الزوجة الثانية .... أليست افضل من الأولى؟...ماما ما اقتنعت!!!

[اخو صيته]

هالأيام اللي طافت @ الحديث في بيتنا عن الخطوبة و الزواج # بشكل خاص و بشكل عام

اللي افتتح هالحوار اللي بنقله لكم انه ( ماما ) قالت : عقبالكم يا بنياتي فلانة ... و فلة ( اللي هي انا طبعا )

*

قلتلها : بس انا عندي شروط

*

ماما _ بهدوء _ : يا بنيتي @ البنت العاقلة ما تحط مواصفات او شروط من قبل لا يجيها نصيبها لانه ما بيجيلها اللي في بالها # عقب لما يجي النصيب و يكون حريص على دينه و اخلاقه زينة و بيوفر لج حياة زينة# خلاص # محد يرد نصيبه

*

قلتلها : انا بس عندي شرط واحد من جزئين

*

ماما _ بطول صبر _ : خير يا بنيتي؟ عسى خير يا رب @ اذا قصدج تعيشين قريب مننا ياليت و الله @ تراني تعبت من فراق خواتج عقب لا تعرس كل وحدة منهم

*

قلتلها : no مب جيه مب هذا اللي فكرت فيه ! شروطي هي أو ل شي /// انه يكون متزوج وحدة قبلي و أنا أكون الزوجة الثانية @@@ و ثاني شي : ....

*

ماما _ مقاطعتني باستنكار_ : هاه ؟ شو هالرمسة ؟ اعوذ بالله لا تفاولين على عمرج @ محد يمزح في هالسوالف

*

قلتلها: انا ما أمزح @ انا فكرت في السالفة زين و لقيت انه وضع الزوجة الثانية على المدى البعيد يكون أفضل من وضع الزوجة الأولى

*

أختي الثانية : يمه ماعليج منها @ مينونه و افكارها غريبة @ خلاص المفروض تعودتي عليها

*

ماما _ بعصبية _ : يا بنيتي انتي ماشاء الله ما يعيبج شي علشان ترضين تكونين زوجة ثانية مب أولى !! هذي أكيد ( فلانة ) مغيرتنج و قايلتلج شي !

*

أنا : ماما هذي اهانة لي انا انج تقولين ان وحدة مثل هذي تقدر انها تأثر فيني ! بعدين هذي افكاري انا و محد أثر فيني @ انزين خلينا نفكر فيها من البداية @@ شو العوائق اللي تصادف اي عروسين من اول ما يتزوجون

في وضع الزوجة الاولى :

يكونون باديين حياتهم و ما عند ولاواحد منهم اي خبرة في حياتهم ! و يمضون اول شهور يكون الزوج يحاول يعوض مصاريف العرس وهو توه في بداية حياته العملية

في حالة الزوجة الثانية :

خصوصا لو الريال عمره من الثلاثين و فوق _ وهذا أنسب عمر للزواج _ ما بيكون اساسا فكر في العرس للمرة الثانية الا و بيكون عنده قدرات مالية @ و بيكون خلاص مستقر في شغله @ يعني حياة مادية مستقرة ان شاء الله

هذا غير انه بيكون عنده خبرة سابقة في جميع المواقف اللي بتمر بالزوجين في حياتهم سواء حلوة او مرة و المفروض انه بيكون يعرف شلون يتعامل معها

*

ماما _ بذهول _ : شو هالافكار !!! الحين فيه وحدة ما تبا ريلها يكون لها بروحها و دايما؟

*

قلتلها : هيه لدرجة انه يقابلون ويوه بعض طول اليوم طول السنة ! و بعدين يقولون دخل الملل و الروتين لحياتنا ! و الزوجة بين الطبخ و الغسيل ما تلاقي وقت لنفسها

في حالة الزوجة الثانية :

بتكون ايام فاضية لنفسها _ اللي هي الايام اللي بيكون ريلها عند مرته الاولى _ @ بترتاح جسديا من شغل البيت @ بتفضى لنفسها و لهواياتها و للامور اللي تحبها بدل ما تحس ان الزواج اخذ وقتها و الغى شخصيتها

و بترتاح نفسيا بدل ما تحس انها مجبرة تكون في افضل حالتها شكليا و نفسيا امام زوجها

و حتى علماء النفس يقولون ان الابتعاد فترة بين الزوجين يكون الافضل لتجديد العواطف بينهم

و لو يكون عنده يهال من زوجته الأولى عادي يكون أفضل بعد .

*

ماما _ وهي على وشك الاصابة بانهيار عصبي _ : بعد !!؟!! أولاد بعد !

*

قلتلها : طبعا لانه الزوج يشتكي انه لما يجون الاولاد يكون معظم وقت زوجته وهي تخدم الاولاد و تهتم فيهم @ وهذا شي طبيعي و الكثير من الزوجات يهملون انفسهم و تتعذر امام زوجها بالاولاد و انهم ما يخلون لها وقت @فتخلي عيون زوجها تناظر غيرها @ غير صجة الاولاد و مشاكلهم و الزوج يبا راحة وهدوء

وين يلاقيها ؟ طبعا عند زوجته الثانية

في حالة الزوجة الثانية : اذا هي مثلي مثلا مقتنعة انها ما تبا اولاد وايد يكون افضل @ و زوجها خلاص عنده الاولاد @ و بيكون عندها اولاد هالكثر يشغلونها عن زوجها @ و زوجها بيحس بالتقدير و الاهتمام @ اكثر من بيت زوجته الاولى @ و خصوصا انه تزوج الثانية يبا يرتاح @ مب علشان صدعة الراس

*

ماما : انزين و انتي شو يضمنلج انه ما يعرّس عليج ؟ اللي يعرس ثانية يعرّس ثالثة و رابعة !

*

أنا : مو هذا الجزء الثاني من الشرط بس انتي ما خليتيني أكمل الشرط الثاني اكون الزوجة الثانية و الاخيرة و ما يعرّس علي !

يعني يا ماما لما يتقدملي أحد لازم مو بس ندور معلومات عنه لكن حتى عن مرته الاولى و كيف طبعها !

*

أختي : يمه ما عليج منها @ خلينا مستانسين الحين بالخطوبة .

*

ماما _ باستنكار رافض_: لا لا ...........أكيد فيه احد لاعب براسج ! ما فيه بنية تفكر جيه ! باجر ان شاء الله لما تدشين الجامعة بتتغير افكارج هذي يارب العالمين . فلانة يبيلي بنادول علشان راسي خلاص بينفجر .

.

.

كل انسان حر في أفكاره @@ صح و الا لا؟

[Miss_Autumn]

.
.
.
أكيـد كـل أنسـآن حـر في أفكـآرهـ...
.
.
بصرآحـه انـآ فكـرتكـ اعجبتني ..
.
ومـآ أشوف فيـهـآ عيـب أو شي غلـطـ..
.
وبالعكس فكـرهـ عميقـه وجهنميـة ..
.
.
.

[كرزه]

فكره تدل على الذكاء



ياخو صيته

[فروووحة]

واضح بانه فكرتك ماجت الا بعد تفكـــــــير مو بسيط

وبكذا انتي بتكوني مأمنة على حالك

[ابوقش]

والله هذا تجي من الرجال اذا كانت الحرمه مقصره معه

[عبدالله الحلوه]

وجهة نظرة جديرة بالأحترام


فتح جديد في عالم التفكير الأيجابي


تحياتي ,,,

[@ ابتسام @]

والله فكرة حلوة ؛؛؛ وتخفف من العنوسه اذا بيكون اكثر الرجال معهم زوجتين ... بس من بيتحمل الغيرة

[أنوار المدينة]

[align=center]السلام عليكم و رحمة الله و بركاته

ما فيها شي إذا الريال تزوج من وحدة ثانيه ولا ثالثه إذا كان يقدر

بس أهم شي أن الزوجة الثانية تراعي زوجها و توصيه على زوجته الأولى و عيالها

عشان ما تنهمل الزوجة الأولى و تنركن على الرف [/align]

[نـدى الـورد]

والله انك غيرتي افكار البنات


180 درجه



حوار ممتع ومفيد لتغيير المسار في الافكار




















.

[اخو صيته]

اشكــــــــــــــــركم على المـــــــــــــــــــــــــــــــــــــــــرور

[قطوف دانية]

[foq]{السلام عليكم
الصراحة كلام منطقي ويتناسب مع الرجال في هذا الوقت ... انا من زمان طارحة الفكرة على بنات واقولهن: من خلال الواقع تبين ان الشاب يبغى يبني مستقبله غير التزاماته وطموحاته في حين ان المتزوج ماتزوج الا وهو يريد الانس والزوجة الثانية الغالب تكون هي المحظية عند زوجها وطلباتها اوامر.....
لا اكتمك سرا انني من المؤيدين وبشدة ولو استقبلت من امري ماستدبرت لم اكن الا زوجة ثانية!!!!!!!!

وانا لم اشارك في المنتدى الابسبب هذا الموضوع!!! [/foq]

[ســـــــراب]

[align=center]**عجبي**FF3300[/align]