دورى على اخوتس ولا بزرتس مع ذولا

[البرحيه]

[align=center]

اختصار للوقت هذا تقل انه موسوعه عن البزران

عاد التماسيح يبتل على طبعه يعنى ما ياثربه شى
معه دكتوراه ولا سادس اميه ان تسانه دلخ بتل ون تسانه ملكع بتل
بس حاولى انتس تنتبهين تستأصلين الطبع الشين قبل ما يكبر
لانه بيصير مطنازه لتماسيح الحاره
فا اليتس هذه الأنواع

(1) - البزر البريء ( المخفة: الدلخ

هذا في البيت معاك عال العال
لكن تعال شوفيه في المدرسة ولا مع أخوانه
مسيكين كل يوم يد بجه واحد و يتوطى فيه اللى يسوى واللى ما يسوى
و كثيراً ما يعاني كل من يشوفه يبى يرنعه لأنه ما يدافع عن نفسه وتلقينه دايم لايذ مكان يصيح
و ننصح بإنك تدخلينه دورة كاراتيه ولا مصارعة ولا اللي متوفر


(2) - البزر العنيد

هذا النوع راسه ياااااااااااااااابس
و لو قلت له " أها لا تلمسه حار " بيروح يلمسه عناد
لكن صدقى أو لا تصدقى هذا أسهل صنف ممكن تتعاملى معاه
كل ما بغيت منه شي قول العكس
لا تصلي
اويلك لو تنام
التلفون يرن لاترد عليه

و هو يستجيب لها بالعكس و يبي يسوي إلي في راسك
لكن هو يشكل مشكلة لو كان له أخوان في نفس العمر أو قريب منه
لأن راح يحصل تضارب في فيوزاتهم و بعدها يتحول بزرتس إلي بزر متبلد المشاعر و يصير ما يستجيب لك ولا لغيرك ولا لنفسه
عاد كلش الا المشاعر


(3) - البزر المادي $$$ <<<وياكثرهم كثراه

هذا واحد ما تقدرى تتعاملى معاه إلا و إنت عندك شي
يا حلاو يا علك يا المهم مادى
و مشكلته ممكن توصل فيه لدرجة انه ما ياكل ويشرب
إلا و إنت معطيته فلوس
و هذا بيعاني لمن يدخل المدرسة .. لأنه بيتوقع فلوس و حلاو من مدرسينه
و تكبر المشكلة لمن يكبر .. لأن لمن يبي يكبر يبي يطلب أشياء أغلى
و هذا النوع بيفلس بك
و الأردى من كذا لو كان ( فتـّان )
بيسوي لك مشكلة مع الوالد و الوالدة
لو شافتس تنوين تسوين شى قال عطين شى ولا بعلم
ولا لو سرق اخوه السيارة بيقول (( و قسم بخلي أبوي يكفخك ))
و تصير باستمرار تعطيه و تعطيه
فـ حاول دااااايماً تفقديه الوعي عن طريق الرمغ المتتابع
عشان ينسى إلي صار بعد ما يرجع له وعيه


(4) - البزر المستقوي
هذا وخررررررررى عنه
بس جاهز كفوف و بكسات و ترفيس
بيسوي لك أنواااااع المشاكل مع مدرسته
و آخرتها لمن يكبر ما راح يدخل جامعة
بيروح يشتغل ( بودي قارد ) تبع خكري يبي من يدافع عنه
و مشكللللللللة لو كان عنده خوات
(3) بس احس حل
ارسليه العسكرية من يوم تشوفى الحالة بدت عنده


(5) - البزر الدلوووووع

يووووووه ذا مأسااااااة
تلقى كل الناس يسمونه " دلوع ماما "
لدرجة ممكن أمه تخيط ملابسها في ملابسه من كثر ما هو لاصق فيها
لو جت تبي تروح عرس راح معها .. لو عندها مشوار نشب فيها
هذا يبدا يسبب مشكلة لمن يصير عمره فوق الـ 15
لأن بيطلع شكله غلط و هو قاعد في حضن أمه
و مشكلته .. أسلوبه بالصياح
تلقاه 24 ساعة صياااااااح و إزعاااااااااج و قللللللق
على أسباب تافهة
و هذا ينصح في حالته إنك تخيط فمه لأنه يبي يسوي لك أزمة


-6 البزر ( البثر:

هذا لاطولين معه كلمه ورد غطاه
يجيك يقولك
=ليه النملة ما تطير ؟
-- لأن ما عندها أجنحة !!
= طيب ليه ؟
-- لأنها مو من الحشرات الطائرة
= طيب ليه ؟
-- لأنها حشرة أرضية
= طيب ليه ؟
-- لاحوووووووووول خلاص انطم
= طيب ليه ؟
--
هذا الحل الوحيد إنك تدبجينه كلما مصخها .. خله يعرف إن الله حق
أو لو كنت ما تتعاملى بالطق .. فاشتر له كتب
و كلما سألتس شي قولى له : رح اقرا عن الموضوع
و مع الوقت بيصير ما يسال .. لأنه متعيجز يقرا


(7) - البزر الداج :

هذا لا عمرك تشيل عينك عنه
هذا نووووع حالته مستعصية مالها حل !!
لو سرحت عنه دقيقة .. تلقاه فتح الباب و طلع
ما عنده وقت
هذا لا تشتري له سيارة ألين يصير عمره 35 يمكن يكون عقل ذاك الوقت
و تراه بيفلح في الرياضيات و الهندسة
و ممكن يشتغل في تصليح الطرق
لأنه يبي يمتر الشوارع تمتير من كثر ما يدوج بها
و هذا يشكل أكبر نسبة من البزران في أيامنا هذى


-8 البزر الطموح "بالعكس" :

هذا البزر الطييعي لمن تساله : وش تبي تصير يا شاطر لا كبرت
بيقولك : أبي أصير دكتور
كيف تعرف لو كان طموح " بالعكس "
بيرد عليك بأجوبة مثل : ما راح أصير شي بتزوج وحدة شقرا تصرف علي .. ولا أبصير حرامي أسرق بنوك .. ولا أبصير مجرم أقتل الناس
هذا ما تقدر تسوي له شي أبداً أبداً
بس لو بغيت تخدم المجتمع اجدعه من صغره عند الشرطه
لانه مهوب مطول


(9) - البزر الملسون :

يوووو ذا يا يفشل لا رحتيبوه معك يا خير من الف رجال لانه بيهيب اللى يشوفه من هالسلنتح اللى يغازلون
ملسووووون و وقح بشكل
و معظم المرات هذا النوع ينتج في البيت اللي مليان بنات
لأنه راح يقتبس هالصفة منهم
طبعاً من وقت لوقت حارشيه .. عشان تشوفى وش تعلم كلمات جديدة
و لو لقيت وحدة وصخة و مالها داعي الطميه و نضمن لك ما يستخدمها
بس نذكرك إنه لو جا عمه ولا جده قال تعال سلّم
لا تستغربى لو قالهم أشياء مثل : (أشتغل عندك انا) ولا (إنت اللى تعال ) ولا حتى ( يا حمار كلمني زين )
يعني وقح وقح وقح .. بس يصلح سياسي


(10)- البزر أبو رادرارات

هذا اشييييييييييييييييييييين نوع قصمن ود تس تمردغينه كل شوى
هذا لا عمرك تتكلمى أو تسوي تصرف قدامه
هذا لو قعد مع أحد
فـضّيحه فضيحه في كل أسرار البيت
ممكن تتطور حالته إلي التجسس
والشين بوه لا تجسس على مكالمات خواته مع صديقاتهن
بس اول ما تكشفينه امهنى كتره
لأن هذا يبي يوّلد مشاااااكل مالها نهاية
فأحسن شي إنك يا تقصين لسانه
يا إما تحبسينه في غرفة الشغالة ألين ما يعقل
و يقال إنه يتعدى هذي المرحلة بعد سن البلوغ .. فإن شاء الله له حل
لكن إياااااااااك و تطنيش الوضع
لأنه يتطور للقافة .. حتى بيصير يسأل عن كل شي
كل شي : مين ؟ وين ؟ متى ؟ مع من ؟ من قال ؟
ويمكن يسألتس وين تبى تروحين ولا من تكلمن ترى عادى لاتفاجئين

(11) - البزر النشبه

هذا سمي النشبه كناية عن اللى ينشب بشى ويعجز يطلع
هذا يستجيب لمؤثرات عديدة
منها : العباية - الغترة و الشماغ - المفتاح - النعال
لأنه مجرد ما يحس إن أحد في البيت بيطلع على طول يلبس نعاله و يركب في السيارة
ولو يشوف جيرانكم يركبون بسيارتهم تلقينه جاى يركض يدور نعاله بيروح معهم
هذا لازم تد قمينه على بكير
داااااايم قبل ما تطلعين من البيت تأكدى انه ما سبقكم يعنى تاكى بالسياره يحتريكم تطلعون





منقول منقول منقول منقول منقول



[/align]

[فيافي نجد]

<<<< قاعده تفكر المادي ايش بيسوي اذا تزوج



الله يقطع سوالفك انتي والمبزرة اللي تكبر وهي تسذي



مشكوووره حبيبتي برحيووووه

[هاوي لاغاوي]

اختي الكريمة البرحية

السلام عليكم ورحمة الله وبركاته

حقيقةً أسلوبك الساخر ـ وفي هذا الموضع بالذات ـ أعطى مشاركتك جمال روعته كانت في المقدمة

بعد قراءتي للموضوع وتتالي الضحكات

أخذت أبحث عن الثنائي

فأحدهم وهو الصغير منهم وجدته بجميع صفاته تقريباً وهو الصنف السادس

وأما الآخر فلربما كان مع عناصر أخرى لم تذكر بعد

لك أختي الكريمة فائق التحية والتقدير ولك أجزل الشكر

وبالفعل ما أحوجنا الى ذلك الأسلوب الذي إستخدمتيه فهو بحق يروح عن النفس وفي الوقت نفسه يحقق الاهداف المرجوة من الموضوع

أخوك هاوي

[بدر بريده]

السلام عليكم

هذي برحيه الي عرفناها بخفت دمها معه

الموضوع الهادف

شكرا على الموضوع ونطلب المزيد

وسلامتكم

[البرحيه]

هلا وغلا بك فيافى


هلا بك.... هاوى تسلم اخوى عقب هالمدح صرت اشوف الحروف كليجا

هلا بك.... بدر يعنى مانغير جو الا على فكره انت اى نوع

[@الشيهـانة@]

هلا برحيه
الموضوع فلته روووووووعه

بالنسبه لي كل اخواني من النوع المادي للاسف الشديد حتى ان امي قد واجرتهم ياكلون تمرتين بريال

اما البزر الملسون ما أظن انه بياخذ طولة اللسان من البنات لان لي اخو تقولين اطرم من قل الكلام لا يهش ولا ينش مع ان اغلب البيت بنات

مشكووووووووووره على الموضوع

[alnesf1]

البرحيه


موضوع شيق ورائع

يعطيك العافيه

[البرحيه]

الشيهانه ... هلا وغلا بك
هههههههههه الله يعينتس
اقصد يتعلم ويصير به بركه وينتج خبرتس هالمبزره مابهم بركه كلش بلش فا مع الأحتكاك مع خواته لابد انه ياخذ شوى


alnesf1 ... هلا بك وشكرا لك

[راعي الاوله]

لما الواحد يشوف البزارين , يقول انهم واحد ----- بس يوم قريت تصنيفك والله من جد انك صادقه ... كل هم بجهه والملسون بجهه ثانيه ---- هالملسون لحاله ..ههههههههههههههههههههه.......... من جد تصلحين مرشده اجمتاعيه على هالتصنيف.........


بس وش الحل لو اجتمع صنفين ببزر واحد ... عسانا نحل ونفهم شخصيه وحده يطلع لنا بثانيه ................


مشكوره على هالتصنيف الرايق


راعي الاوله

[بدر بريده]

السلام عليكم

هلا اختي برحيه انا اعتقد اني من النوع السابع استغليت موهبتي بوظيفتي اشتغلت
في بدايه عمري بالشرطه وكنت امتر الشوارع
لي درجه كانو يعطوني منطقتين لكثره شغلي وتمكيني من سد النقص بالافراد و لبدوريات
بعدها اشتغلت بالتجاره وقمت امتر شوارع
البلدان بس لما كنت اصغبر سالني الوالد شنو تبي تشتغل اذا كبرت قلت له طبيب قال ليش علشان تعالجني قلت له لا علشان اشوف الناس وانا اضربهم ابر ه ههههههههه

وسلامتكم

[شقرديه]

هلالالالالالالالالالالالا برحية الغلا كله

اقول تدرين عاد

عندي بزر فايف ستار الله يصلحة

ما يمر من طفل موب من اخوانه الا ويرسم خريطة على وجهه

كاتب على جبهه بزر عمره سنتين ((اكبر من بزرنا))vipمدري وش يقصد؟؟

فشلني في خلق الله

دورو لي حل معه

يكفي فشايل
تحياتي

[البرحيه]

راعي الاوله.......... هلا بك ولأردا اذا صار ملسون وجاسوس



بدر بريده..... هلا بك... ههههههههههه داج


شقرديه... هلا وغلا ومسهلا
ههههههههههههههههه
ابشرتس فى بيتكم مبدع


شكرا لكم