ثاير الشوق

[عبدالعزيز عبيد العدواني]

[poem=font="simplified arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]





ليه جيت ووين جيت ومن دعاك ومين جابك = يا جحود الكون يا ظلم البشر يا حكم جاير



يا عذاب السجن يا سجان عودني غيابك = اتحدى الجرح وانسى الجرح لو هو حيل غاير



يا صدى صمت المقابر يا مصابي من مصابك = يا سكون الذوق يا دم(ن) من النكران فاير



لك كتبت ومنك تبت وفيك ذبت وصرت اهابك = كنها من ثقلها من بعض ما بالقلب حاير



أنت تدري من هو الليله وقف لك واحتفى بك = شي كسرته ولا ناظرت فيه وجاك طاير



جاك ما كنه تحطم منك واهدالك هلا بك = يا هلا بك دام ما بالقلب من ينطحك ثاير



كيف اثور وكل ما مني يهذري في غيابك = كيف وانت اللي لحالك في عيوني لك عشاير



من عتب غالي لغالي جيت والهقوه لبابك = مستحقه مجبره ما همها ربح وخساير



والخساره يوم تاطى من رفعك ومن رقى بك = واكبر الارباح يوم تزف من عندك بشاير



لا تلوم القلب يالغالي ترى قصدي عتابك = إنتبه تفهم غلط وتهد من ضيقك عماير

[/poem]