اليوم موضوعي خفيف جداً
راح اتكلم بإذن الله عن الشعر الجاف وعلاجه ..
ولأن شعري من بدا الصيف وحالته حاله ما تسر لا عدو ولا حبيب
والحمدلله تحسن بشكل كبير وحبيت افيدكم بابرز الاشياء اللي ساعدتني
خليكم معايا
أسوأ أنواع الشعر لأنه فاقد للمعان والحيوية وصعب التصفيف وسريع التقصف ويتميز ببهتان لونه ويميل للخشونة والتشابك والغدد الدهنيه فيه محدودة النشاط يعني كمية العلاج لزوم تكون مكثفة وقوية
أسباب جفاف الشعر :
- الوراثة
- تقلبات هرمونية
- نقص في أنواع معينة من الفيتامينات والمعادن
- أسباب مكتسبة وهذا أكثر الأسباب انتشاراً ويشمل المعاملة الخاطئة للشعر منها :
* كثرة الصبغات
* كثرة استخدام السشوار والمجففات وكل الآت الشعر الكهربائية
* تعرض الشعر مباشرة للشمس
* استخدام الشامبو الغير مناسب والموس والسبراي وكل مصففات الشعر
نصائح للشعر الجاف :
- المويا المويا هالشي مهم جداً وينعكس على جمال شعرك وبشرتك اشربي مالا يقل عن 8 أكواب يومياً وبتشوفي الفرق بنفسك
- اهتمي بأكلك ، اتبعي الهرم الغذائي لا تستهيني بغذائك لأنك كثر ما تعطي جسمك يعطيك وبتشوفي كل شي بجسمك وصحتك ونفسيتك بعد ينعكس عليك من خلال أكلك
- افحصي نقص المعادن ، أحيان تعاني من مشاكل وما تعرفي مصدرها فـ لازم تفحصي وتشوفي أي نقص عندك لأنه يؤثر على صحتك الجسدية والنفسية قبل لا يؤثر على شعرك
- الشمس وما أدراك ما الشمس ، الشمس تعتبر دمار للشعر وخصوصاً إذا كان الشعر جاف ، وأول سبب للتقصف الشمس ، انتهبي تتعرضي لها بدون حجاب سواء من السطح ولا الشباك حتى
- الحجاب من أسباب دمار الشعر ، بتقولي كيف ؟ طبعاً ذكرت في النقطة السابقة إنه لازم
تتحجبي في فترة تعرضك للشمس وبنفس الوقت لا تلفي الحجاب على راسك بحيث يخنق الشعر ويكتمه لأن مسامات فروة الرأس تحتاج تتنفس والغدد الدهنية تحتاج تتنشط ، لازم تتركي مجال للشعر إنه يتعرض للهواء وبإمكانك تربطي الحجاب بحيث إنه ما يتكتم على شعرك وكل ما سنحت لك الفرصة افتحي حجابك لو 5 دقايق وخليه يتنفس
- المجففات والمصففات والصبغات أكبر سبب لدمار شعرك وتقصفه وتجففه لأن الحرارة تعدم الشعر ومع ذلك نحتاج أحياناً لكل هالأشياء ، حنا كإناث نهتم بشعرنا ولوكنا ونحب نغير لون الشعر من فتره لأخرى ، لكن نحتاج إننا نكثف العناية بالشعر لأنه بيكون شبه تالف مع الصبغات ولازم ترجعي تهتمي فيه بشكل أكبر وتعوضي التلف اللي صار له مثال : الشامبو اللي استخدمتيه قبل الصبغة لا تستخدميه بعدها ، استخدمي شامبو مخصص للشعر المصبوغ بيكون فيه مرطبات أكثر من أي شامبو ، استخدمي ماسكات كريمات إلخ مخصصة للشعر المصبوغ !
- نجي لسالفة السشوار الستريت الفير إلخ كل هذي الالات نحتاجها في تساريحنا لكن بشرط تستخدمي سيروم لحماية الشعر هالشي اساسي جداً جداً ، الحرارة تؤثر في الشعر بشكل كبير ، شي ثـاني المجفف أو السشوار لا تستخدميه في تجفيف شعرك الشعر الجاف مو ناقص اصلاً جفاف بزيادة ، خلي شعرك يجف طبيعي وبعدها سشوريه أو سوي اللي تبيه ، لا تفكري تعالجي شعرك إذا استخدامك للمجففات والصبغات كثير واهتمامك قليل أو معدوم ، لأن الشعر الجاف مو مثل غيره الشعر الجاف صعب التعامل
- في استحمامك تجنبي المويا الحـارة لأنها تجفف شعرك بزيـادة
- أغراض العناية اللي تشمل الشامبو الماسك الكريم التونك الخاص بشعرك ، راعي بشكل كبير إنها
تكون مناسبة لشعرك ونوعه يعني لا تشتري شامبو للشعر الدهني وتتوقعي يناسبك إنتي أدرى وحدة بشعرك وأدرى باللي يناسبه وعلى هالأساس تختاري أغراضك الخاصة بـ شعرك ، والشامبو اللي ناسب أختك مو شرط يناسبك حتى لو إنتو الإثنين لكم نفس نوعية الشعر .
طبعاً الكل عارف إن الشعر الجاف يحتاج ترطيب مكثف و مكثف و مكثف بس كلنا نبغا نتيجه سريعه وفعاله بنفس الوقت .
- الزيوت :
أنا من تجربتي ما أنصح بالزيوت .. لأنها بطيئة المفعول ، بمعنى أصح تحتاجي من 3 لـ 6 شهور لاجل تبان نتيجة حلوة وواضحة غير كذا حوستها حوسة وبعض الزيوت لها ريحة مو محببه لكن مميزاتها إنها تغذي الشعر وتحميه وتعطيه لمعان وتنعمه وترطبه
من أفضل الزيوت اللي جربتها
- زيت دابر أملا نتايجه حلوه وملحوظه بشكل كبير لكن ريحته تحوم الكبد فـَ ما استمريت عليه بس ابرز شي لاحظته في الزيت انه ينعم ويطول الشعر
- زيت جوز الهند يطول الشعر بشكل رهيب بس برضو له ريحه مو كويسه
- زيت اللوز الحلو اللي لاحظته يعني ترطيب للشعر لا أكثر
- زيت الزيتون يعطي لمعه ، بس لازم تخففيه بزيت ثاني لانه ثقيل على الشعر
عموماً الزيوت بشكل عام ما أحبذها وأغلب اللي استخدمتها ما استمريت عليها ، ولاحظت فقط النتايج المبدئيه لها
- حمامات الزيت :
حبيبتي صاحبه الشعر الجاف ترا كلنا في الهوا سوا حمامات الزيت أفضل علاج للشعر الجاف ، تعتبر بديله للزيت وحوسته وما تاخذ منك وقت بالكثير ربع ساعه أو اقل . والنتيجة فعاله وحلوه وسريعه ، لكن كثرته تسبب تساقط للشعر وتسبب ليونه شديده للشعره .
باذكر أفضل الأنواع
ممتاز جداً يعطي نعومة وترطيب ، ونتيجته افضل لو تعرض للحراره
ماحسيت بفرق كبير بينه وبين فاتيكا ، كلهم يرطبو بشكل كبير
هذا اجملهم له ريحه حلوه حيل ، طبعاً اللي بالصوره بالقمح لكن استخدمت انا بالمشمش ترطيبه اقوى ويلين الشعر اكثر
- الكريمات :
شيء مهم وما نستغني عنه ، يرطب الشعر ويغذيه ويحميه من الاشعه والحراره ، ويامكثر الاشكال والانواع من الكريمات غير كذا الكريمات تعتبر حل دائم لجفاف الشعر .
باتكلم من تجربة شخصية
ممتاز جداً ينعم الشعر ويتركه رطب فتره طويله يعني لا تشيلي همه
ترطيبه مو قوي بس احلى مافيه انه مو دهني يعني ينفع قبل الدوام لانه ما يزيت الشعر وما يعطي لمعه ابداً
أحلى كريم شعر ، بعد ما استدليت عليه تركت كل الانواع ترطيبه جميل وقوي بس العيب فيه انه يزيت الشعر ويتركه لامع بقوه كانه ما تغسل بس بعد الاستحمام احط مسحه خفيفه مره ويترطب الشعر وتكون لمعته طافيه وخفيفه بس للتأكيد : مسحه خفيفه جداً !
كثير كريمات استخدمتها بس ما اعطتني النتيجة اللي اطمح فيها والثلاثه اللي ذكرتها فوق من أفضل الكريمات اللي ناسبتني
كلمتين قبل لا اقفل طاري الكريمات التقصف مشكله ملاصقه تماماً لمشكلة الجفاف باذكر شيئين حلوين للتقصف أول شي قبل لا تبدي علاج التقصف قصي اطراف شعرك لأنها مستحيل تتعالج وهي تالفه قصيها بعد كذا اهتمي فيها
مسحة بسيطة على اطراف شعرك يومياً وبيقل التقصف بشكل فظيع يعني بدال ما تقصيه شهرياً بتقصيه كل 3 شهور أو 4
مسحة على فروة رأسك ومسحه على أطراف شعرك وبيصير لك شعر ولا احلى بإذن الله احلى شي لاحظته بالتونك إنه يطول الشعر ويعطيه لمعه حلوه مو مزيته
- الشامبو
لما تجي تختاري أي شامبو لا تهتمي للريحه ولا الشكل ولا اللون ولا الخ أول شي انتبهي لـ كلمه [ للشعر الجاف ] .. ومو شرط يناسبك بس الحياة تجارب ونتعلم من أخطائنا في المرات القادمه وعن تجربة أنصحك بـ :
أفضل شامبو للشعر الجاف من وجهة نظري يعطيك ترطيب مو صاحي ، وينفع قبل الستريت لانه يسيح الشعر حيل
دوف برضوه ممتاز وترطيبه عالي جداً
أنـا يومياً كنت استخدم شامبو قارنييه وكريم باراشوت وكريم بالمرز وتونك الفازلين وأسبوع بس وشعري يهفهف
ختاماً باقول كلمتين واخلص الموضوع :
- المايونيز ، كثير ينصحو فيه للشعر الجاف ، وهو ممتاز جداً لأنه كله بياض بيض بس الريحه سيئه جداً ( ما أتكلم على النعمه الله يديمها ) ، اتكلم يوم تمر وحده قربك وتشمي ريحه المايونيز فيها ، يعني اللي تستخدمه تنتبه لـ هالنقطه ، لأنها تكون أخذت على الريحه وما تميزها بس اللي حولها يتضايقو بقوه .
- ثاني شي البيض ، البيض كثير يسخدموه للشعر والبشره و و بس سمعت دكتور يقول إن البيض أحياناً تكون فيه مخلوقات حيه دقيقه ما تموت الا بالحراره ، وحنا نلطخ وجوهنا وشعورنا بالبيض ، بعد فتره ممكن تحسي بحكة واحمرار ، فـَ ابتعدي عن البيض افضل لك والحمدلله فيه بدائل كثيره له .
ومن اليوم إن شاء الله تقولي مع السلامه للشعر الجاف ومع السلامه للشوشه المنفوشه
أتمنى الموضوع فادكم ولو شيء بسيط اللي تستفيد تعطيني دعوه حلوه في أمان الله (L)
، الشمس تعتبر دمار للشعر وخصوصاً إذا كان الشعر جاف ، وأول سبب للتقصف الشمس ، انتهبي تتعرضي لها بدون حجاب سواء من السطح ولا الشباك حتى 
؟ طبعاً ذكرت في النقطة السابقة إنه لازم 
أكبر سبب لدمار شعرك وتقصفه وتجففه لأن الحرارة تعدم الشعر ومع ذلك نحتاج أحياناً لكل هالأشياء ، حنا كإناث نهتم بشعرنا ولوكنا ونحب نغير لون الشعر من فتره لأخرى 
، استخدمي شامبو مخصص للشعر المصبوغ بيكون فيه مرطبات أكثر من أي شامبو ، استخدمي ماسكات كريمات إلخ مخصصة للشعر المصبوغ 
!
العرض المتطور
