[..
..]
طيب
تدروون
السلام عليكم
بصراحة الهدف من هذا الموضوع لانه شد انتباهي ذكاء الموازنه للخلط بين ضدييين في جواب واحد الكل يستطيع إجابته
ولابد من نقيض يفصل بين الفضل والخذل وبين الخفض والرفع من خلال تضلييل الاجابة للسؤال ( إلا انا وش قاعد اقول )!!!
فربما يفتح الكاتب ثغرات الضعف بكل تلقائية وكل ما حاول التبرير للشطر الذي أهمل دوره زاد في ضعفه تلحينا على مداخل اصل الموضوع وفروعه ( رجاء لا احد يسئلني لاني ماني فاهم شئ من اللي كتبته وخاصا بعد ما شلت ضرسي )
وووووووووووووع
شفتوا
وعوووووووووو
اقول
قولوا وعووووووا
خلونا من الكلام الرسمي والحكومي والتجاري والثقافي والوطني
اففففففففف تعبت خلاص
شكلي خررفت
للاسف الشديد غلطت غلطة عمري عندما ذهبت لدكتور الاسناان قبل اربع ايام
فدخلت من باب المستوصف (اكيد بتدخل من باب المستوصف اجل من وين بتدخل يالذكي ) طبعا دخلت تقريبا الساعة 10 إلا ربع
مدري كنت حاس إني مخنوق وحاس إن هذا اليوم هو آخر يوم في حياتي
ومن غير ضرسي اللي قام يوجعني وكأنه حاس إنه راح ينشاال
طبعا المستوصف يخووف تحس إنه مبنى إستخبارات ماهو مبنى مستوصف
وانا داخل المستوووصف من عند البااب ومتجه صوووب الاستقباال
بصرااحة
رحت في رجلها عند ذيييك الفلبينية وجمبها وحدة سعودية تمضغ علك
طبعا رحت انا صوووب الفلبينة وطنشت السعودية ( كذاب لاتصدقوني ) لاني ما احب السعودة ورافض فكرتها نهايئا
وعندي إختلاف مع وزير الصحة بخصوص من يضرب الابرة للرجل هل الممرض او الممرضة
الموهيم
رحت للفلبينة وانتم اكيييد تعرفون مدينة الفلبين ما ضيع شيابنا إلا الفلبين وما جاورها من ماليزيا واندونسيا جعلها امطار خير وبركه ههههههه
نرجع الى محور فرجار حديثنا
عاد يوم شفت الفلبينة انا ضاعت علوومي ورياضياتي وخف وجع الضرس بعض الشئ
عاد يوم وصلت عند الاستقبال هي قامت من الكرسي
وجيت انا وسويت فيها شهم وقلت لا والله ما تقومين اجلسي بمكانك ارتاحي يابنت الاجواد
هي بصراحة انفجعت مني
وبعدها ابتسمت لي إبتسامة خفيفة
عاد انا يوم شفتها ابتسمت قلت شكلها حبتني من أول نظرة
وعاد احنا زمان
نسمع عن الحب من أول نظرة وفيها ابتسامة )
بس تصدقون معقولة فيه حب من اول نظرة )
طيب لو طلعت اللي ناظرتها من أول نظرة طلعت مثلا متزوجة
بصراحة والله مشكلة
تدروون وشو الحل
يطلقها زوجها واتزوجها انا
وتنحل الاشكالية
الموهيييم جلست الفلبينية تتكلم بالانكليزي وعاد انا من اليوم وانا اهز في راااسي
فوق وتحت
فووق وتحت
فوق وتحت
فووق وتحت
والسبب هو الم الضرس
وهي تحسبني الخبله اني انا فاهم عليها وش تقول بالانجليزي
وقلت لها
انا ابقى دكتور حق اسنااان انا في ترس يعور حق انا ( ابووك يالانجليزي )
وعاد هي استغربت و ضحكت وشكلها ما فهمت وش قلت لها
عاد انا ضحكت
وهي ضحكت مرة ثانية
عاد انا
قلت شكلها ماتت فيني وشكلي خشيت في مزاجها
المويهم اعطتني الملف العلاقي الاخضر ((اي علاقي اخضر ياDaRk MoON انت في قسم تسجيل وظائف ))
على طاري الوظائف وش رايكم نقول للاخ عبدالله الحلوه يسوي لنا قسم للوظاائف في المنتدى (((( وش دخل الوظائف في الموضوع ياDaRk MoON ) (ايييه صح معليش )
عاد انا اخذت الملف ورحت صووب الاستراحة عشان اجلس و انتظر الدووور
ويوم دخلت من البااب حق الاسترااحة
وكانني داخل على نااس متوفي لهم واحد
انواع الصراخ
وانواع السب
والشتم بجميع لغات العالم ولهجاتها
الموهييم رجعت من البااب زي البرق وانا جالس اشيل شماغي وعدتي اللي طاحت
فاتضح للاسف الشديد إني دخلت على استراحة النساااء وانا ما ادري
الموهيم رحت الى استراحتنا الرجاليه وجلست انتظر
ومن يوم ما جلست مرت اربعه ساعات ولا جاني الدوور
وانا خدي منتفخ لدرجة ما تعرفون تميزون بين عيوني وبين حواجبي ههههههه
وكان في شئ مجنني اللي جالسين معنا في الاستراحة اشكالهم تحزن من قوة الم الضرووس
ويوم يدخلون على الدكتور ويخرجون من عنده
تشوفون اشكالهم اخص من أول
قلت شكل الدكتور هذا ما يسوي لهم شئ
الموهيم
طنشت ويالتيني ما طنشت
جلست وانا اتألم مع هذا الضرس
واخيرا وبعد محاولات مع عمال النظافة استطعت ان ادخل قبل الناس اللي قبلي
يعني ( واسطة )
وحين دخلت من عند باب الدكتور شفت اللي ما عمر جد أهل امي ماشافوه
دخلت وانا منفجع من الادوات اللي عنده
كانكم داخلين على ورشة سيارات
ويا عيني على الدكتور
ضخم الجثة
عريض المنكبين
وسيع العينين
سمين الخدين
مفروش الخشمين
ومدلدل البرطمين ( الشفتين )
وبشرته تميل الى السماار الممزووج مع اشويه فحم حق الشوي
يعني باصبعه الصغييير يطيركم
عاد يوم شافني قشر في وجهي
بصراحة انا خفت منه وشكيت في نفسي كماان
الموهيم
يوم جاء يتكلم
قال لي الدكتور : اش تبغى
عاد انا سويت فيها خفيف دم على بالي ابغى الطف الجو عشان يضحك ويعدل تفاصيل وجهه المقشرة
وقلت له ابغى 2 سانتوتش بيض مع بيبسي ككككككككك
إلا يوم قال : ايش تقول بصوت عالي جدا جدا جدا جدا جدا جدا جدا جدا
بصراحة صوته مثل جسمة ضخم لدرجة انه هز جدران المكتب وطاحت بعض الادوات من الزرادية ومفك 14 وأبو جلمبوا على الارض
وعاد يوم صرخ وقال لي اش تقوول
بعدها ياجماعة الخير يوم سمعت صوته مدري وس صار فيني
ولاعرفت الى حتى الان أن اكتشف سر إزديادات ضربات القلب عندي وكأن القلب سوف يقفز من مكانه أو سيتوقف
بعدها نظر فيني وضحك
بصراحة انا ارتحت يوم شفته ضحك
فعادت الي ضربات القلب تدريجيا وكأنها طائرة تهبط بسلام
وقال لي : أجلس على الكرسي
وللاسف الشديد جلست على الكرسي
وياليتني لم اجلس
والله هالدكتور هذا ما كأنه جالس يشتغل في ضرس انسان
اظن جالس يركب كفر و جنط 15
اقله يادكتور انت متأكد إنك خدرتني
وهو يقول ايووه خدرتك
وعنده سستر ودي اذبحها وحقدت عليها كل ما حركت رجلي من الالم تقول باابا انتا كبير عيب كدا هههههههههههههه
عمووما هذا كان موقفي مع هذا الدكتور السمكري
وانصحكم إذا بغيتم تشيلون ضرس دوروا على الايادي الناعمة بدلا من الايادي الخشنة
وهذا ااعتراف مني صريح للبنوتات
وفتكم بعافية
\
DaRk MoON ,,
\
[..
..]
( DaRk MoOn ودكتور الاسناان )
العرض العادي
