طالب من الرياض بحصة التعبير:-
في اسبوع الاجازه ذهبت انا وعائلتي بسيارة ابوي الجديده موديل 2009 الى الشرقية وذهب ايضا عمي ناصر مع عايلته ولكن سيارتهم قديمه.مشينا الفجر لان ابوي يقول لازم نوصل الشرقيه قبل الظهر وعندما وصلنا شاهدنا العماير الكبيرة والكورنيش الجميل والبحر العميق جدا وعندما جاء وقت الغداء اردنا ان نروح الى تشيليز في الكورنيش الخبر ولكن ابوي قال فلوسنا ماتكفي وصرنا ناكل بخاري كل يوم وفي العصر من اول يوم ابوي عطا امي 1520 ريال عشان المصروف وقال لي ابوي: يا بني انت الان رجال العايله هذي500 ريال بنزين السياره والسيارة معك وانا بروح مع عمك الى البحرين للعلاج. ثم راحو بسيارة عمي للبحرين وانا صرت اسوق في اهلي واهل عمي ناصر وانا مبسوط لان ولد عمي كبري ولكن ابوه مايخليه يسوق ووديت اهلي الراشد اكثر من مرة وجلسنا في الكورنيش وسبحت في الهاف مون وبغيت اموت لان جات سمكة وحيد القرش وبغت تعضني ولكن هربت منها باعجوبة.
وفي يوم من الايام اختي الصغيرة نوير فصخت عبايتها على الكورنيش كي تتمدد وانا زعلت عليها واتصلت على ابوي عشان يهاوشها ويوم رد علي ابوي في البحرين سمعت اصوات اغاني عاليه جدا وكانت سيدة تقول "احلى تحية لابو عبدالله من السعودية" اللي هو انا وفرحت وقلت له من ذي قال مالك شغل هذي دكتورة العلاج الطبيعي وكان صوت ابوي ثقيل وبسرعه قفل السماعه وفي نهاية الرحلة عاد ابوي من البحرين مع عمي ناصر وكلهم يضحكون مستانسين من العلاج ولكن ابوي زعل على نوير لاني علمته عن العبايه يوم جا ثم قمنا ورجعنا للرياض وقال ابوي كل مرة تصير عندكم اجازة وانتو عاقلين ولا تتشيطنون راح اوديكم الشرقيه وايضا عشان يتعالج في البحرين وقالت له امي ليه ما تودينا البحرين معك؟ فقام يهاوشها ويقول انا اروح للعلاج ليش اوديكم والمستشفى كله رجال.. وفي الختام انا احب ابوي ولكن اتمنى انه ما يطيب عشان نروح للشرقيه واجد وهو يتعالج في البحرين
اعتذر من الجميع على الانقطاع وغيابي كان لظروف أجبرتني ابتعد قليلا عن المنتدى , وبنفس الوقت يقولون " من طول الغيبات جاب الغنايم" وان شاء الله راح نبدأ من حيث توقفنا دون انقطاع بحول الله , اكرر اعتذاري مرة أخرى وأشكر اختي كررررومه من كل قلبي على سؤالكم واهتمامكم و نقاء قلوبكم وتواصلكم مع الجميع كأخوة بها المنتدى الرائع ربي يوفقنا وإياكم
لكم مني كل التحايا والتقدير
تعبير ولا أروووووووووع
تسلم يابو دآآآنـــــــــــــــــــه
وعودا حميـــــــــــــــــــــــــــــــــــــد نورت منتدااااااااااااك ياخيي
الف شكر على الموضوع..................................سلطانه
موضوع تعبير حلو ...^_^
العرض العادي
