أكثر سؤال يضايقني ........!

[انتظرتك]

من الأسئلة التي تضايقني كثيراً
ويأتي هذا السؤال بالمرتبة الأولى قبل سؤال : كم راتبك ...!
هو عندما أكون متضايق ويسألني أحد الأصدقاء ويقول :
وشبك عسى ماشر ..؟
وإذا غير شوي بالسؤال قال :
وش فيك متضايق ..؟




مهما تساوا الرجل والمرأة بالهموم القابعة بداخل كل منهما
إلي أن هناك فرق كبير بينهم في كيفية التعامل معه ..


فطبيعة المرأة تحب من يواسيها ويحتويها ويعطف ويحن عليها
لذلك في حال ضيقها تظل المرأة تبحث عمن يبادرها بالسؤال
لتبادر هي في غرف همومها ونثرها بحجره
وغالباً تكون دمعتها حاضرة ..


أما الرجل فيميل إلي الصمت وإخفاء ما يعانيه
ومحاولة تناسي هذا الهم والضيق من خلال ممارساته اليومية ...
أي حتى لو طقها بالوت وضحك مع الشباب
والا طلع هو وبعض خوياه براس نفود
والا مسك الدائري وخلصله بكت وهو يسمع عبادي ....

إلي أن هذا الهم سيبقى مدفون بداخلهم

وهذا هو سبب وصول الرجال مبكراً للشيخوخة ... أسرع من النساء ...!!

ومع ذلك نرحب بالشيب ولا نكون كالنساء ...!!

[eivl girl]

طيب انت
كم راتبك!ووش مضايقك؟
عشان نعرف نجاوب

[انتظرتك]

اقتباس:  المشاركة الأصلية كتبت بواسطة eivl girl     طيب انت كم راتبك!ووش مضايقك؟ عشان نعرف نجاوب

تبين اقولك كم راتبي قبل الزياده والا بعد الزياده ..

ومابيك تجاوبي بس ابيك تقولي
اذا ارتمت بحضنك وحده من خوياتك وقعدت تصيح
وش تسوين ...؟؟ بناخذ دروس للمستقبل

[" TWIX "]

اقتباس: والا مسك الدائري وخلصله بكت وهو يسمع عبادي ....

لو..
يوم العيد ..
وإلا
لحظة تخرجي ..
وإلا
ليلة زواجي ..

واسمع عبادي الجوهر كان يجيـن تكاك ما يفكه ولا سبعطعش مطوع ولو يغطسونن بوايت مقري فيه ..!!
أنت اللي يقلون عنك تستاثم على ما يسوى ...!!

[انتظرتك]

اقتباس:  المشاركة الأصلية كتبت بواسطة " twix "     لو.. يوم العيد .. وإلا لحظة تخرجي .. وإلا ليلة زواجي .. واسمع عبادي الجوهر كان يجيـن تكاك ما يفكه ولا سبعطعش مطوع ولو يغطسونن بوايت مقري فيه ..!! أنت اللي يقلون عنك تستاثم على ما يسوى ...!!

ويش فيها لو تكلمني حبيبي
ويش فيها لو تطمني حبيبي ..
ليه تشغلني عليك
أو عشان اموت فيك ..

أنت يا أما من قوم كسر كسر ( الدبكات )
والا من قوم حكيم اس اس السلام عليكم ...


والا فيه احد يملك احساس مايسمع لعبادي !!!!

[شهــــــــــــــــــد]

كم رآتبك :!!!@
بعضهم يخاف من هالسؤال لانه يصير مريض نفسي يخاف يصاب بالعين (:

[انتظرتك]

اقتباس:  المشاركة الأصلية كتبت بواسطة شهــــــــــــــــــد     كم رآتبك :!!!@ بعضهم يخاف من هالسؤال لانه يصير مريض نفسي يخاف يصاب بالعين (:

لانك ماتعرفين ربعنا قلتي يصير مريض نفسي

تدرين ليش يضايق هالسؤال ..؟؟
لانه راح تتبعه محاضرة طويلة عريضة
السائل ماراح يكتفي بالسؤال وينثبر ..
راح يناقشك بكل صغيرة وكبيرة
هو عليك اقساط أو لا وكم تصرف منه وكم توفر
وليش ماتستثمر وليش وليش ....

[SAGA]

الحل من الشيخ العريفي الله يحفظه
وهو إنك تجاوب ع السؤال بسؤال
إذا قالك كم راتبك؟
قل ليه عندك شغله ثانيه بتشغلني فيها؟
مو يقولون أهل بريده يجاوبون ع السؤال بسؤال
عزالله إنهم أذكياء..

وبالنسبه لسؤال ليه متضايق؟؟
أنا برغم إني أنثى أكررررررره أحد يسألن هالسؤال
أول مايسألن أحد هالسؤال تبدى الدموع تصب خخخخخخخ
وأنا ماأحب أشكي لأحد وش أبستفيد إذا شكيت لمخلوق ضعيف لاحول له ولاقوه...شكراااااا

[انتظرتك]

اقتباس:  المشاركة الأصلية كتبت بواسطة saga     الحل من الشيخ العريفي الله يحفظه وهو إنك تجاوب ع السؤال بسؤال إذا قالك كم راتبك؟ قل ليه عندك شغله ثانيه بتشغلني فيها؟ مو يقولون أهل بريده يجاوبون ع السؤال بسؤال عزالله إنهم أذكياء.. وبالنسبه لسؤال ليه متضايق؟؟ أنا برغم إني أنثى أكررررررره أحد يسألن هالسؤال أول مايسألن أحد هالسؤال تبدى الدموع تصب خخخخخخخ وأنا ماأحب أشكي لأحد وش أبستفيد إذا شكيت لمخلوق ضعيف لاحول له ولاقوه...شكراااااا

والله ياختي
اذا صار السائل من بريده وجاوبتي على سؤاله بسؤال
راح يقولك جاوبي أول واشوف هو انتي تحتاجين شغله ثانيه والا لا ....!
وياويلك اذا قلتي لأحد خابرلي ارض والا سياره ..
لانه راح يسألك عن رصيدك
واذا عرف رصيدك انتشر الخبر وشوفي عاد
كم واحد راح يجيك يبغى سلف ....


والشكوى والدموع مفيدات للمرأة
يكفي ان الوحده تطلع اللي بقلبها ..

[Chocolate]

اقتباس:  المشاركة الأصلية كتبت بواسطة شهــــــــــــــــــد     كم رآتبك :!!!@ بعضهم يخاف من هالسؤال لانه يصير مريض نفسي يخاف يصاب بالعين (:

اخوي ساله واحد نفس السوال وقاله 10 الاف وهو يكذب
يوم راح اخوي للاستراحه كلن يحكي به صغير وهذا راتبه
وراتب اخوي ما تعدى 4

[انتظرتك]

اقتباس:  المشاركة الأصلية كتبت بواسطة غ ـــــزلان     اخوي ساله واحد نفس السوال وقاله 10 الاف وهو يكذب يوم راح اخوي للاستراحه كلن يحكي به صغير وهذا راتبه وراتب اخوي ما تعدى 4

الله يعين اخوك ياغزلان
ويخليه لكم ,,
والمره الثانيه يخصم من الأربعه ألف لزوم العين ,,,

[ماجد الشمري]

جميل جداً
وعلى فكره استاذي
كنا في السابق اكتسبنا عاده من الطفوله عدم قبول بكاء الرجال ونشاهد تلك الاوضاع بعين التعجب والنقص ..
وانا اقولك في السابق لإن الوضع اصبح مختلف الآن <--- طبعاً بالنسبه لي أنا ..
ياعزيزي لاضير من مشاركة احزانك الغير ولا يعيب شخصك ولا ينقص ذلك من رجولتك ..!
صدقني انت محروم من شعور جميل ورائع عندما ترتمي إلى حضن من يهمه امرك وتنعم بإزاحة تلك الشحنات السالبه ولاتنسى ان سنة الحياة هي متغيرات لكن دائماً ماتكون دون الرغبات فـ تترسب المواقف حتى تخلق جبال من الضغوط النفسيه وإذا لم تجد تلك الشحنات متنفس لها ..!
عندها ستصاب بالعلل النفسيه وامراض وهلم جرا من مزاجيات الكدر والضيق ..!
لذلك لاتفوت على نفسك فرصة البكاء والفضفضه وإزاحة تلك الشحنات من داخلك وانظر بعين الواقع .. الرجل معرّض للضعف والهوان وفقر الحِيَل ولا يملك المعجزات ولا سبيل للمتغيرات !
والله الهادي ..
حبيت اعلق على هذه الجزئيه فقط وكان الله بعون الجميع ..

تقبل مروري

[انتظرتك]

اقتباس:  المشاركة الأصلية كتبت بواسطة ماجد الشمري     جميل جداً وعلى فكره استاذي كنا في السابق اكتسبنا عاده من الطفوله عدم قبول بكاء الرجال ونشاهد تلك الاوضاع بعين التعجب والنقص .. وانا اقولك في السابق لإن الوضع اصبح مختلف الآن <--- طبعاً بالنسبه لي أنا .. ياعزيزي لاضير من مشاركة احزانك الغير ولا يعيب شخصك ولا ينقص ذلك من رجولتك ..! صدقني انت محروم من شعور جميل ورائع عندما ترتمي إلى حضن من يهمه امرك وتنعم بإزاحة تلك الشحنات السالبه ولاتنسى ان سنة الحياة هي متغيرات لكن دائماً ماتكون دون الرغبات فـ تترسب المواقف حتى تخلق جبال من الضغوط النفسيه وإذا لم تجد تلك الشحنات متنفس لها ..! عندها ستصاب بالعلل النفسيه وامراض وهلم جرا من مزاجيات الكدر والضيق ..! لذلك لاتفوت على نفسك فرصة البكاء والفضفضه وإزاحة تلك الشحنات من داخلك وانظر بعين الواقع .. الرجل معرّض للضعف والهوان وفقر الحِيَل ولا يملك المعجزات ولا سبيل للمتغيرات ! والله الهادي .. حبيت اعلق على هذه الجزئيه فقط وكان الله بعون الجميع .. تقبل مروري

مرحبا أخي ماجد

كما ذكرت سنة الحياة هي متغيرات وغالباً ماتكون دون الرغبات ..
فلو فتح الرجال لأنفسهم باباً للشكوى والتنفيس بين أحضان المقربين منهم
لأصبحوا كالأطفال عفواً كالنساء لكثرة الهموم التي تحيط بهم من كل جانب ..


نعم نحن بحاجة إلي من يواسينا ويخفف عنا
لكن بطريقة غير مباشرة ...

[بسومة بريده]

ولا تنسى كم عمرك..؟؟<<يمكن خاص بالنساء

هناك اسئله بسيطه واجاباتها لاتكلفنا شيئا الا اننا نتضايق منها ليش مادري..؟؟

[انتظرتك]

اقتباس:  المشاركة الأصلية كتبت بواسطة بسومة بريده     ولا تنسى كم عمرك..؟؟<<يمكن خاص بالنساء هناك اسئله بسيطه واجاباتها لاتكلفنا شيئا الا اننا نتضايق منها ليش مادري..؟؟

صدقتي يابسومه

أمي من يوم عرفتها وهي عمرها 37 ...!!!!
واذا قلت لها انا وصلت الثلاثين
قالت ترى مابه طماط وخيار ولاتنسى تجيب طبق بيض !
يعني انثبر ولايكثر ...



نتضايق منها لأنها تدخل بالخصوصيات ...