تؤيدون او ترفضون هذا الحب؟؟ ولماذا؟؟ حبيت اشاركم بالموضوع هذا الانه مشكله منتشره

[ămōяẻ]

السلام عليكم..

الاعضاء الغاليين.. عندي موضوع واايد اشوفه منتشر وشباب واايد يتبعونه وبنات..

حب النت.. سواء من الشات او المنتدى.. او اي موقع لتعارف..

حب انتشر بالفتره الاخيره... وهو عن طريق النت لاانكر هناك حالات زواج كان اساسها النت ولكن مو كل بنت او شاب تنجح حياته بهذي الطريقه مو كل شاب نيته صافيه اتجاه هذا الحب.. عزيزتي الفتاة.. لا تنجري وراء الكلام المعسول من قبل الشباب بشات او اي مكان بنت.. الانكِ ستعرضين نفسكِ لمشاكل مع اهلكِ..

انا عن نفسي يوم كنت اصغر من هذا العمر في بداية استخدامي للنت مااكنت اعرف اي شي عن هذي السوالف وغرض الشباب كنت صغيره.. وتبعت كلام المعسول من الشباب ومااكنت اعرف معناة الحب بمعنى الكلمه قلت لخمسة اشخاص من النت اني احبهم وماتعلمت من هذا الشي اول شخص كان يبي يشوفني بشقته انا امتنعت وصارت سالفه وافترقنا وثاني طلع يحب ويقول الالف بنت انه يحبها والثالث افترقت عنه من نفسي والرابع والخامس نفس الشي انا بنفسي ابتعدت عنهم.. والله ثم والله يوم كبرت وصار عمري 18 سنة وسمعت عن سوالف ومشاكل النت عضيت يدي ندم على كل يوم قضيته بسواف مع وااحد من الخمه الي بشات كان ودي اقتل نفسي حمدت الله اني صحيت من الغيبوبه هذي ومااصارت لي مشاكل لحمدلله.. والحين مستحيل افكر بهذا النوع من الحب قبل كلشي افكر بأهلي وتربيتهم لي وتعبهم علي وبالاخير اجازيهم بحب من النت ومشاكل ليش..؟؟

اخي الكريم كن قدوه لغيرك وولا تلعب بعقل اي بنت من النت مادامك منت صادق معاها ولاراح تتزوجها.. فكر بأخواتك وامك واي بنت معاك بالعائله لابد ان راح يصير لها مثل الي صار اللبنت الي قلت انك تحبها الله راح يعاقبك في اخت من خواتك..

وانا ابي اعرف رايكم؟؟ توافقون على هذا النوع من الخرابيط بنت؟؟ وتذكرون مواقف اذا صادتكم وحبيتوا من النت وشنو كان بنهاية هذا الحب؟؟

انتظر مشاركاتكم...

تحياتي..





منقول