محل مشهور ببريدة يدس شرائح " قنفذ " مع شرايح الاسماك !!!!

[السكب روح الشفق]

قال وش دراك انها كذبه.. قال من كبرها

عموما كذبة غبية جدا جدا جدا

ولو يعلن اسمه تلقى عنده محل اسماك

اسلوب سخيف ومقرف بنفس الوقت

وعلى فكره القنفذ لايمكن يجي شرائح ابد....

قنفذ يا ظالم ..

القائمين على الشركة السعودية للاسماك في منطقة القصيم
من اوفى الرجال في بريدة..
وطبيعي ان يخرج مثل هؤلاء ليطلقوا تلك الاشاعة الساذجة

[asd-asd]

اقسم بالله الكريم وعلى كتابه العظيم انني لم افتري على شركة الاسماك ..ولكنها الحقيقة المرة التي تجرعتها وكلي امل ويحذون بريقه ان يكون اخينا المشتري قد التبس عليه الامر او ان تكون كلمة البلدية هي الفيصل في ذلك ..

ووالله العظيم لست من اصحاب المحلات ولا لي اي قرابة باحد بياعي الاسماك لا من قريب ولا من بعيد ..ولكن ما اقض مضجعي واهالني هو الاستهانة باهلي بريدة الى هذه الدرجة من عمالة لا تستحي من الله فمن باب اوالى ان لا تحترم الناس او حتى كفلائهم ...

وعند طرح اي موضوع ينبغي الحيادية والتجرد بأنفة وليست متوشحة للرمزية؟! بقدر ماهي عقيدة تكتنف الانسان العاقل من ذوي لمخابر والظنون المعتدلة وليست قطعية الظن السيئ !!!

وبالعموم كلا معر

[الافق]

لاحول ولا قوة الا بالله...
من آمن العقوبه اساء الأدب



تحياتي

[RaMaDa]

اخي asd


كل امس وانا تحقيق مع العمال وخربطه واخرتها يطع رفقيقك ما يعرف بالسمك

خويك اخذ هامور وشكله ما يعرف بالسمك عموما البلديه والشرطه جت يوم الاحد للمحل وطلعت تقريرانه مهب لحم قنفذ وان خويك ما عنده سالفه واتمنى انك ما تنقل مثل ها الاشاعات قد تظر فيها سمعه محل

[RaMaDa]

اقتباس:  المشاركة الأصلية كتبت بواسطة السكب روح الشفق     قال وش دراك انها كذبه.. قال من كبرها عموما كذبة غبية جدا جدا جدا ولو يعلن اسمه تلقى عنده محل اسماك اسلوب سخيف ومقرف بنفس الوقت وعلى فكره القنفذ لايمكن يجي شرائح ابد.... قنفذ يا ظالم .. القائمين على الشركة السعودية للاسماك في منطقة القصيم من اوفى الرجال في بريدة.. وطبيعي ان يخرج مثل هؤلاء ليطلقوا تلك الاشاعة الساذجة

لقد اخجلتنا بمديحك

شكرا لك

[الرأي الأول]

انا استفسارى من العضو المشتري

كيف انه عرفت انه لحم قنفذ بالذات

المشكله البعض حين يصيبه الشك ياتي باشياء ابعد ماتكون

لان القنفذ بالذات شوكه بالخارج وليس بالداخل لحماية جسمه من القوارص

بعدين وين الصور والدليل

وش مصلحة الشركه او صاحب الامتياز من التصرف الغبى ان صح

عزيزى عقولنا لاتصدق خزعبلات

[khuzama2000]

اقول كل المطعم وسخة لكن الوحد ياكل ولاهم شي

[زياد99]

اقتباس:  المشاركة الأصلية كتبت بواسطة مفرق حويلان     مساء الخير هذا كلام لا يمكن ان يصدق اخي الفاضل هذه شركة كبيرة ولها سمعة في السوق وصاحب الامتياز في منطقة القصيم هم عائلة محترمة نزيهة تخاف الله لا يمكن ان تصدر منهم هذه الافعال لا تظنك تتكلم عن مطعم شليويح بن ذعار بن نهير الذي يتستر على عمالته وليس له الا ما يقبضه اخر الشهر على العموم انا اتحدى ان تثبت هذه القصة والمغفل الذي يصدق القصة كيف من يبيع القنفذ يترك شوكه

يا هيه يامفرق حويلان
ايش تقصد مطعم شليويح بن ذعار بن نهير
يعني مطعم شليويح ماهو زين لأنه راعيه بدوي
ومطعم ابوصالح وابوسليمان الحضري زين
ليه ابوصالح يشتغل بمطعمه بنفسه

اترك عنك الكلام الذي يدل على العنصرية .
إلا اْردى المطاعم هي الي تلقى واجهتها وديكوراتها متعوب عليها ادخل وشفها
من داخل تعوف الأكل كله

[شخبوط]

يا صاحب الموضوع

واحد منكم كذاب وعليه صيام ثلاثة ايام
أنت تقسم إنه قنفذ
والنقيدان في موضوع مطروح في هذا المنتدى ينفي وبشدة
فأيكم الصادق ؟؟
أنت الصادق وهو الكذاب ؟؟؟
أو هو الصادق وأنت الكذاب ؟؟؟
أو كلكم كذابين ؟؟
اتصل عليه مرة ثانية وقله ليش تنكر
وعلمنا وش صرتوا عليه

[أبوبسام]

اقتباس:  المشاركة الأصلية كتبت بواسطة asd-asd     [align=center]واذا بالمفاجأة الكبرى والصاعقة العظيمة التي سقطت على قلبي ..[/align]

[align=center]ياساتر البلاء ..!!.
عاد صعقة .. تو الشتاء ياخوي ..!!.
معذور ماقسمن لك السميكات ..

واحمد الله وشكره .. جت على قنفذ .. وش حليله وأليف ..!!.
ماجت على بعرصي وإلا فارة وإلا بلى وجلى ..!!.
[/align]

[الالماني]

اقتباس:  المشاركة الأصلية كتبت بواسطة الذاهـبـة     يمي يمي .. القنفذ لحمته طرية و لذيذة .. لا تكبرون الموضوع تراه قنفذ .. مهب سنجاب أبو ريحة .. !!

[align=center]الذاهبة وش دراك أن لحمته طرية ولذيذة سبق وأن قلطتي عليه يالله خبرينا حتى نستطيع في المستقبل أن نفرق بينه وبين اللحوم الأخرى إذا غشونا[/align]

[جوااااااااد]

صورة مع التحية لأسوأ ادارة ببلدية بريدة

بقيادة النقيدان

[ولــد نعمـة]

يارجال أي بلدية وأي خرابيط اللي تتكلمون عنها
أنا اقول لاتستبعدون شيء مادام هذولا موظفين الصحة العامة بالبلدية .. المحل تثبت عليه التهمه انه يبيع حاجات متسممه وبقدرة قادر يسكر يوم ونص ويفتح .. يعني {اكيد يكووووووووووون دفع}..
بس لاأحد يسألني وش دفع !!!!!!!!!!
تحياااتي لكم بإنتظار التقرير المضحك .. والفضيحة في نفس الوقت
الى لقاء جميل .. تحيااتي لكم

[RaMaDa]

اقتباس:  المشاركة الأصلية كتبت بواسطة ولــد نعمـة     يارجال أي بلدية وأي خرابيط اللي تتكلمون عنها أنا اقول لاتستبعدون شيء مادام هذولا موظفين الصحة العامة بالبلدية .. المحل تثبت عليه التهمه انه يبيع حاجات متسممه وبقدرة قادر يسكر يوم ونص ويفتح .. يعني {اكيد يكووووووووووون دفع}.. بس لاأحد يسألني وش دفع !!!!!!!!!! تحياااتي لكم بإنتظار التقرير المضحك .. والفضيحة في نفس الوقت الى لقاء جميل .. تحيااتي لكم

محل الشركه السعوديه للاسماك متسمم منها احد ؟؟ ومتى اغلق المحل ؟؟؟



بعدين لا تتهم الرجال بدفع الرشاوي وتذكر ترا وراك حساب يوم القيامه وتبي تحاسب عن اي كلمه قلتها

[فشخره]

ياناس 00 المطاعم يجي منهم اكثر 000 بالله عليكم 00 عماله اجنبيه 00 تبيها تهتم بك ؟؟