مراكز الرعايه الى متى ال؟؟!!

[بصريح العبارة]

00بصريح العباره انا ملاحظ شغله غاثتني من زمان على مراكز الرعايه00وهو انه اذا بغيت تاخذ ملفك بالمستوصف من عند موظفه الملفات تحس نفسك انك وحش كاسر يادافع البلا!!
تلاقي شغله غريبه وظنها ببريده فقط تلاقي -شبك -وبلاكاش -وحديد -وعقبها تجلسلك ساعه ونت تنادي وذا ردت هاه ماسمع00 وكثير يصير مابه احد بالغرفه ويضيع وقتك ونت اخر من يعلم! و مع ان الفتحه اصلا مايدخل معها ولا العصفور وشدعو! خفو شوي الي ناوي الشر موعجز يروح مع الباب رجاء من المسئولين يخفو من الانغلاق والتشدد شوي و يخلونها كونترات مفتوحه مثل المستوصفات الاهليه ويحسسونا اننا اوادم مو وحوش كاسره يتعامل معها من ورا القضبان00 عموما يمكن ماعرفت اعبر الي بخاطري بس الاكيد الكثير من الشباب قد مر بمثل معاناتي وفهم مقصدي00 وتحياااتي للجميع

[شميساوي]

.


نفس الفكرة ...

قبل فتره رحت لـ المستوصف ,, و أنا و أياهم شيل وحط ,, و أطق على البلكاشه

و أوجعن أصبعي الأبهام (( تعرف لا صفظته بشكل معكوف كأنك تبي تقنع أحد ))

و بـ الأخير ,, موظفة الملفات مهب موجوده ..!!!

و يجي ابو الشباب الصيدلي و يتكرم علي و يتصل عليهم و يالواسطه جت أم الشباب ...

شفت وشلون الأنغلاق ,, لو مافيه هـ الحاجز الخشبي و الحديدي ..

كان أبن أمه تتعدى مكانه ..


.

[داردار]

خلوهن البلكشات الي سادين فيها فتحات المراجعين ، احسن عشان نكتب عليها ارقام ملفاتنا .

ماشفتوا من وزارة الصحة ((وزارة كل من ايده إله)) على قولة غوار الطوشه ، الا هذا الشىء .

[بسومة بريده]

حتى واذا كان القسم نسائي خاص تلقاهم حاطين هالحواجز مادري وش الحكمه منهن....

[بصريح العبارة]

والله يابسومه اذا كلامك حقيقه وان القسم النسائي برضو فيه بلاكاش مثل قسم الرجال هذي فضيحه!! وان المقصود صار مو عشان الدين والستر والموضوع صار عشان اشياء ثانيه بسم الدين وعشان ماتشاف بلاويهم داخل الغرفه!! افتحوها وبعدو الشبهه خلوها كونترات مثل العالم المتقدمه عشان نشوف وش حاصل والموظف يحسب حسابه 00 للاسف لااااااااااااتعليق

[الحبايب]

السلام عليكم
والله كل الكلام صدق
وانا ودي أسأل ليه الحاجز البلاكاش ما دام الفتحة صغيرة ... يخافون من ايش ؟؟؟؟؟
الشي الثاني ما كد رحت للمستوصف ولقيت احد عند الملفات لاضطر احيانا افتح الباب وانادي حتى يجي الصيدلاني ويعطيني الملف