اطالب بقيادة المراه وسوف اذكر الاسباب :

[من نساء الشرق]

اطالب بقيادة المراه وراح اذكر لكم معناتي وانتم الي احكموا :

اغراض البقاله مافيه احد يجيبهم يعني اليوم على سبيل المثال لا الحصر اكلت جبنه خربانه !!!! وبطني بيوجعني مووت بسببها
الروحه والجيه طبعا بالقطاره لان مافيه احد بيتفرغ لاموورنا الاساسيه مو عاد الترفيه و ترويح .
مطاعم ممنوع لان اهل الحاره ملاقيف وعملنها انا وخواتي وصرنا كل خميس بنجيب من مطعم وفي اخر خميس جاء امام المسجد وعملنا فضيحه قدام العالم والناس وطلب امي وكلمها عند الباب عاد خذ هذا يجوز وهذا مايجوز ....
اما مسئلة اروحه للمدرسه فهذي تصلح تكون مسلسل مغامرات يعني راح اقولكم مغامره بس يمكن ماراح تصدقونها .
اتفقت مع نقل ياخذوني على المدرسه المهم يوم من الايام تناقشت انا وياهم على الفلوس وقلت لهم انكم غالين ومن ذا الكلاام صار اخذ وعطا انا وياهم في السياره قالت صاحبت النقل انزلي ماراح نوديك وشوفي لك نقل ثااني !!!!!
انا : ياحرمه حنا بوسط المسافه وين انزل
حرم السائق : يالله وقف خلها تذلف
انا : ياناس اتقوا الله وين ترموني بوسط الطريق و بالظهر !!!!
المهم وقفوا وقالوا ماراح نتحرك لحد ماتنزلين
نزلت لان مافيني اتحمل ايهانات وقلت يالله خلينا ننزل الجوا غيوم وحلوا
طبعا خذ هذا يطنب ويستهزء ....وهذا يلج وين اهلك يابنت ... وانا مطنشتهم وماشيه بطريقي وكل الوقت ادعي "يالله ياكريم ابعد الهيئه عني" طبعا الطريق طوووووووويل
مليت من المشي تعبت وماقدرة التحمل خصوصا لما وصلت لمنطقه ماقدر اوصفها من شان ماتعرفون بيتنا
بس من جد منطقه طريقها سريع وعلى يميني مزارع !!!!!!
وامي تدق وينك يابنيتي جاء العصر وانتي لهالحين ماجيتي وانا اقولها ايه اليوم علي المناوبه برقعها ، صراحه بذاك الموقف كنت اعاني من الخوف وتعب ونوم وملل ...




بالله عليكم هذي عيشه والله الي يسمع كلااامي يقول مسكينه وفقيره ماكاني موظفه واستلم راتب شهري و اكل جبنه خربانه و امشي بشارع الين العصر ....



[align=center]راح اطالب مجلس الشورى اما بسماح للمراه بالقياده اوان يبحثوا لنا عن البديل اما ان تترك المسئله هكذا فهذا غير مقبول ومرفوض من قبلي انا كمواطنه ...[/align]