الرومنسيه كذب وقع فيه الرجال !

[عاشق ديرتي بريده]

الرومنسيه

يلجاء الكثير من الرجال للرومنسيه لكي يكسب ود زوجته

ومن بعض كلمات الرومنسيه اطراء الزوجه بالجمال النادر

وخفة الدم الممزوجه بطيبة الزوجه

ولو رجعت للرومنسي سوف تجد ان نصف ان لم يكن كل كلامه كذب

فلاجمال يستحق الاشاده ولاخفت دم تستحق النطق بها !

يعني الرومنسيه كلها كذب بكذب لكسب الزوجه

والكذب حرام

يعني كلكم سذوبين وعليكم خطر لوقوعكم بالحرام

كل رومنسي كذاب

اتركوا حريمكم بدون رومنسيه يعجبها كذا والا تطق رأسه بالجدار

ولا تكسبون اثام علشان حريمكم

بقلم الشيخ عاشق بن ديرتي ال بريده .

[هلاوين]

ههههههههههه


اجل تعتقد للي ماعندهم رومانسية هذا عذرهم خوفا من الوقوع بالمحرم>>يعني مايلامون اخذين بفتوووووووووواك هههههه


بالنسبة للي ابكذب واكذب واصياااااار اكبررررر كذاب لعيونها >> عناد لك هههه


شكرا لك شيخ العشاق

[طقاقة بدون مايك]

بعد هما

الرومنصة تسذب وشلاخ وقعن به الححريم

تبيه تمدحك...وتثني عليك...وتقابلك بآبتسامة أربع وعشرين ساعة..وتعطيك من زين الحتسي أعذبه...وهو من جمبه ومطين عشيته ومحسر به ..


ما التسذب واقع من الطرفين

ف أتسذب وآستخفر عشآن المركبة تمشي وتستمر الحياة وهاكذا

ب ريشة الفنانة الصاعدة المخضرمة/طقاقة بنت مهاوش:@


ويعه أتخيلن رومنصية
وآخذلي واحدن رومنصي...تسان أتبرآ مني ومنه..*

كيل بعير من الشكر لك

[(( ** stop ** ))]

اظنه عادي تسذب بالرومانسيه لانه تسذبه بيضاء هههههههههههههههاي

يارجال وهي واقفه على تسذبة الرومانسيه بس ياكثر الاتسذبات عد واغلط الله بس يغفرلنا

مير تسذبة الرومانسيه تستااهل انك تسذب المشكله الشي اللي مايستااهل انك تولف

وسلملي على قلمك الرصاص

[أحلى ابضايه]

طيب واللي تعطيه جوه وتحسسه انه شيخ العربان
وذيب الخليان
وهو نعامه من غير جنحان
والمفروض تصكه باقرب جدار
تعتبر بعد تسذوبه /:

[عاشق ديرتي بريده]

اقتباس:  المشاركة الأصلية كتبت بواسطة ابو ميار     ههههههههههه اجل تعتقد للي ماعندهم رومانسية هذا عذرهم خوفا من الوقوع بالمحرم>>يعني مايلامون اخذين بفتوووووووووواك هههههه بالنسبة للي ابكذب واكذب واصياااااار اكبررررر كذاب لعيونها >> عناد لك هههه شكرا لك شيخ العشاق

ابوميار لاتأخذك العزة بالاثم

واللي ماعندهم رومنسيه مخلينا لحور العين بالجنه ان شاءالله

شرفتني يابو ميار

[عاشق ديرتي بريده]

اقتباس:  المشاركة الأصلية كتبت بواسطة طقاقة بدون مايك     بعد هما الرومنصة تسذب وشلاخ وقعن به الححريم تبيه تمدحك...وتثني عليك...وتقابلك بآبتسامة أربع وعشرين ساعة..وتعطيك من زين الحتسي أعذبه...وهو من جمبه ومطين عشيته ومحسر به .. ما التسذب واقع من الطرفين ف أتسذب وآستخفر عشآن المركبة تمشي وتستمر الحياة وهاكذا ب ريشة الفنانة الصاعدة المخضرمة/طقاقة بنت مهاوش:@ ويعه أتخيلن رومنصية وآخذلي واحدن رومنصي...تسان أتبرآ مني ومنه..* كيل بعير من الشكر لك

ياصاحبة الريشه

المرأه ليست مطالبه بالرومنسيه

لان اكلف ماعليها تبتسم من الوناسه بكذب الرجل المسكين

والا بتسامه ليست لارضاء الرجل ولكن لكي تكسب سفريه او ذهاب الى السوق

[عاشق الخير]

المهم انه بعيونك تسوى باقي الجذعات ..
شيخ عاشق
يكفي انك تقول ان جمالك نادر بالنسبة لكشباره مثلي مثلك
وهذا شيء أكيد ..

[عاشق ديرتي بريده]

اقتباس:  المشاركة الأصلية كتبت بواسطة ابو خالـــــــــــــــــــد     اظنه عادي تسذب بالرومانسيه لانه تسذبه بيضاء هههههههههههههههاي يارجال وهي واقفه على تسذبة الرومانسيه بس ياكثر الاتسذبات عد واغلط الله بس يغفرلنا مير تسذبة الرومانسيه تستااهل انك تسذب المشكله الشي اللي مايستااهل انك تولف وسلملي على قلمك الرصاص

القلم الرصاص استخدمه افضل الرسامين كـدافنشى و سلفادور
دالى <<< مضفوفه من قوقل

ولا يوجد بالدين اسمه كذبه بيضاء وسوداء

فالكذبه واحده

[عاشق ديرتي بريده]

اقتباس:  المشاركة الأصلية كتبت بواسطة أحلى ابضايه     طيب واللي تعطيه جوه وتحسسه انه شيخ العربان وذيب الخليان وهو نعامه من غير جنحان والمفروض تصكه باقرب جدار تعتبر بعد تسذوبه /:

هذي تسمى درنقه لانه صدقت الكذبه وكذبت

<<< يتخيل زوجه تصك زوجه بالجدار ويضحك شوي شوي لانه شيخ

[عاشق ديرتي بريده]

اقتباس:  المشاركة الأصلية كتبت بواسطة عاشق الخير     المهم انه بعيونك تسوى باقي الجذعات .. شيخ عاشق يكفي انك تقول ان جمالك نادر بالنسبة لكشباره مثلي مثلك وهذا شيء أكيد ..

اهلا بالشيخ عاشق الخير

اذا كنت تقول الحقيقه فلا حرج

خذ هالمثال هذا لو تقول انتي اجمل من بعض التشاديات اللي بمكه فلا حرج

اقتباس: يكفي انك تقول ان جمالك نادر بالنسبة لكشباره مثلي مثلك وهذا شيء أكيد

قد تصح العباره هذه

بارك الله فيك ياخي

[فتاة المستقبل]

لا بالعكس هذا شئ محمود ومباح وفيه زيادة الفه ومودة بين الزوجين ,,لان تسذبك بينعكس على تعاملها معك وبالنهايه انت الرابح ..

والرسول عليه الصلاة والسلام اباح الكذب في ثلاثة مواضع ومنها الحديث الذي يكون بين الزوجين لزيادة الالالفه بينها ...

عاشق لاتفتي من عندك ,,عدل موضوعك لاتستاثم بخلق الله ..

[أمير الشباب]

أعتقد أن العرب فاهمين الرومنسية غلط ، فلم يعتادوا عليها من قبل فكانت حياتهم شقاء وكفاح ومعيشة صعبة ، ولكن منذ فترة ليست بالطويلة وبعد الأنفتاح على العالم الخارجي أخذ حب الاستطلاع لديهم والتقليد الأعمى مجراه فبدأو يتخبطون هناء وهناك فلم يفلحوا بهذا او هذاك . فأصبحت حياتهم الجنسية هي شغلهم الشاغل بعد أن تركوا حياة الشقاء واستقروا بالقصور المعمورة . . . . . يكفي

[رفآت]

أخي :
الرومنسية بمثابة البهارات للحياة الزوجية ،،
ولاتستخدم الا في حالة استقرار الحياة الزوجية والقيام بالواجبات قبل كل شيء .



تقديري لك .

[قلب الأسد]

ليس كذبـاً ولكــن لكي يدرب الزوجــه على فعــله ويستمتعون ولو بنص الرومنسيه