طويل اللسان آدمي تمقته النفوس حيا وميتا .

[الاخطبوط المرقط]

السلام عليكم

الإنسان يسمع بلاشك غير مايرى بشكل مباشر !!

وهذا الخطأ الذي وقعت به .

كنت كثيرا ماأمتدح طويل اللسان الخصم العنيد عبر الدوائر الحكومية

ووسط المجالس..

في أنه إنسان قد يحصل على مايريده من متاع الدنيا أو ربما لا يحصل !!

ولكن بعد أن رأيت بعيني هذا اليوم المنظر المقزز لذلك الملسون وسط الحقوق

وكيف يتخبط بلسانه يتلفظ بلسانه كلمات منحطة تجاه خصمه !!

صوت مقزز وعالي مزعج للآذان والرؤوس وحتى لكل ماتحويه الغرفة

من بهاء وهدوءلا يعرف للادب طريقا ولا للذوق مذاقا

جثه متحركة تخلو من شيم الإنسانية .

تقززت نفسي كثيرا من المنظر بل تقززت نفوس كل الحاضرين

وعندما خرج تنفس الجميع الهواء النقي وتبادلوا كلمات الشجب لذلك الآدمي

وسيبقى الناس هم شهود الله على أرضه كما أخبرنا رسولنا الكريم .

منظر فضيع يرسم صورة آدمي في الحل والترحال وهو حي

وبعد موته بالتأكيد سيموت موتة حمار لن تبكيه عيون

أوتهنز له قلوب خسر كل شيء .

من هذا اليوم اجعل شعارك الأدب أثناء التحدث واخفض صوتك إن

أنكر الأصوات لصوت الحمير .

فوالله أن جمال وروعة الإنسان بحسن الخلق وفوزه بالقرب من رسول

الله يوم القيامة وفي المقابل قبح الإنسان وبعده عن رسول الله يوم القيامة

فيمن قال عنهم الرسول صلوات الله وسلامه عليه " أبغض الناس إلى الله

يوم القيامة الألد الخصبم .

شكرا لمروركم على مقالي .

[ماهي من البشر]

مقال اكثر من رائع الكثير من شريحة الرجال الحٌمقاء هم من بحاجته ,
كل العلل لها دواء إلا الحماقة أعيت من يداويها

الاخطبوط حللنا وانت بحل

[الاخطبوط المرقط]

اقتباس:  المشاركة الأصلية كتبت بواسطة ماهي من البشر     مقال اكثر من رائع الكثير من شريحة الرجال الحٌمقاء هم من بحاجته , كل العلل لها دواء إلا الحماقة أعيت من يداويها الاخطبوط حللنا وانت بحل

والله العظيم يانا تغيرت مسيرة حياتي كنت أعصب شوي ولكن بعد شوفة

ذاك الآدمي وتقزز الجالسين من لسانه

مااحب اصير مثله مااحب اصير مثله يووووووه ياشكله

أبي اعيش وأكره طولة اللسااااااااااااااااااااااااااااااااااااااااااان

شكرا وتراك محلله لكن مااذكر اخطيت عليك ولا انت .

[قـتـالـه]

فيه سلاطة لسان احبها
يصير راعيها داخل مزاجي وبنفس الوقت مايغلط باللي قداموه
وتكون سلاطه على حق وسنع
اما سلاطة القراوه اتفشل لراعيها
هذيك اللي فيها اهانات للناس والمكان وكلمات قذره !
وصاحبها (دثره ) مستهلك التقاسيم تقول نازل من تريله
ذكرتني بحرمه وحنا ماسكات سرا قدام كونتر مآ ..
استنزلت بالهواش عليهم وكوفنتهم بأسلوب اقرب مالها طقاقه منطوله طبولها
ومو بس شرها على الكونتر واللي فيه ..
القصف طال الحريمات اللي بالصف اللي قدام << اشوى اني بالكراسي اللي ورا اخذتن لي غطه لين ينادوني

[مشقاص]

الأخطبوط

من اجمل ما قرأت وماسطرته حروفك .

موضوع رائع تكشف قيح بعض تصرفات الرجال

في مجتمعنا سلطي اللسان .. .

[الاخطبوط المرقط]

اقتباس:  المشاركة الأصلية كتبت بواسطة قـتـالـه     فيه سلاطة لسان احبها يصير راعيها داخل مزاجي وبنفس الوقت مايغلط باللي قداموه وتكون سلاطه على حق وسنع اما سلاطة القراوه اتفشل لراعيها هذيك اللي فيها اهانات للناس والمكان وكلمات قذره ! وصاحبها (دثره ) مستهلك التقاسيم تقول نازل من تريله ذكرتني بحرمه وحنا ماسكات سرا قدام كونتر مآ .. استنزلت بالهواش عليهم وكوفنتهم بأسلوب اقرب مالها طقاقه منطوله طبولها ومو بس شرها على الكونتر واللي فيه .. القصف طال الحريمات اللي بالصف اللي قدام << اشوى اني بالكراسي اللي ورا اخذتن لي غطه لين ينادوني

القوة ياقتالة ماقلنا شي ء بس مثل ماقلتي بادب وابتسامة وذوق وخفض صوت

وتسامح ولين واحترام وكل شيء يطلع حلووووووو مثل هذا الطير اللي

حاطته نسيت اسمه !!!!

الله يعافيك قدمت لنا عزف منفرد جميل على طريقتك المعهودة.

[الاخطبوط المرقط]

اقتباس:  المشاركة الأصلية كتبت بواسطة مشقاص     الأخطبوط من اجمل ما قرأت وماسطرته حروفك . موضوع رائع تكشف قيح بعض تصرفات الرجال في مجتمعنا سلطي اللسان .. .

الله يعافيك أخوي

[زين نجد]

الأخطبوط..

اللسان هو سبب كل المشاكل..

ولو لم يكن منه إلا تحذير الرسول صلى الله عليه وسلم منه فقد قال لمعاذ بن جبل : " أمسك عليك هذا.!".

والصحابة والتابعين والعلماء وأصحاب العقول يعلمون مدى خطره عليهم.

والكلمة أنت تملكها فإن خرجت منك ملكتك..

عموماً هناك مقال اليوم كنت أكتب فيه عن هذا الداء سوف أطرحة في هاليومين.

تقبل إضافتي،،،

موضوعك جداً قيم لأنه يناقش سلبية كبيرة في مجتمعنا.

ودي لك،،،

[الاخطبوط المرقط]

اقتباس:  المشاركة الأصلية كتبت بواسطة زين نجد     الأخطبوط.. اللسان هو سبب كل المشاكل.. ولو لم يكن منه إلا تحذير الرسول صلى الله عليه وسلم منه فقد قال لمعاذ بن جبل : " أمسك عليك هذا.!". والصحابة والتابعين والعلماء وأصحاب العقول يعلمون مدى خطره عليهم. والكلمة أنت تملكها فإن خرجت منك ملكتك.. عموماً هناك مقال اليوم كنت أكتب فيه عن هذا الداء سوف أطرحة في هاليومين. تقبل إضافتي،،، موضوعك جداً قيم لأنه يناقش سلبية كبيرة في مجتمعنا. ودي لك،،،

اليوم أكلم ولد أخوي أقول له خلصت شغلك بالبلدية عاد يقول لا لكن
بروح هالحين ألعن خامسهم لعن !!

رديت عليه وقلت لاااااااااااااااا تكفى لا تلعن خامسهم ولا سادسهم
ولا ترفع صوتك على أحدجود أخلاقك وشيمتك واعكس صورة
لابوك انه نجح في تربيتك وتهذيبك .

وش عاد لوحلصت شعلك على سبيل أخلاقك ويمكن ماتخلصه !!!!!!

لا تصير مثل اللي شفت يااااااااهو كريه شكلا ومضمونا .

مشكور زين نجد وفي انتظار مقالك ودائما مقالاتك مكتملة الخطوط .

[كــفـايــة]

اترك عنك الهياااط ولاتتعود تصير طيب بزيادة والله ان يطقون البزران وراك التنك


قال بترك طولة اللسان


الحين حنا يالله طولناه بعد سنين وتبنا نهوّن

[دِيم]

,
,


عادي يمدي الواحد يصير ذوق .. وراقي ويأخذ حقه كامل ..
لا .. ويمكن يسبك .. ويشرشحك وأنت تضحك وتلعب ..
,

أرحمه طويل اللسان سيتحدث بما يُنقص قدره ..

[أبو الريش]

مـــــــــــــــــالومه

وكلنا نكرهـ ونرفض هالتصرف لكن ناس يستنزفون مابداخلك ويخالفون أمور حقوقيه لك وهذا مايستدعي فعل ذلك

هذا شكله مهبلين فيه ومطلعين براسه أثله وأهنّيه على هالتصرف

لأنه في قاعده تقول : أنطح الصياح بالصياح تسلم أو بعبارهـ أخرى تاخذ حقك

الأخلاق نطبقها داخل المســجد ومع من يحسنون التصرف أما أنه يوكل حقي أو يصرفن أحد بشغله أو أحد ياخذ مكاني وأنا أحق فيه مــا أكون أحمق أكون أرعن حتى آخذ ما أريد فهم يريدون ذلك


تربينا على نشأة دينيه تربويه أخلاقيه , حتى أننا أنصدمنا بما لايعرفون الإنسانيه وأجبرونا على مبادلتهم بالمثل

[نجداوي]

مو سلاطه بمعناها الحقيقي

مجرد اعتلاء وتيره الحنجره ومحاوله فرض امر بالنفس فقط

مثل الشريطي يصرخ ويصرخ

صحيح رزق لاكن تحصل جميع اموره متادخله بالصراخ

وبالاخير لايملك من الثقافه نقطه .

وان انكر الاصوات لاصوت الحمير

حروف جميله اخطبوط كالعاده

شكرآ لك .

[نـور]

طويل اللسان لو كانت على حق اصبح هو المخطئ بسبب طوله لسانه والفاظه البذيئه

[الاخطبوط المرقط]

اقتباس:  المشاركة الأصلية كتبت بواسطة كــفـايــة     اترك عنك الهياااط ولاتتعود تصير طيب بزيادة والله ان يطقون البزران وراك التنك قال بترك طولة اللسان الحين حنا يالله طولناه بعد سنين وتبنا نهوّن

غريب كلامك ياكفايه!!

لا يعني من كون الشخص على خلق رفيع
أن يطقه البزران و وتاكل عشاه الفيران ..

بالصوت الهادئ واحترام المكان اتواصل ويكفيني سمو نفسي

امام الله والناس أجمع .



أنا كنت مثلك أقول طويل اللسان ماياكله الخنفسان
لكن لما شفت بعيني كوش جلدي وياحياة الفلس حياتهم .

فلا والله مافي العيش خير .. ولا الدنيا اذا ذهب الحياء

وطبعا سليط أوطويل اللسان مفارقه الادب من ساسه لراسه .

يكفيك انه منبوذ على ألسنة الناس ووسط قلوبهم .

تبي نصيحتي لك وللزمن فوق الأرض وتحت الأرض تخل عن طولة اللسان .