كفى الله فراقك يا بعد كل من حبيت
عسى الموت لي قبلك وطيات الاكفاني
انا ويش يبفى لي اليا ارخصتني واقفيت
ولا لي مراد بعيشه كله احزاني
اشوفك ونا مدري تقل يالغضي صديت
ونا ما خبرمني خطا ليش تجفاني
انا اللي بلا منه عطيتك ولا خليت
والى شانت الدنيا على الطول تلقاني
نصوح سموح كلما قلت لي لبيت
ابادلك بالطاعه ولو تطلب اعياني
بربك وربي والسما والملا والبيت
فلا مثلك احد في زماني تولاني
احبك من الله ما تخيرت يوم ابليت
بلاني بك اللي يعلم السر واعلاني
لو اطلب جلا حبك من الله الى صليت
تجدد وزاد بخاطري يومي الثاني
تشوفه بعيني كلما رحت والا جيت
هماليل دمع ساقته رفه اجفاني
عساني بظني يانظير العيون اخطيت
وقلبك معي لا زال مغلي ويهواني
العرض الشجري