الباندا ..وش السواة؟؟

[ام المقداد]

السلام عليكم ورحمة الله وبركاته..
عندي مشكله ..
جوالي ماسلم من عيالي يسوقون فيه
موب هنا المشكله..
المشكل انهم اثناء السواقه والتفحيط
بجوالي مايخلون احد مايتصلون عليه..
وش سويت انا من زود الذهانه..
حطيت رمز جديد للقفل..
يقفل الجوال مايقدرون يظغطون اي
رقم..
بس نتيجتن لشدة الذهانه
نسيت رمز القفل وصرت انا اللي
ماقدر استخدمه..
بالله فيه حل وياليت حل سريع جداً
الله يعافيكم.

[بنت الاسكان]

انا مثلك اختي نسيت الرقم بس ودينا الجهاز للضمان وفتح القفل

[هاوي لاغاوي]

[align=center]

الكريمة ام المقداد

تحية اليك وسلام

بالنسبة لفتح قفل الحماية

فكما ذكرت سابقتي بنت الاسكان مشكورة

هذه موجودة عند بعض المحلات الكبيرة الخاصة بصيانة أجهزة الاتصال والمجهزة بأجهزة تحميل برامج ....

لكن وصيتي من باب الحرص أن يتولى الذهاب الى تلك المحلات شخص يعي معنى حمله لجهاز الباند وخاصة إذا كان يحوي صور ...!!
[/align]

[ام المقداد]

السلام عليكم..
اختي بنت الاسكان
يالله انك تحييها ..
ازين مابهالموضوع انك مريتي عليه
وين الدنيا بك مختفيه ؟؟
بالنسبه للصيانه ماعندي احد يوديه..
وودي انا بنفسي افتحه.
شكراً لك.

[ام المقداد]

اخي الكريم هاوي لاغاوي..
الله يحييك.
المشكله ماودي احد يطلع على جوالي..
هو مافيه صور ولله الحمد لي..
لأنه مصيبه يكون فيه صور وينسرق او يضيع
مالله حد الوحده تجيب لنفسها مصيبه..
لكن مسألة ان احد يوديه هذي فيها صعوبه..
وانا ودي بنفسي افتح القفل..
معقوله مافيه طريقه؟
شكراً لك اخي الكريم.

[ميدوو]

السلام عليكم ورحمة الله وبركاته

أختي العزيزة ام المقداد بصراحه يجب أن اشكر اولادك عشانهم خلوكي تدخلي عندنا

على العموم سوف ابحث لكي عن مساعده وارد لك خبر بأسرع وقت أن شاء الله

لي عوده

تحياتي

[ام المقداد]

هلا والله بالشقردي ميدوو..
عز الله انها بتنحل العقده الحين بإذن الله..
انا بانتظارك اخي الكريم.

[LoVeR HaCkEr]

[align=center]هلا والله بأم المقدااااااد

نورتي القسم يالغالية

استخدم هذه البرنامج وان شاء الله بتفك رمز الحماية ..

استخدمي الكيبل العادي مهب الانفراريد وحدد البورت 1 او 2 وفي خانة التسلسل

اضغطي على هذا الرمز بجوالك #06#*

بعدين حطي بالبرنامج ..

وبالنسبة للاصدار باضغط على هذا الرمز #0000#*

وخوذي الفيرجن مثل هذا الرقم وحسب جوالك (v a4.08) واكتبي باالخانه.

بعدين اضغطي على فك القفل وراح يرجع الرقم القديم 12345

واسم البرنامج logo manager

واعذريني اني ماحطيت البرنامج لان حجمة كبير

وابحاول اسويلة رابط واعطيك ايااااااة

الدحمي


وفية برنامج بس ماجربتة بس يمدحووووونة

Unlock codes calculator (by cruk ) v

وابحاول افرة لك باقرب وقت

بس الحين مستعجل مررررررررررررررة

وبرجع لمشكلتك لاحقاً

الدحمي [/align]

[ام المقداد]

هلا والله بأخوي عبد الرحمن..
ماشاء الله عليك..
اكيد كلن جواله يناسب توجهه..
وانت ماشاء الله مايناسبك الا الآي ميت..
الله يوفقك..
بانتظار ردك على احر من الجمر.

[LoVeR HaCkEr]

والبرنامج بالمرفقااااات

[ام المقداد]

هلا عبد الرحمن...
يعني اشبك الجوال بالكمبيوتر؟
ووشو الكيبل المطلوب؟
والبرنامج مايشتغل يعطيني صفحه فاضيه..
شكلي ابلشتك لكن فهمني لأن ماعندي سالفه
بهالامور..
منين اجيب الكيبل؟ ووين اشبكه بالظبط؟
شكراً لك.

[LoVeR HaCkEr]

[align=center]ام المقدااااااد فية كيبل خاص للجوال

موجود بمحلات الكمبيوتر

وشغلى برنامج اللوق مانجر

( اتمنى احد يوفرك البرنامج لان البرنامج حجمة كبير عندي مااقدر انزلة بالمنتدى )

بحاول اضغطة وارسلة لك

وطبقي الطريقة اللى انا قلتها قبل بنفس البرنامج

وبالنسبة للبرنامج الاخير اللى عطيتك

بس حملة داخل جهازك يعني اذا عندك وصلة الاي ار

ارسلة على جوالك او اذا عندك وصلة البلوتوث

واذا كان كمبيوترك لاب توب اكيد بيكون فية اي ار

وجربي واذا مافهمتي انا تحت امرك

الدحمي [/align]

[ام المقداد]

لله يجزاك خير ياعبد الرحمن..
ويسخر لك عباده ويسهل لك كل امر عسر..

[ميدوو]

السلام عليكم ورحمة الله وبركاته

الف شكر لأخي لوفر هكرز على تفاعله الغير مستغرب

على العموم هذا وصلة موقع لتحميل برنامج اللوقو منيجر

هنــــــــــــــــا

وهذي بعض انواع الكيابل الموجوده بمحلات الكمبيوتر

هنــــــــــــا




أختي أم المقداد

انا سألت عن طريقه لفك الباسوورد ولكن للأسف أفضل حل امامك إن لم يكن الوحيد وهو الذهاب لمحلات

الجوال فهناك تتوفر جميع البرامج المتخصصه والتي يصعب الحصول عليها لغير هذة المحلات

كما ان مثل هذة البرامج تحتاج الي فنيين للتعامل معها

وأي استفسار اختي العزيزة انا واخواني جاهزين

تحياتي

[ام المقداد]

الله يجزاك خير يامحمد ويسهل لك كل امر عسر..
اشكر لكم جهودكم اللي ماهي غريبه عليكم..
الله يوفقكم .