عذر الدموع

[عبدالعزيز عبيد العدواني]

البارحه جوها ظلمى بليا شموع
لو الثريا بجنبي فاقدن للشعاع

ادور المعذره بيدين ظالم قطوع
ما مدها اول وهو يامر ومثله مطاع

ان كان قصدك زعل لرضاك قلبي يفوع
ماني بقد التغلي والجفى والوداع

سريتها البارح بقلبن يهز الضلوع
لين ابحرت باخرة عمري بليا شراع

ما يتقي من شهر سيفه بكبر الدروع
ولا يواجه رماح القوم قلبن رعاع

النفس ما تنقبل ياصار فيها خنوع
وانا عزيز الجناب وعزتي لي متاع

لكني اطلبك تكفين اسرعي بالرجوع
يكفيني البارح هموم وضياع وصراع

لو ان بعض السوالف تختصرها الدموع
خليت عيني تسولف واحتزمت الضياع

[۶ــڏآري]

اقتباس: ادور المعذره بيدين ظالم قطوع ما مدها اول وهو يامر ومثله مطاع ان كان قصدك زعل لرضاك قلبي يفوع ماني بقد التغلي والجفى والوداع

اهنيك شاعرنا عبدالعزيز

تسلم واللهـ

[خـــــــــــــــالـــــــــد]

مرحبا ملايين بشاعرنا الكبير ابو مشاري


قصيده جزله فيها نفس ابو مشاري

لو ان بعض السوالف تختصرها الدموع
خليت عيني تسولف واحتزمت الضياع

و البيت اختصر الكثير و مؤلم الى الحد الاكثر

صح لسانك

[موسى العناز]

ياهلا والله وغلا بشاعرنا الراقي والغائب

تسلم ع هطولك المميّز

صح قلبك ولاهنت