كان ياماكان في قريب من الزمان الي بوووووه الرمان كانت هناك غابة اسمها الغابة الظلماء في الليلة القمراء ( عشان الوزن ) كانت فيها وحوش مفترسة وانياب فتاكة ( مثل الفليت )
كانت تتهاوش فيما بينها بين عراكاًُ ورفس وركل ، وخرج من هذه الغابة أسد صغير خرج طريدا مشردا مهموما مغموما ماغير يمسمس شواربة ، وأثناء الطريق المغبر وجد جيفه ميته ومن الجوع أكلها وترى الأسد ماياكل الا الجيف ،وبعد ما أكلها ترع تلك الترعة التي اهتزت لها جوانب شاربية الكثين الأغبرين الأشهبين ، وراح في سبات عميق ( كخخخخخخخخ كخخخخخ ) ترى هذا شخير الأسد ، وحلم بذلك الحلم وكان حلمة بأن هذه الغابة الظلماء هي له ولأجداده من قبله ، وثقل نومة وأزداد الحلم عمقاً فقرر بأن يستعيد غابة أجداده من اللصوص والحرامية وقطاع الطرق ، فنهض سريعا واقفاً على رأسه يحسب بأنه وقف على رجليه من الفرحة ، وأخذ يصفق فرحا وصدق حلمه بأن الغابة هي ملكة وملك أجداده فألف عصيدة يحسبها قصيده وفيها يقول :
الا واهني من شاف لبوه ..... بها اللبن يتخضخض مربرب
مزيونة الذيل مشعورة ..... عليها هالعين وخشم رعبوب
وقصد الأسد الغابة الجوارسيكية ووجد أسد نحيف العظام كل مايتحرك تعتقد الحيوانات بأنه يرقص وبوووه نفاضه
وجاه الأسد الطريد والشريد وقاله ياملك الزمان ابك انا ابوي وجداني كلهم كانو ملوك للغابة الظلماء وانا طالب هالخشيم انك تعطيني حق اللجوء الحيواني عندك الين ما استرجع ملكي وملك آبائي وجداني من قبلي ،،، قاله ملك الغابة الجواريسيكية تم عليك الله وآمان الله ابك لعنبو هالشوارب انا ماادانيهم هالي مستحلين الغابة الظلماء وابوك وجدانك تراي ما اعرفهم ولا قد سمعت بهم بس ابي احسب انك محسوب على الملوك لعنبو هالشوارب انطق عندي الين ماادبرك اشرب حليب الناقة ونم والصباح رباح
وعندما حل الصباح الي مابوه رباح نقز هالأسد الشريد وراح لملك الجواريسيكية وقاله هاه ياملك متى تبينا نغزي الغابة الظلماء في الليلة القمراء ،،، قاله الملك اصبر شوي الين مايرجع جيشنا الي كله قرود يروحون يغزونهم ... وبعد فتره جاء جيش القرود ...
وقالهم الملك : ياقرودي العظماء يا أحفاد اليهود الحقراء انقزو مع هالأسد وروحو رجعو له ملكه الي ماقد سمعت بووووه ...
قال رئيس القردة مريدان بن لحيان : ابك حنا ياطويل العمر جابيين من سفر وتعيبا نيين وهلكانيين بس دام انت الي أمرت نمشيها لو على الجمر المصبوب عليه الماء
مير ومريدان بن لحيان يصوت لنائب جيش القردة : عزاه ياقلبي طاح بالهوى
وقاله مريدان يا عزاه ياقلبي طاح بالهوى جهز الجيش نبا نسري الليلة مع هالأسد ، قاله عزاه ياقلبي : ياعونك ياعمي الشيخ وتباني اجهز لك التتن ولا لا
المهم سار جيش القردة للغابة الظلماء ومعهم الأسد والتقا جيش القردة بزعامة الأسد الي مايشوفون الا غبرته لمنه هج عن الحرب
وجيش صغير لحاكم الشجرة الطويلة بالغابة الظلماء وأسمه جوال الكاتيل ( يوه نسيت اقولكم وش اسم الأسد الطريد الشريد اسمه كعبول الدبدوب )
مير ويقول جوال الكاتيل وطبعا هو من فصيلة النمور : يا كعبول ابك انت وش تبا منا ياعلك للحتسة الي ماتنقطع عن ظهرك يالرمة اعقب ابك انت تبا تغزينا يالعنبو ذا الشوارب الي ماهن على حيوان مفترس
قاله كعبول الدبدوب : مايخسي الا هالشوارب ابك انا ابي اخذ هالشجرة منك وهالشجرة تراها شجرة ابوي وجداني من قبل ماتجي يالنمر الي المفروض يسمونك ضفدع
مير والنمر الي اسمه جوال الكتيل يقول لسكرتير حقه وهو من فصيلة الضباع واسمه : بيبي باندا ( ترى له قضيه مثل قضيه برجس ) وقاله يا بيبي باندا : ابك الحق علانا بالجيش حقنا . مير وقبل مايكمل كلمتة لا وجايه سهم من القرد رئيس الجيش مريدان بن لحيان وجبا على جبهته مضجرا بدمائه ولما رآه بيبي باندا خاف وأنحاش من ساحة الوغى والصراع وذهب الى صاحب الشجرة المايلة الضبيع الي اسمه قم لا أسطرك وصار بحماه .
ويومن الأسد اخذ الشجرة الطويلة الي كلن شوفها بالغابة قال هالحين انا مااحد قدي ولا احد يقدرلي وتراني سميت نفسي الملك كعبول الدبدوب .
وبدا الملك كعبول الدبدوب يجمع الفيران والحشرات وقالهم اسمعو واذهنو ترى ابي اعطيكم العطايا والجزايا بس ابيكم من ضمن حاشيتي . وابي اخلي القرود والكلاب للجيش ، قال رئيس الفيران الي اسمه دايم عطشان : ابشر ياطويل العمر حنا خدامك وحماتك بس نبي منك خدمة بسيطة هالقرود ترى مامنهم أمان ونباك ياطويل العمر تبعدهم عنا وعن شجرتنا ، قالهم ابشرو بس خلوني اتخلص من هالضبيع الي اسمه قم لا أسطرك وتبون تشوفون شي يرضيكم .
مير والأسد كعبول الدبدوب ينصى قم لأ اسطرك ، وبعد كمن يوم وصل لشجرة قم لا أسطرك وقاله كعبول : ابك يالمقرود يا قم انزلع عن هالشجرة وسلمني هالمقرود بيبي باندا نبي نقيم عليه الحد ( ترانا شايفين بيبي باندا معه مقاطع ماهيب زينه وتراه كيمرة يعكس الحريم ، ولا بعد لاقين فيه بعد مشهد أباحي ضب يراود جربوع عن نفسه )
قال قم لا أسطرك : اهب اهب اهب اهب ياوجهك يا كعبول لعنبو ذا الدنسه امس تمشي بين الشجيرات تشحد واليوم طامع بشجرتي مااقول الا إيه راح زمن الحيوانات لكن انا اربيك ، وهي مير تقوم الحرب بين كعبول وبين قم لا أسطرك وكانت الغبلة للأسد كعبول ومير وهو يمسك كل من : الضبيع قم لا أسطرك ومير وهو يجز راسه ومير ينحر بيبي باندا ، وجلس كعبول يتفرج على المقاطع الي ببيبي باندا وكل شوي يقطر سعبولة مير وهو يشغل جواله ويفتح البلوتوث وبدا يرسل لجوالة كل المقاطع ويومنه خلص ذبح البيبي باندا .
وكل مايمر على شجرة بالغابة الا واستحلها وضمها لملكة ...مير وهو يمتلك كل الغابة الظلماء ...
ومير وهو يجتمع بالوزراء وكبار الشخصيات الحيوانية وقالهم ترى اسم الغابة الظلماء ماهوب زين وش رايكم نخلي اسمها الغابة الأسدية عشان انا اسد ولا فيه اسد غيري كلهم ذبحتهم ، قالو له الحاشية شورك وهدايه الله تم ...
ومرت السنين الطوال وكبر كعبول الدبدوب ويوم وفاته جاه ولده الأسد محوم تسبود العذارى .
وقاله يامحوم تراني ابي اخلي لك هالغابة الي ماهنا زينها اشجارها باسقة ونهرها عذب يشفي السقيم العقيم
بس لا أوصيك بأخوانك : كنداسة مطشوشة والنايل سات وعربسات، والطايش هذا الي اسمه الهوت بيرد
المهم مات كعبول الدبدوب وأستلم الغابة محوم تسبود العذارى وأجتمع باخوانه وقالهم شوفو يالمقاريد وخصوصا انت يالهوت بيرد نبي نكون يدا واحد ضد اعداء غابتنا الأصيلة ونبي نبني مجدها وعزها ونبي نطلع كل الرمان الي بها ومانبي نحارب الغابات الثانية ونبي نعقد معهم صلح ومهادنه وخصوصا غابة الملك انفخني ولا تفشني تراه ماهوب بسيط ، وبعد غابة الملك طق النجر أرئص لك
وملك غابة بتاع كله ، وانا ابيك يالنايل سات تنقز لملك غابة بتاع كله وتجيب لنا من عندهم كم حيوان عشان يعلمون عوالنا الصيد ، وانت ياعرب سات تنقز لملك غابة طق النجر ارئصلك ، وانت يا لهوت بيرد انقز لملك غابة انفخني ولاتطشني ، اما انت يا كنداسة مطشوشة ابيك تروح لملك غابة توني واصل من الديرة .
المهم راح الأسد الي اسمه النايل سات لملك غابة بتاع كله الي اسمه بئولك أيه المهم النايل سات قال لبئولك أيه اسمع يا ملك الغابة ابك انا تراني جايك وطالبن هالفرة اباك تعطينا من الحيوانات المفترسة الي عندك اباها تعلم عوالنا وشلون يصيدون ولك علانا ان نعطيك من ثمرنا ولحوم الصيد الي عندنا الشي التسثير وتراني ماني شربن قهوتك الي كلها مر يوجع تسبيدتي الين ماتلبيلنا طلبي ياطويل العمر
قاله بئولك إيه : ههههه ياراقل دنا واللهي مافهمتش
(النايل سات مقاطعا)دنا وشنهي ابك حنا مانبا دنا ههه قال سيارات حنا نبا حيوانات ياعلك للمرير ياطويل العمر .
بئولك ايه : بص بئة يالنايل سات حئولك حاقة انا فمهتش حاقة منك ولا بئولك إيه دنه حتكلم عربي فصيح وعلى الله حتفهمني ( انا اقول لك يارقل نحن هنا بخدمتكم وازا لم تعقبوكم رقعوهم هل هازا واضح ) ..
رجع النايل سات من رحلته موفقا
وذهب ايضا الأسد عرب سات الى غابة طق النجر ارئصلك وكان اسم ملكهم : ولك عم تحكي جد ويدلعونه ( يادلي)
المهم اجتمع عرب سات بالملك يادلي وقاله : ياطويل العمر ابك انا ناصيك نصوه خوي لخويه وحنا رباعه ومانبا الا دقيزنا بنا وترانا مالفيناك الا وحنا طالبين القرب من أستار أكاديمي ندري ياطويل العمر ان ياليل ياعين اكبر منها بس عشان نوثق العلاقات بينا اكثر
قال الملك يادلي : لك شو عم بيئول هيدا الزلمة لك من وين انت جاي انت بدك تاخد أستار أكاديمي أقبل من ياليل ياعين شو هيدا الحكي بدكن تاخدو اول اشي ماالكن الا هيفا وبعدين بتاخدو طالبين الئرب وبعدين بتاخدو أستار أكاديمي ياعيب الشوم عليكن ماكان هيدا العشم تفووووووووووو على هيك شوارب
وللحكاية بقية
العرض العادي
