.: " ظروف الطلاب والطالبات .. تزداد سوءاً وقت الإمتحانات " :.

[الــبــاســل]

.
.



[align=center].: " ظروف الطلاب والطالبات .. تزداد سوءاً وقت الإمتحانات " :.

في أيام الإمتحانات .. تدب الهموم في قلوب الطلاب والطالبات .. فالظروف تسيطر على قلوبهم الرقيقة .. هنا يجب أن نقف في وجه الظروف .. رافعين للجميع المعنويات .. حتى يتخطو هذهـ المرحلة الصعبة ..

يواجه الطلاب والطالبات ظروف من جميع الجهات .. فهذهـ ظروف عائلية .. وهذهـ ظروف اجتماعية .. وأمامه ظروفه الخاصة .. وتأتي الطامة الكبرى في الظروف النفسية .. والتي يلعب فيها المعلمين والمعلمات دوراً رئيسياً بذلكـ ..

حينما تدخل الصالات .. تجد نفسك في عالم آخر .. فكل طالب تراهـ واقف ممسكاً بورق كاد أن يتمزق من كثرة تقليبه .. حرصاً منه للحصول على أعلى الدرجات ..

في إحدى الأيام كنت واقفاً أستذكر بعض الملخصات .. فرأيت طالب بلا أوراق ولا مذكرات .. فسألته هل هو مستعداً للإختبار .. حتى استدركني بهذا الجواب :
كيف أستعد وضامن الرسوووووب

يالله .. لم يبقى سوى دقائق قليلة لدخول القاعة .. وهذا أمامي بلا معلومات .. أدركت أن الأمر يعنيني أكثر مما يعنينه .. لأنه بحاجة لمن يقف بصفه .. جمعت الأوراق المهمة ..
قلت له : ( ادرس ذولي ووالله إن تنجح بعد توفيق الله )
قال : كيف أدرس والدكتور يقول ياويلكم من الأسئلة .
قلت له : ادرس .. وإذا رسبت إرجع لي .
بدقائق قليلة استطاع مراجعة ست ورقات .. وبعد أن دخلنا الإختبار ووزعت الأوراق .. أراهـ ملماً في الإجابة .. فليس لديه وقت لرفع رأسه والنظر بمن حوله .. ياالله هذا هو الذي لا يحمل المعلومات قد سبقني في التخلص من تلك الأسئلة الغثيثة .. خرجنا وأنا قد تركت البياض يكسو بعض الخانات ..

استقبلني بوجه طلق عكس ما رأيته قبل الإمتحان .. وقال : الله يفرج عنكـ والله إني أبنجح بسبتكـ ..
نظراتي تقرأ في عينه الفرح .. وأنا أعيش في ترح .. فقد تفوق علي ونجح .. وأنا الذي علمته أراني أحمل تلكـ المادة ..

إلى متى اللعب بأفكارهم .. وتضييق عليهم صدورهم .. والله إنهم يكسرون خاطري إذا شفتهم ..

أرجع إلى ما أريدهـ من ما كتبت وهو لماذا كل هذا الحقد الذي يكنه بعض المعلمين على الطلاب ؟!
يقول له مافيه أمل تنجح .. أو الأسئلة صعبة .. وإلا الوعد في الإمتحانات ..
لنساعد أبنائنا وبناتنا على تخطي هذهـ الظروف .. من المفترض زرع روح التفاؤل بالنجاح .. وإخبارهم أن الأسئلة سهلة .. وأنهم أهل لها .. بل وقبل الإمتحان يجب على كل معلم معلمة أن يكونوا قريبين من الطلاب والطالبات ..

مرة رفعت يدي بكل ثقة .. أنتظر قدوم الدكتور .. يوم جاء قال خير وش عندكـ .. قلت أبسألكـ عن السؤال الثاني .. قال : الأسئلة مكتوبة بالكمبيوتر واضحة مثل الشمس ..
هي صحيح أنها كتبت بالكمبيوتر وأنها واضحة في كتابتها .. لكنها ليست واضحة في معناها ..

أتمنى توفير الأشياء التي تساعد الطلاب والطالبات على الراحة النفسية .. وإعطائهم ما يطلبونه .. ولو كنت مسؤلاً عن شؤن الطلاب والطالبات لوفرت فوق كل طاولة طالب وطالبة كأس شاي وماء لإطلاق طاقاتهم التي عقدها المعلمين والمعلمات ..

أخيراً .. أتمنى من جميع معلم أن يجعل الطالب الذي أمامه هو ابنه .. وكذلكـ المعلمة لتجعل الفتاة التي أمامها هي ابنتها .. والله لو كان الحال كذلكـ لرأينا جميع أبنائنا علماء عباقرة .. ولكن البعض أخذ التعليم ليس مسؤلية بل تسلط على أبناء وبنات المسلمين ..

محبكم
الــبــاســل[/align]


.
.

[حروف متناثرة]

لماذا كل هذا الحقد الذي يكنه بعض المعلمين على الطلاب ؟!

ليس كلهم ..
وأشكر لك " محبتك لأخيك المسلم مثلما تحب لنفسك " ..
نسأل الله أن يعينهم ..
تحياتي .

[انسان مجهول]

اخي الباسل...

مرحبا بك..

في ايام الثانويه كم عشنا هذا المواقف

الوعد الامتحان و الاختبار صعب

مما يجعلنا نفقد الامل في النجاح

اما الان في الجامعه حدث ولا حرج !!!!

اشكرك اخي الباسل على طرح مثل هذي المواضيع القيمه والمفيده

تحيااتي

[الكبري]

[align=center]
لم أشعر يوماَ برهبة حقيقية للإمتحان ،

السبب عندما كنت في الصغر كانت عائلتي تعدني أول بأول للإمتحانات ،

أما الآن وأنا ما بعد البكالريوس عندما أذهب للإمتحان كاني ذاهب لأي يوم عادي ،

ليس بلادة وإنما أعد باكراَ فإن وفقت فالحمد لله ،

وإن لم أوفق فليست نهاية الدنيا ،

سأعيد الإمتحان وسيصبح كل شيء على ما يرام ،

ليس الخلل في الأسئلة ولا في المعلمين ،

بل في المناهج وطريقة الإختبارات التحصيلية ،

وكذلك تجاهلنا للدراسة ولا نتذكرها إلا في أيام الإمتحانات ،

وفق الله جميع الطلبة للنجاح ،

تحياتي [/align]

[قهررررر أحبه]

الله يعافيك يالباسل وربي ماقصرت الله يجزاك ألف خير
وهذي بعض المعلومات لعلى وعسى أن تفيد أخواننا وأخواتنا الطلاب الطالبات


سلالاموون عليكمون ..

شلونكمـ ؟

[ فن التعامل مع الاختبارات]

أول شيء نبدأ بالكلمات القاتلة ذاتياً و [ المدمرة ] اللي هي :
ـ لا أستطيع .
ـ مستحيل .
ـ صعب .
ـ مشكلة ..
أستبدل كلمة [ صعب] بـ | سهل ، ماي | ..
أستبدل كلمة [لا استطيع] بــ |أحاول| ..
أستبدل كلمة [ مشكلة] بــ |أحاول| ..
أستبدل كلمة [ مستحيل] بـ |ممكن|
_____
المذاكرة الذاتيه :
ـ أستعد للمادة اللي بتذاكرها ..
ـ الإيحاءات الايجابية : [ حلو ،سهل ، ماي ، يجنن ، رهيب ]
ـ التصفح السريع <= التسخين [ الاستعداد ..]
ـ قراءة سريعة لبعض المواضيع والعناوين ..
ـ القراءة الشاملة لجميع الكتاب ..
________
أعداء التعلم:
التكبر 2ـ الخجل 3- الخوف 4- التسرع 5- التوقع ..
_______
كيف نرسخ المعلومه في الذهن :
ـ التكرار ..
ـ الكتابة
ـ القراءة ..
ـ السماع ..
ـ التطبيق ..
ـ إذا خلصت الدرس لاتروح عنه قبل ماتراجعة والفصل بعد لا تنتقل للفصل الثاني ألا لما تراجعه
ـ تنام الساعه [ 9 ] وتقوم الساعة [ 1ونص ] الثلث الاخير من الليل تحفظ فيه أكثر
ـ تنام قبل الأختبار بساعة لاتروح مواصل ..
ـ تنام بعد الأختبار ساعة فقط أو 40 دقيقة
ـ أشرب شاي مركز أو عصير ..
ـ تذاكر فترة العصر .، تبدأ بالصعب طبعاً ..
ـ بين المغرب والعشاء لاتذاكر بس راجع إذا تبي حل الاشياء اللي يبيلها حل بس لاتذاكر ..
ـ بعد العشاء تذاكر ساعة أو ساعتين بعدين نام
__________
الاستمتاع بالمذاكرة :
المكان المثالي للمذاكرة :
1ـ هادئ , 2ـ صامت , 3ـ متوسط الحجم , 4ـ مرغوب , 5ـ دائم ..
أو
[يحتوي على طاولة وكرسي ومستلزمات المذاكرة ..]
ـ لاتذاكر بغرفتكـ ..!!
ـ الغرفة اللي لونها أحمر ماتنفع للمذاكرة لأنها تخلي الدم كله بالراس ..
ـ لأزم تذاكر في غرفة دائمة مش كل شوي تنقل مكان ..
ـ أفضل لون للغرفة عشان يساعدك على المذاكرة [ البيج ]
__________________
معوقات المذاكرة :
ـ إزعاج الأهل .
ـ الأصدقاء ..<= قفل جوالك أيام الاختبارات عشان يرتاح قلبك ..
ـ الترفيه ..
ـ الإندماج في أوقات الراحة <== يعني مثلاً وقت الراحة تجي تقعد على النت وتنسى عمرك وماتتذكر عمرك ألا بعد أربع ساعات ماينفع ذا الكلام
ـ التفكير السلبي ..<== يعني تقول وه الله يعيني المادة اليوم صعبة موت وتعاريفها كثيرة ولا بعد المعادلات صعبة عط عمرك إيحاءات إيجابية .
ـ عدم برمجة الوقت <= يعني ماعندك وقت ثابت تذاكر فيه ووقت للراحة ..
ـ الجوع والظمأ <= يعني اذا كنت جايع وقف مذاكرتك وروح أبلع ولا تصيرون زيي أنا أجيب كاس الماي قدامي وبموت من العطش أقول مراح أشربه ألا لما أخلص الجزئية اللي محددلي أياها بس أشوف الماي أموت أبغى أشربه بس معاقب عمري أكتشفت أنه هالشيء خطأ
ـ الحاجة للنوم <= أتوقع كلنا يبيلنا نوم منوم ..
ـ الجلوس الخاطئ <= الجلوس الصح هو أنه تسند ظهرك على الكرسي وتقرب لك الطاوله أما إنك[تكندس] ماينفع
______________
كيف تحافظ على التركيز أثناء المذاكرة:
ـ روح مكان ترتاح فيه ..
ـ أفتح اللمبات كلها وخصوصاً اللمبات البيضاء ولا تفتحون الصفراء لأنها ماهيب زينه لأنها تصيب بالتوتر ـ حط لك قوانين في البيت وخارجه
ـ أخذ ما تحتاجة من الراحة ..
________________
/كيف تقاوم الإرهاق والملل :
ـ ( أشرب) عصير ليمون ، برتقال ، شاي أخضر
ـ غير جدول المذاكرة ..<= يعني إذا بديت بالكتاب من أول أبداه من الاخير وكذا ..
ـ أمشي وأنت تذاكر ..
ـ تذاكر مع أهلك ..
ـ إذا تعبت من المذاكرة أبدأ من أخر الكتاب ..
ـ أثبت للمعلومة إنك تذاكر من أخر الكتاب ..
ـ كون إيجابي ..
________________
/ شلون تعرف وشو بيجيك بالإختبار :
التكرار <= إذا شفت الاستاذ كرر السؤال أعرف أنه مية بالمية بالإختبار مستحيل يكرر السؤال مايجيبه ..
لغة جسد المعلم <= إذا كان متحمس الاستاذ وكذا يعني السؤال مهم إما اذا قال الكلام وشوي قاعد على الكرسي مثلاً يعني السؤال ماهوب مهم ..
إذا طلب منك الكتابة <= يعني قالك أكتب ذا الكلام تراه مهم يعني تراه بالاختبار مية بالمية ..
تعليقات المعلم على الاختبارات السابقة <= إذا قال ياطلاب يا طالبات ترى ذا السؤال جبته السنة الماضية يعني أكيد ذي السنه بيجي ..
أبحث في الامتحانات الشهرية والنهائية والقصيرة <= يعني الاختبارات اللي يسويها لكم ذاكروها وأحفظواها زي أسمكم لانه أكيد بجيب منها أسأله وخصوصاً إذا كانت الاسئلة حلوهـ وسهله .
- إسأل عن المعلم كيف طريقة شرحة وشلون يحط الاسئلة وكذا ..
_________________
/ المواجهة مع الأمتحان :
ـ قلق الأمتحان <= لاتقلق مره ترى القلق ياخذ نصف جهدك ..
/ كيف تعرف هذا الشخص قلق :
عرق في قبضة اليد..
ـ أحساس بعدم إمتلاك إي معلومات عن المادة .
أفضل طريقة للتخلص من القلق :
ـ نظم أوقات الرحة في المذاكرة ..
ـ نظم أوقات النوم ..
ـ أحذر من التغير المفاجئ لحياتكـ ..<= مثلاً النقل من بيت لبيت أو من غرفة لغرفه أو تغيير السيارة ..
الحذر من الاتصالات المحبطة <= يعني يكلمك صديقك يقولك المادة صعبببببببببببببببببه مرررررره ماعرفت كيف اذاكرها هذا ماعليك منه ولا ترد عليه أحسن ..
ـ قلّل من أهمية الأمتحان <=يعني لا تخاف وهون على نفسك ..
ـ تتدرب على الاسترخاء <= رخي عضلاتك بالاختبار كل [5] دقائق عشان تتذكر المعلومة ..
، الإيحاء الإجابي ..<= أفضل الإيحاءات الإيجابية هو ذكر الله كـ قول [ لا إله إلا أنت سبحانك إني كنت من الظالمين ..
__________________
/ أستراتيجية الأمتحان :
وأنت رايح للإختبار سوّ هذي الأشياء :
ـ تخيل إنك بالبيت ..
ـ روح لإختبار وأنت مرتوي من الماء <= الماء ممتاز جداً يحرك المخ ..
ـ أذهب إلى دورة المياة .
________________
/ الفطور :
ـ حليب فيه عسل و بيض ..
أو بس حليب فيه عسل
ـ شوكولاته أو تمر ..
___________________
/ إذا وصلت المدرسه :
إذا وصلت المدرسة قبل الإختبار بنص ساعة أو ساعة لا تذاكر شيء واذا ماخلصت مذاكرة ذاكر ..
- كلم نفسك إذا جيت تدخل الإختبار أنسى وعط عمرك إيحاءات إيجابية وأبتسم وأذكر الله عشان تذكر الأمتحان وأنت مش قلقان ..
- إذا دخلت الإمتحان لا تقول [ الله يستر ، يماخايفـ/هـ ]لا تعطي عمرك إيحاءات سلبية ..
- قبل أن تبدأ الإختبار قول الدعاء وآية الكرسي ..
الدعاء [ اللهم لا سهل إلا ماجعلته سهلا أنت تجعل الحزن إذا شئت سهلاً ..]
[ لا إله إلا أنت سبحانك إني كنت من الظالمين ..]
- أفتح الورقة .. - اكتب أسمك بهدووء .. - سمي بالله ..
- أقرأ الأسئلة قراءة شاملة إذا كنت مرتاح .. أما اذا كنت ما أنت مرتاح لاتقرأها ..
- جاوب الأسهل بعدين الأصعب ..
- أكتب في الهامش كل اللي تتذكره ..
- نفسياً تخيل إنك لحالك ..
- لا تسأل المعلمـ/هـ عن الإجابة أسئلهـ/ـا عن توضيح هذا السؤال ..
- لا تنتقل عن الفقرة حتى تراجع هالفقره ..
- لما ماتعرف حل هذي الفقرة حط علامة عندها مثلاً [ * ] عشان لما تجي تراجع تنتبه انك ماحليته وتحله
- اذا توترت أسترخي ..
- راجع بصورة دقيقة ثم سريعة <= تراجع بسرعة يعني يمكن في سؤال ماحليته وتحله أما دقيقة يعني تقرأ الاجوبة وتشوف صح ولالا ..
- كل نصف ساعة ريح ربع دقيقة ..
___________________
/ إذا المعلومة ماطلعت :

* اذكر الله / واستعن بالله ..
* تخيل أنك فاتح الكتاب واوصل عند هالمعلومة وحلها واذا ماتذكرت شيء طنش ياخي واسترخي بعدين روح للفقرة الثانية وحلها بعدين ارجع حق هذي الفقرة وان شاء الله تتذكرها ..
_________________________
/ وشو أسوي إذا جاني سؤال صعب :
- عط عقلك الباطن فرصة عشان يفكر ..
- وخر التوتر ..
بعدين أنزل على السؤال الثاني حله وأنت تحله بتجيك الإجابة حقت السؤال اللي فوق ..!!
- أكتب وأشرح كل شيء في بالك .. حتى ولو توقعت الاجابة خطأ أكتبه بالهامش الزبدة لاتخلي الورقة فاضية ملها تملي
______________________
/ وشو تسوي بعد الاختبار :
- لا تقرأ كتاب نفس المادة
- فكر في الإجابات الصحيحة اللي كتبتها واستانس انه بوه شيء صح احسن من غيرك ..
- إخرج من الحالة النفسية بأي طريقة تراها صحيحة ..
- لاتقابل إي طالب سلبي .. ام ممتاز شايف عمره لما تقوله غلطت بالشيء الفلاني يتطنز عليك <= ياكرهيلهم ..
__________________
- الوقت بين الفترتين :
- خذ فترة استرخاء ..
- راجع الملاحظات لوحدك <== الخريطة اللي انت سويتها حق عمرك ..
- جاوب على اسئلتلك اللي انت حطيتها ..
- لاتهتم اذا ماتذكرت المعلومة ..
__________________________
/ [ إذا ضاقت بك الدورب ولا تعرف المعلومة ولاشيء نسيتها ..]
إبدأ من هون :
-الأسئلة الأختيارية :
إذا تشابهت اجابتين عليك لا تختار ولا وحده منهم اختار الثاني..<= لاتسوي فيها فاهم وتكون تعرف الاجابة تحط اجابة ثانية هذي بس اذا ماكنت تعرف..
اذا شفت اجابة واضحة على السؤال الصعب تراها غالباً ماتكون خطأ ولكن الإجابة اللي تشوفها قريبة منها غالباً ماتكون صحيحة ..
إذا تقاربت كميتان اختر احدهما ..<= يعني اذا صار شيين نفس الشيء بالضبط وتعرف انه صح اختاره ..
-----------------------
- الأسئلة المقارنة : التوصيل
إذا ماعرفت أسأل احساسك ..
الكلمة الطويلة تناسبها القصيرة ..
ركز في أن تكون الإجابة أو سبب النتيجة يناسبون لبعض ..
دايماً في التوصيل [ الأولى يناسبها الوسط ] و [ الثالثة الأخيرة
_______________________
- الأسئلة الصح والخطأ :
أكتشف طريقة معلمك ..
الجملة الطويلة دايم [ × ]
العبارة التعميمية دايم [ ×] العبارات هم [ كل ـ دائماً ـ ليست ـ أبداً ]
أسأل احساسك اذا احساسك قالك [ ×] حط [ صح ] يعني عكس احساسك ..
__________________
- الأسئلة المقالية :
حدد المهم في السؤال ثم ركز على اجابتك ..
إبدأ بالإجابة الصحيحة واطل الشرح فيها ..
ارجع لشرح الإجابة السابقة ..
-------------------
/ التخلص من رهبة الأختبارات :
إذا تخلصنا من الصورة السيئة بالاختبارات نتخلص من الرهبة ..
- بالرياضيات المسأله المحلوله بالكتاب غير الأرقام [ 3]مرات حلها انت من عقلك وشوف تعرف تحلها ولالا
- إذا راحت عليكـ نومه مثلاً وما ذاكرت شيء أفتح الكتاب وركز على الأشياء اللي انت حافظها بس وتعرف انها مهمه بس ..
------------
/ أساليب الحفظ :
بالانقلش :
طبق الكلمات حقت الانقليزي عشان تحفظها ..
------------
ملاحظات مهمة جداً :
ـ إذا بغيتـوا تحفظون اي شيء مثلاَ وماهوب راضي ينحفظ ارسموا صورأو أشكال تساعدكم بالحفظ
ـ ذا بغيتوا تحفظون أدب مثلاُ او نصوص اللي هو ومش قادرين لحنوا القصيدة وإن شاء الله تحفظون تعرفون ليش الناس يحفظون الأغاني أو الأناشيد لأنها [ملحنة]عشان كذا انت لحن القصيدة وبتحفظها حتى بعض الاحيان الناس يحفظون لحن الأنشودة أو الاغنية ومايحفظون كلماتها هذا دليل انه اللحن يخليك تحفظ الشيء ..

ـ في قاعة الأختبار اذا جيت تبي تتذكر المعلومة لاتطالع الأرض لأنك اذا طالعت الأرض تفكر [بــ عواطفك ] طالع في الوسط ..
ـ إذا انقهرت وضاق خلقك من المادة وشوي وبتصيح اذا مسكتها ومش قادر تذاكرها غير شكل الكتاب مثلاً يعني صور اي شيء تحبه وغلفة بالكتاب كله تعرفون انا قلت بسوي برنت سكرين حق منتدى جوريات وبحطه على الكتاب يمكن اذا تذكرت جوريات اشتهي افتح الكتاب ههههههههههههههههههه
- اذا تذاكر لا تخطط كل الكلمات خطط بس الاشياء المهمة عشان بالاختبار تتذكرشيء المهم انك حاط عليه خط ..
ـ لاتذاكرون جماعي تراه ماهوب زين يعني يمكن انه زين للطالب[ الكسول ] انه ياخذ معلومات من الزملاء بس الطالب[ الممتاز ] ماتنفعله بالعكس تحبطه لانه يمكن يذاكرون ربعك شيء انت فاهمه وعارفه يجون يخربون معلوماتك ..!!
ساعة مذاكرة وعشر دقايق راحة ..
لما تبغى تكتب ملخص او اي شيء عشان تحفظة اكتبة بورقة بيضاء غير مسطرة عشان التسطير يشوش المخ
ـ كل 20 دقيقة تذاكر أتاح ربع دقيقة ..
ـ إذا جيت تحل في الإختبار لا ترص على القلم لأنه اذا رصيت ياخذ جزء من الوعي ..
ـ لما يجي وقت الرحة بعد المذاكرة مش تروح تقرأ مسجات وتسوي عمرك هولاكو لأنه اي شيء فيه عواطف يضيع المعلومة ..
ـ لما تجي تذاكر ركزأن نتعلم مش نحفظ عشان الاختبار بس ..
- لاتتسرع في المذاكرة ولا تتسرع بالاختبار ..
التطبيق <= كل شيء تاخذه طبقة اشرح الشيء اللي اخذته حق اي احد لو انه اخوك الصغير يقول الاستاذ حتى لو تروح على الدرج وتمثل مع الهوى عادي المهم انه تثبت المعلومة بمخك ..
ـ لا تذاكر بعد الأكل على طول ..
اذا اخذت غفوه في مكانك وانت تذاكر تراه شين زين ..
لا تذاكر على سريرك ..


انتهينا ..

إن شاء الله عجبكم الموضوع واستفدتوا منه ..

شكر خاص جداً للباسل

تحياتي لمن ملك حياتي
إحترامي سدي (( قهررررر أحبه ))

[الوافـــALWafiـــي]

لوسمحت ياقهر احبه ماتلاحظ انك كثرت الكلام والقرق والمقولة تقول خير الكلام ماقل ودل وانت ماسكلي هرج طويل عريض مشتت ماله اي معني مع احترامي لك ارفق علي نفسك وبشويش وكلامك هذا تقدر انك تختصره بسطر او سطرين بالكثير مسويلي فيها مثقف وانسان فاهم كاتبلي كلامي الواحد يقعدله شوي ماخلص منه اقول علي هوينك وخلك انسان موزون بكتاباتك تري الناس تمل منك اذا كان هذا نهجك ....
وشكرااااااااا,,,,,
توقيع/عبدالله عضلات

[الــبــاســل]

[align=center]

اقتباس:  المشاركة الأصلية كتبت بواسطة عبدالله عضلات     لوسمحت ياقهر احبه ماتلاحظ انك كثرت الكلام والقرق والمقولة تقول خير الكلام ماقل ودل وانت ماسكلي هرج طويل عريض مشتت ماله اي معني مع احترامي لك ارفق علي نفسك وبشويش وكلامك هذا تقدر انك تختصره بسطر او سطرين بالكثير مسويلي فيها مثقف وانسان فاهم كاتبلي كلامي الواحد يقعدله شوي ماخلص منه اقول علي هوينك وخلك انسان موزون بكتاباتك تري الناس تمل منك اذا كان هذا نهجك .... وشكرااااااااا,,,,, توقيع/عبدالله عضلات

أخي الغالي
إن جهد أخي العزيز " قهررررر أحبه " جهد مباركـ ويجب علينا أن نشكرهـ .. حتى أنت إن مللت من القراءة .. فهو قد تعب ومل من الكتابة .. ولكنـ لنا ولأجلنا تحمل مشاق الكتابة ..

وإني أتعجب من ما قلت :

اقتباس: وكلامك هذا تقدر انك تختصره بسطر او سطرين بالكثير مسويلي فيها مثقف وانسان فاهم كاتبلي كلامي الواحد يقعدله شوي ماخلص منه

أعتقد أنه لم يُجبركـ أحد على قراءته

يقول النبي صلى الله عليه وسلم : " من لايشكر الناس لا يشكر الله "

محبكمـ
الــبــاســل[/align]

.
.

[^ عصفورة بريدهـ ^]

أخي الباسل

شكراً لكـ

لقد قرأت الموضوع في إحدى منتديات بريده

واعجبني كثيراً

وها أنا أجده في هذا المنتدى الرائع ..

من جديد ..


وفقكـ الله ..

أختكـ/جوري بريده ( درهـ )

[قهر احبكككك]

والله انك ماعندككككك سالفة ياقهر احبه وليس قهر احبكككك
وبعدين انتبهو لاتخلطون بين قهر احبه وقهر احبكككك لأنه مايشرفني هاذا العضو ياناس
وبعدين لاتسويلي فاهم ياقهر؟؟؟؟؟
ولا ترسل شي على اميلي زييييييين؟؟؟؟؟
بس ترا بعد هالموضوع

[شموع تحت المطر]

واللي يتحداكم يقول انتم ساقطين بالمادة
هذا بالله كيف تندرس مادته وبأي نفس!!!
واللي يقول حولع فيكم بالاسئلة شسوات؟؟؟

الله يفرجه من عنده....