من حظ المطاوعه ,,, يالله اخي الشاب تطوع

[•°سـرىآ اللـيـل°•]

شو يتزوج !! تباً !!

أنا أقصد مالي دخل بمظهره كونه ملتحي أو لا كونه يطلع للإستراحة واجد وإلا يجلس .,

يعني كل إنسان له حريته بس لاتأثر حريته على سعادتي .,

وكل شيء إيزي عندي إلا الستلايت والسفر لوحده هذولي عجزت أبلعهن بجد عجزت لاحاولت غصيت بهن .,


أهذب تاهيه’

[أبوفالح]

[align=center]

صحيح فيه مطاوعة يغربلون حريهم ومورينهن النجوم بعز الظهر .. مطاوعة المظهر .

وصحيح فيه أزواج ماعليهم مظهر التطوع لكن محترمين زوجاتهم ومربين عيالهم تربية طيبة

لكن .. كنظرة عامة فالملتزم بدينة هو أفضل تعامل وأكثر حرص على زوجته وأولاده .

عموماً .. الأزواج مضارب نجوم [/align]

[عبدالملكـ]

اقتباس:  المشاركة الأصلية كتبت بواسطة بهران     اخوي عبد الملك انت ترى ان تغطية اليدين والوجه كامل من المحظورات والممنوعات

لا الله يصلح دينك ..

بعض الفتيات يعتقدن أن الملتزم يفرض عليها الحجاب الكامل الكامل ...
يعني مثل ما قلت في ردي السابق اليدين وتغطية الوجه كاملاً ( بلا نقاب )
وهي لا تريد ذلك .. تريد تغطية الوجه بنقاب وبلا شراب يدين ...
..............

[engel]

يقولون إذا بغيت تضمه أسأل عن أمه ..

قضية الزواج قضية متفرعه .. لا بد تعرف تاريخ كامل عن طوع هالمطوع هل هو مكتسب أو فطري ..

إذا كان مكتسب أو طارئ يعني في الأصل كان منحرف وتاب .. أحيانا يكون لديه ردات فعل انتكاسية كوساوس ضد الزوجه و تشدد من ناحية لافصل ولا أصل لها مثل واحد يقول أريد بنت ما تفتح الشبابيك .. يعني من شد وساوسه وما صدقت أن هذا طلبه .. الا بعد ما تفاجأت بزميله أخرى متزوجه .. تقول الشمس هذي ما نشوفها .. شبابيكهم مقفله .. إذا طلع زوجها للدوام يرجع يدور حول البيت كم دوره بعد كم ساعه .. ويتصل من تلفونات أخرى .. وظاهريا هو مطوع .. لكن يالله التيسير ..

[بهران]

اقتباس:  المشاركة الأصلية كتبت بواسطة engel     يقولون إذا بغيت تضمه أسأل عن أمه .. قضية الزواج قضية متفرعه .. لا بد تعرف تاريخ كامل عن طوع هالمطوع هل هو مكتسب أو فطري .. إذا كان مكتسب أو طارئ يعني في الأصل كان منحرف وتاب .. أحيانا يكون لديه ردات فعل انتكاسية كوساوس ضد الزوجه و تشدد من ناحية لافصل ولا أصل لها مثل واحد يقول أريد بنت ما تفتح الشبابيك .. يعني من شد وساوسه وما صدقت أن هذا طلبه .. الا بعد ما تفاجأت بزميله أخرى متزوجه .. تقول الشمس هذي ما نشوفها .. شبابيكهم مقفله .. إذا طلع زوجها للدوام يرجع يدور حول البيت كم دوره بعد كم ساعه .. ويتصل من تلفونات أخرى .. وظاهريا هو مطوع .. لكن يالله التيسير ..

الناس والمطاوعه خصوصا تغيرو مهب مثل اول

الان الوقت تغير بشكل جذري والامور صارت مقتوحه بشكل ايجابي لاتعقيدي

[هند الوفاء]

ممكن يكون شكليا مطوع وملتحي..ويرويها النجوم بعز الظهر..

وممكن يكون انسان عادي..لكنه يخاف الله فيه ويحسن معاملتها..

فمن ياخذ بالشكل..له من العقول القشور

مع الاحترام..ودمتم بخير

[(جوانا)]

أنا بوجهة نظري أن مو كل من حط اللحيه مطوع !!

يعني فيه أحد ملتحي وهو الله يعلم وش داخله من أفكار سوداء .. وسوء نيه ..يعني اللحيه حاطينه رياء ..

وسمعه الله يستر عليهم ويهديهم ..

وفيه أحد حليق <<مع إني مالي خلق هالكلمه أقول يزلط لحيته أحب علي ..

المهم تلاقيه أطهر قلب وأصفى نيه من بعض اللي لهم لحيه مثل ما ذكرت .. وعلى قولت سليمان

الجبيلان لحيته بقلبه .. أهم شي سلامة القلب .. والأخلاق ..

والله يستر على المسلمين .. ويصلح نياتهم ..

تقبل مروري ..

[بهران]

اقتباس:  المشاركة الأصلية كتبت بواسطة هند الوفاء     ممكن يكون شكليا مطوع وملتحي..ويرويها النجوم بعز الظهر.. وممكن يكون انسان عادي..لكنه يخاف الله فيه ويحسن معاملتها.. فمن ياخذ بالشكل..له من العقول القشور مع الاحترام..ودمتم بخير

صدقتي والله بهاذي

[بهران]

اقتباس:  المشاركة الأصلية كتبت بواسطة (جوانا)     أنا بوجهة نظري أن مو كل من حط اللحيه مطوع !! يعني فيه أحد ملتحي وهو الله يعلم وش داخله من أفكار سوداء .. وسوء نيه ..يعني اللحيه حاطينه رياء .. وسمعه الله يستر عليهم ويهديهم .. وفيه أحد حليق <<مع إني مالي خلق هالكلمه أقول يزلط لحيته أحب علي .. المهم تلاقيه أطهر قلب وأصفى نيه من بعض اللي لهم لحيه مثل ما ذكرت .. وعلى قولت سليمان الجبيلان لحيته بقلبه .. أهم شي سلامة القلب .. والأخلاق .. والله يستر على المسلمين .. ويصلح نياتهم .. تقبل مروري ..

سبحان الله انتي مثلي اكره هالكلمه ولا احب انطقه (( حليق))

بس اخاف لقول يزلط مايفهمونه بعضهم

مشكوره على مرورك وطرح وجهة نظرك الصائبه

[بنت الكرم 2008]

ربما يكون حليق ولكن أخلاقه أخلاق ملتزم بالدين ويكون ممن يملكون العقل والحكمه
وربما يكون ملتحي ولكن لا يحمل من صفات الأتزام سوى المضهر الكاذب
فالشكل ليس مقياس0

[ملاعب الأسنة]

اقتباس:  المشاركة الأصلية كتبت بواسطة بنت الكرم 2008     ربما يكون حليق ولكن أخلاقه أخلاق ملتزم بالدين ويكون ممن يملكون العقل والحكمه وربما يكون ملتحي ولكن لا يحمل من صفات الأتزام سوى المضهر الكاذب فالشكل ليس مقياس0

لافظ فوووووووووووك ...صدقتي وكانكي تحاكين افكاري

[شخصية]

اقتباس: واحد من اخوياي تقدم لبنت وهو طبعا حليق رفضته البنت رغم موافقة الاهل لانه مهب مطوع ولا له لحيه

الواقع يقوول العكس _

الاخلاق ماهي باللحية والسبحة , الاخلاق نتاج تربية صحيحة وعلم وثقافة ووعي

أعرف ملتحين أخلاقهم ياساتر _ جلافة وحرامي درجة أولى _ المشكلة اذا كان ماكل بنفسه مقلب أنه ملتزم _ اللحية صارت قناع _ لكن الناس اصبحت تعرف ولمظاهر ماصارت مهمة

[مجنون بهبالي]

طيب كل الارهابيين لهم لحيه

هل دليل على انهم مطاوعة

الاستقامه: تكون بالقلب وماعليك من اللحيه وغيره

[قارب من ورق]

اذكر فيه ناس زوجوا بنتهم مطوع قصدي ملتحي وهادي ومامثله يوم العرس مانام عند زوجته ويوم دوروه لقوه قاعد في احد الشوارع الزقاره بإثمه يالله تخلف طيب ليه تزوجت مغصوب؟؟؟ وانتم ياأهل الزوجه ماسالتوا!!!! لا والمصيبه يقولون ان الشيخ حكم له رغم شهادة الشيخ الونيان انه قال المعرس له انه مسحور ولا علم اهل المره وانه فيه مرض نفسي ولا علم اهل المره وانه كذب عليهم في اشياء كثيره إلاان الشيخ رفض او لم يصدق الله اعلم وحكم لذلك الشخص ورد مهره ؟؟؟ ياراجل لاتغرك اللحيه ولاتقول لكل ملتحي مطوع اليهود والرافضه لهم لحاء

[سكايب]

بقول لك حاجه ../.
أحد أقاربي غير ملتزم وحليق ويدخن ..لكن محافظ على الصلاة ..
تقدم لخطبه فتاة غير ملتزمه..
الفتاة رفضت قريبي ليه ؟؟ يدخن ..هه
المهم أقلع قريبي عن التدخين ..
ثم ..
تقدم لخطبه فتاة ملتزمه ..قبلته ..
والحمد لله الأن رزقه الله بطفل حسن الخلقه ...
وأنا قارنته بشخص ملتزم ..تزوج فتاة ..
ومع ذلك .. قارن بين لبس زوجة الملتزم (بنطال و بلوزة قصيرة بدون أكمام)
وبين لبس زوجه الغير ملتزم ( تنوراة و بلوزة بأكمام )

هه .. شايف كيف ؟؟
والملتزم هذا مضيق على خواته ..
مرررررررررررررررررة ..

شيء يقهر ..

عن نفسي أموت ولا أتزوج شخص ملتزم باللحيه فقط ..

تحيااتي ..