أمر خطير يحتاج تدخل الأمير :: شبيحه يقودون سياراة الأمن !!!!!

[هلالي اخلاق]

بسم الله الرحمن الرحيم



جميعنا نتذمر من بعض المراهقين ومن تصرفاتهم المؤذيه لسالكي الطرق في وسط المدينه , ولكن العجب أن يكون الأذى من رجال المرور فهذه والله المصيبه العظمى ,


في الامس امام عيني في الساعه الواحده ليلاٌ شاهدت سياره مرور نوع جيب ربع تلاحق احد المراهقين حتى رأيت سياره المرور تقفز فوق الرصيف بسرعه عاليه وتدخل الى المسار الثاني وتصدم بسياره المراهق الذي انحرفت سيارته وصدمت سياره اخرى كانت متوقفه وكأن المنظر أمامي يشابه مناظر أفلام الأكشن ولكن الذي اثار دهشتي حينما اصدمت سياره المراهق في السياره المتوقفه رأيت رجل المرور يهرب وكأنه هو من تلحق به سياره المرور وترك المكان وكأنه لم يرى ولم يعمل اي شي .

وقفت قليلاٌ لكي اشاهد هل اصيب صاحب السياره المصدومه ورأته سليم وبعدها حاولت اللحاق بسياره المرور لكي اخذ رقم اللوحه ولكن للأسف لم اجده ولا أعرف أين اختفى .




من المؤسف أن يصل الحال بنا لهذا الشكل .

هل نعالج الخطأ بخطأ أكبر واجرم منه ؟.

ولماذا لم يكتفي رجل المرور بأخذ رقم لوحه السياره والتبليغ عنها ؟

الكل يعرف ان نظام وزاره الداخليه لايسمح بمطارده المخالفين وسط المدينه الا بإذن مسبق من الإماره .


في هذا الشهر سمعنا عن ثلاث حوادث صدم من قبل المرور للمخالفين وأحدهم يرقد في العنايه المركزه حالياٌ .


الى متى ستستمر مخالفات رجل الامن وهم القدوه والذين يقودون النظام ويطبقونه على الجميع .




الحقيقه االتي اقسم بالله العلي العظيم انها حقيقه ان اغلب من يسبب تلك التجمعات ويقود مسيرات التفحيط والدوران هم من رجال المرور .


هل هم فعلاٌ رجال أمن ام شبيجه يستخدمون السلطه في غير محلها واصبح المواطن الضعيف يخاف من أذى رجال الامن ؟؟؟!!!

أتمنى من امير منظقه القصيم ونائبه النظر في تلك الحوادث وأخطا رجال المرور بالاخص الذي يشتكي منه الكبير قبل الصغير .

[عبدالملك الوشمي]

كلامك هذا نصدقه ونسمع به في كل مكان .. لاكن الى هذه وصلت يـارجال الأمن .. !!
وبكل براء منه اذا صدمه هرب .. وهذا الدليل أنه مخطى خطاء فاحش ..
ونقطه التمجهر والمواكب هم اللي يقودنها وأصحابهم في سيارات الدوريه ... هؤلاء هم رجال الوطن والأمن والامان .. أين وزراه الداخليه وأنظمتها عنهم وعن تصرفاتهم ..

[القلب الاسير]

بزران وادخلوا العسكريه اقسم بالله اغلبهم ما تتجاوز اعمارهم 25 يعني توه مفطوم مازال فيه زغب يصوصي...

>> يا خوك العسكريه تبي شجعان <<<

[فيفادول]

..



ماعتقد انهم بهالوحشيه اللي تقول !!
بعدين لكل منطقه او وحده سكنيه سيارة دوريه
من المفترض انك مالحقت ولاهم يحزنون
سويت اتصال على القياده وحددت المنطقه
وهم يستدعونه واخذت صاحب السياره معك
في كل الاحوال الله يهديهم




..

[هان]

الله يقويهم مايكفي الصدم لهم بلاك مزعجوك اسئل سكان الموطاء واهل جنوب بريده ... بل في جميع انحاء المملكه .... انا معهم والله يكثر من امثل هذا الشرطي البطل

المفحطون يزهقون ارواح ويخربون ممتلكات

[جلوي العتيبي]

تصرف أرعن وغريب!!!

ياليت تحدد الموقع اخي الكريم (أي شارع؟)

[- Z I D A N E -]

الله يبشركـ بالخير والله خبر جميل جدآ جدآآ

الله يجزاهـ خير هالجندي تصدق أنه فعل معجزهـ لا يستطيع فعلها ولا مدير المرور

تصدق أول مرة ينفعون خل الي يفحط يتأدب

بصراحـة أسأل أهل الخبيبية ( الأن ) عن الأزعاج والبهذلة تخاف لا مريت بشارع الخبيبية

هذا يبيله جلد بعد عشان يتـأدب ولا يقعد يفحط ويزعج المسلمين ...

عاد بالنهاية والله يا عليهم شين تفحيط بعد ماهو معقول مادري وش شايفين بهم

الرجــآء معذرة على هالأسلوب لكن شفت الموت بسبب مفحط


.
.
.

[في خاطري شي]

الاطفال ازعجونا في كل مكان تفحيط تطبيق العاب السوني في الشوارع

سرعه جنونيه وسط الاحياء

[هلالي اخلاق]

اشكرك يا وحداني والاسير

وفيفادول نعم واقسم بالله اكثر من كذا .

[هلالي اخلاق]

اقتباس:  المشاركة الأصلية كتبت بواسطة هان     الله يقويهم مايكفي الصدم لهم بلاك مزعجوك اسئل سكان الموطاء واهل جنوب بريده ... بل في جميع انحاء المملكه .... انا معهم والله يكثر من امثل هذا الشرطي البطل المفحطون يزهقون ارواح ويخربون ممتلكات

هل البطوله في معالجه الخطأ في خطأ اكبر منه ؟

هل فقدت عزيز مثل ذاك الشاب الذي دخل العنايه لأنه هرب منهم بسبب تضليل او عدم وجود رخصه او دوران ويدخل العنايه ؟؟


اين شجاعته يوم صدمه ليش ماوقف ؟؟

!!!!!!!!!!!!!!!!!!!


انا مؤيد وبقووة تطبيق اشد العقوبات على المفحطين والمزعجين لكن ليس بالطرق الوحشيه مثل هذي

[هلالي اخلاق]

اقتباس:  المشاركة الأصلية كتبت بواسطة جلوي الشقير     تصرف أرعن وغريب!!! ياليت تحدد الموقع اخي الكريم (أي شارع؟)

في السوق الداخلي ..ّ!!


^^^

لاحظ في السوق الداخلي

[هلالي اخلاق]

اقتباس:  المشاركة الأصلية كتبت بواسطة - z i d a n e -     الله يبشركـ بالخير والله خبر جميل جدآ جدآآ الله يجزاهـ خير هالجندي تصدق أنه فعل معجزهـ لا يستطيع فعلها ولا مدير المرور تصدق أول مرة ينفعون خل الي يفحط يتأدب بصراحـة أسأل أهل الخبيبية ( الأن ) عن الأزعاج والبهذلة تخاف لا مريت بشارع الخبيبية هذا يبيله جلد بعد عشان يتـأدب ولا يقعد يفحط ويزعج المسلمين ... عاد بالنهاية والله يا عليهم شين تفحيط بعد ماهو معقول مادري وش شايفين بهم الرجــآء معذرة على هالأسلوب لكن شفت الموت بسبب مفحط . . .

انا يا اعزائي لا ادافع عن المفحطين والمتهورين .



لكن يا عزيزي لو كانت السياره التي مع المراهق مسروقه والعسكري صدمها ليش مايوقف ويتاكد من اوراقه ويحجز هذا المخطئ.؟؟

هروووبه دلاله واضحه على جرمه وتخيل لو اصيب اصابه خطيره هذا المراهق او توفي هل سترى فعل الشبيحه فعل جيد .

[هلالي اخلاق]

اقتباس:  المشاركة الأصلية كتبت بواسطة في خاطري شي     الاطفال ازعجونا في كل مكان تفحيط تطبيق العاب السوني في الشوارع سرعه جنونيه وسط الاحياء

صحيح كلامك واتمنى تطبيق النظام على الجميع .

[موهوب القصيم]

اغلب العساكر مبزرهـ ومراهقين

لذالك اضطرت الدوله لأرجاع المتقاعدين العسكريين بعقود سنويه

لأنه تدري ان ماورى هالرضاعين الا الضياع

[بسمه فرح]

الله يعينكم
الصراحه فيه احد يستاهل اكثر من كذا