم حتى نرى ما رأى إن كان "فعلاً" رأى وليس "بيقولوا".

سألت الأخت محارهـ من قبل عن نفس الموضوع بعض الأسئلة ويبدوا أنها لم تهتم لسبب أو لأخر.

واعيد سؤالى مرة أخرى للكل

الهندى والأندونيسى والماليزى والفلبينى والمصرى والبنغالى . . . . .

هل هناك إتفاقية دبلوماسية سرية بين وزراء خارجية تلك الدول أتفقوا فيها على زرع الكره وتأصيله داخل شعوب تلك الدول تجاه السعوديون؟

لا أعرف حقيقة هل هناك فعلاً عقدة "مضطهدون" موجودة وملموسة وتكاد تمشى على الأرض فى السعودية ؟

الكل إجتمع تقريباً على أن الخدم الذين يأتون من الشرق الأقصى سحرة ويعذبون الاطفال ويسرقون ويهربون وينتهكون عرض الزوج ويسحرون الزوجة . . . إلخ.

ولكن الملاحظ أيضاً أن مسلسل الخادمة مازال يحقق أعلى نسب مشاهدة هنا.

أين الخلل ؟؟

لماذا هؤلاء السحرة الخبثاء لا يسحرون دولاً أخرى ؟

والله أن هناك قنوات مخصوصة على الفضائيات لسحرة دول الخليج وهو شئ عجيب حقاً

الكل مجتمع على ذلك ولكن الكل لا يزال يرفع لافتة لا غنى عن "سوهاترو وموهاترو ونانسى"

هل نحن فقط ناجحون حتى الثمالة فى النقد والشكوى دون إيجاد حل ولو "صغنطوط".
-----------
حقيقة بدأت أشك فى ما افهمه عن السحر من عقيدتنا " اشعر وكأن السلف نسى شيئاً ما لم يخبرونا به عن السحرة وكيد الشيطان مثلاً.[/ALIGN][/CELL][/TABLETEXT][/ALIGN]

[لعيون دودي]

انصافا للحق ومصداقا للكلمه
هناللك" الكثير" للاسف من الاسر السعوديه تُسي التعامل مع الخدم خادمات كانوا ام سائقين
ولنا بفضائحنا للاسف عبر وسائل الاعلام الدليل الاعظم من "حرق ,تعذيب, اهانه,وسرقه للحقوق"
وكذا ظاهره "الكثير" من الخدم والتي استفحلت بمجتمعنا من "سرقات,تعذيب للاطفال,سحر واخيرا هروب"!!! هنا كفه التقصير متساويه ..
لكن الملاحظ ان هناللك فرق شاسع فيما بيننا وبين الخدم من حيث"الحمايه" للاسف!!!!
ولنا باحداث الخادمات و"فزعه"حكوماتهم تجاهاهم خير دليل!! وبالتالي حرماننا من الاستقدام!! كعقاب!!!
بينما نحن اين موقعنا من الحمايه وفزعه"حكوماتنا"؟؟!!!تجاه ويلات الخدم معنا!!
فقط تطبيق العقوبات معهم ومع من يتستر عليهم خير "ضمان" لحقوقنا.

وقفه/ هروب احدى خادماتي من الجنسية الفلبينيه ووصولها الى مدينه جده لدى زوجها اين يكمن موقعه لدى حكومتنا؟؟؟ لا جواز ولا اقامه ولا كفيل ولا قريب معها كيف وصلت وعملت؟؟؟
لا حمايه ابدااا ولا حقوق فقط اكتفي بالتبليغ ولا ضمااان .. هم يرقصون على انغام استهتارنا بالنظام فهم يثقون ان حقوقنا معهم ضائعه بينما حقوقهم ثابته راسية!!
قمه "المهازل"لنا.

[امرؤ القيس]

لو الناس تحس بقيمة الانسان ايا كان الانسان هذا لما تفشت لدينا الاهانة والذل


لكن الكبير اهان وذل الصغير

الغني ذل الفقير واهانه


الرجل استحقر المراة واهانها


المدير اهان وذل موظفيه


وهكذا

حتى جاء دور الاسرة في اهانة واذلال الخادمة ومنهم على كفالتها من خدك وعمالة


لذا

لاغرابة في اي خبر ينزل ضدنا