اعتداء مشرف الامن بالعثيم مول على طلاب قسم البصريات - بالصور ؟؟

[مآركة]

بريدة - العثيم مول

يوم الجمعه الساعه العاشرة 16/11/1432
اعتدى المشرف على الامن في العثيم على طلبة قسم البصريات حيث انهم يقومون وتحت رعاية الجامعه بالفحص المجاني للمتسوقين بمناسبة اليوم العالمي للبصر وذالك بالشتم وكادت ان تتطاول الاشتباك بالايادي وياتي تفصيل ماحدث هو بعد ذهاب احد الطلبة لشراء وجبة عشاء له ولزملائة من احد المطاعم داخل المجمع حينها اعترضه المشرف وبداء بالتهكم علية ومحاولة طردة خااارج المول مما استدى تدخل باقي الطلبة لفك النزاع حيث قام المشرف بالتطاول وسب شهاداتهم الجامعية والتقليل من مكانتهم العلمية وقد قال المشرف هاتفا ( انا معي بكالوريوس اصول دين ماخذها قبل لاتحك خشمك وانتم بعيدة عنكم التخرج ) ؟؟ والتجريح بالجامعة وبالطلبة انفسهم امام الجميع ؟؟ xxxxxxxxxxxxxxxxxxxxxxx وادى ذلك الى التشابك البسيط بالايادي
وفي حادثه سابقه قام المشرف بطرد احد الطلبه مدعيا بانه يعاكس احدى المتسوقات وفي حقيقةالامر ان هذه المستوقه مديرة لاحدى المدارس الابتدائية وكانت لديها الرغبه بان تحصل على عدد كبير من المطويات لتوزيعها على الطالبات فتحدثت اليه لكي يقوم بارشادها لكيفية الحصول على هذه الكتيبات ..

محدثكم من ارض المعركة وشاهد العيان - مآركة ^_^

[بسمه فرح]

دنيا العجايب
كل شي يصير

[مآركة]

صدقتي بس المفروووض انه يحترم الناس انا اعتقد ينتضره عقااب عسير لان الجامعه ماراح تتركه مهما كان عذرة

[بدرالوابلي]

أذا ثبتت صحة الحادثه وكان المشرف مخطيء فيجب ان يقوم المجني عليه بتقديم شكوى الى ادارة المجمع

اما أذا كان احد الطلاب قد اخطأ وتعدى حدوده فيجب ان يتم منع من يستغل تلك الفعاليات التوعويه في المعاكسه مستقبلا من تمثيل مرجعه وايضا تسليمه لهيئة الأمر بالمعروف والنهي عن المنكر فليس كل من يمثل الجامعه او غيرها منزه عن الخطأ ///

// واقترح لادارة المجمع ان يتم التنسيق مستقبلا بدعوة الطالبات الى أركان خاصه بالنساء لفحص النساء

وبالمثل الطلاب الى أركان خاصه بالرجال لفحصهم حتى لايحدث اشكال .

[مآركة]

هلابك اخوي بدر لا لا لا الخطا من المشرف انا كنت تبع اللجنه الاعلاميه الرسمية للجامعه
المشرف كان xxxxxxxxxxxxxxxxxxxxxxxxxxxxxxxxxxx
كان يطلع للدور الثاني ويرسل واحد من السكورتيه ويقول نادوا لي المشرف على الطلاب؟؟؟؟؟؟

[الفهد الرياضي]

انا اتوقع نرفزووووه ,,والشر مافيه خير ,,وهومؤتمن على عمله ,,

[ماتمشي علينا]

تصويرك للمشرف وعرضه امام الجميع هذا بحد ذاته اعتداء ويعاقب عليه القانون .. والطلاب اللي ذكرتهم عملهم يتطلب مكان محدد وليس التجول والاكل والشرب وكانهم برحله سياحية

وماعلم ماهو سبب تخفيك باسم مستعار هنُا بالمنتدى وأنت تتدعي انك من منسوبي الجامعه ..


وللمعلوميه مهمه هذا الرجل هي المتابعه المستمره لااحوال السوق

[إياد الموسى]

!!!!!!!!!!!!!!!!!!!!!!!!!!!!!!!!!!!!

لاتعليق

[سمو الأحساس]

الله يستر بس والله واعلم

اخابر كنت اتسوق بالنخيل فيه طلاب حقين الاسنان وربي يعاكسون قدام عيني

بس الله واعلم بالنيات

[رمزالحنان]

والله هالمشرف رجل وكثرالله من امثاله
واعتقد ماتعدى وتنرفز الا هو شايف شي عليهم وقاعدين يراددونه
والعثيم اداره كبيره ماراح يوظفون بهالمكان الا واحد كفوووو
وراه عميان علشان يوظفون مريض نفسي ياكااافي على قولتس
عموما الله يهدي الجميييييييييييييع

[قصيمي جحوود]

اقتباس:  المشاركة الأصلية كتبت بواسطة نزفـ المشاعر     الله يستر بس والله واعلم اخابر كنت اتسوق بالنخيل فيه طلاب حقين الاسنان وربي يعاكسون قدام عيني بس الله واعلم بالنيات

فعلا هالشي شفته كم مره
وانا مااعمم على جميع الطلاب
ولكن البعض منهم الله يهديهم يستغلون هالشي
والمشرف ماقام الا بعمله المطلوب منه وجعله في موازين حسناته
لمحافظته على امن المول وعلى كلامكم مشرف الامن يعني ماجاء الا فيه شي قوي ماقدروا عليه الامن
والله يستر على شباب وبنات المسلمين ياارب

[سليمان الصقعبي]

كلهم مخطين ..!

طبعا الطالب في مكان عمل ولا يسمح له بالخروج الا بعد الاستأذان ..
المفروض انه استأذن من احد المسؤلين قبل ان يذهب لشراء وجبة العشاء !!

و الخطا الثاني على المشرف في العثيم مول واعتقد انه هذا مدير المول !!
بأنه ماعنده اسلوب في التفاهم و سبق انه حصل لي موقف معه ..

[سليمان الصقعبي]

اقتباس:  المشاركة الأصلية كتبت بواسطة ماتمشي علينا     وماعلم ماهو سبب تخفيك باسم مستعار هنُا بالمنتدى

وماهو سبب تسجليك بعضويه جديده لكي ترد على هذا الموضوع ؟؟
و بأسم مستعآآر

[Miss Tala]

مير العثيم بعيدا عن هالسالفه كاثره قطاتهم الغبيه اخوي طلعوه مره من المول عشانه كان لابس برمود يعني باللهي وش البجاحه هذي بالتصرف ...!!

واذا صحيح الطالب مظلوم هالمشرف قليل عليه كلمه قليل ادب وبعدين يعني مثلا اللي موجودين مافي احد منهم يعاكس الا الطلاب والباقيين وش سوا فيهم ...

[وحيد الصحاري]

لاتعليق
.................................................. .............