علم النفس والتخلف ,,,

[اذكر الله ياخفوقي]

[بسم الله الرحمن الرحيم ]

اولآ ارحب بالجميع من الأخوة والأخوات في منتدانا الغالي وأزف لكم التهاني والتبريكات بمناسبة عيد الاضحى المبارك ..

أعاده الله عليناوعليكم ونحن في صحة وعافية ..



حبيت اطرح مووضووع بعنوان "علم النفس والتخلف .."

بصراحه كثير اسمع من مجتمعنا يقوولوون ان علماء النفس مجنوونون او متخلفون
السبب ..!!

لان اكثر اللي ينتحروون من علماء النفس ..
طيب حلو هذا الكلام

بس للاسف ماهم مسلمين على اي اساس قلت متخلفين ان صح التعبير .. هم اهملوا جانب الدين ..

وتطرقوا للجوانب اخرى مثل.<الجانب الاجتماعي .و ..و .آلخ..
وحدة من اقاربي تقول (( انا يوم خلصت الثانوويه قررت ادخل علم نفس بس انصدمت من ردت اهلي من
رفضهم لهذا التخصص ..

حاولت اقناعهم قالوا<<كل اللي يدرسون بهذا التخصص متخلفيييين .
.
طيب الاسباب لم اجد اي سبب مقنع حتى اترك التخصص

بعد عناء طووووويل انا والاهل وآخيرا اقبلوا ..هالقسم
مع انه ابووي ماهو مقتنع كليا ..

المهم النقااش ..هو

هل تعبرون علم النفس متخلف ..وليش ..

اللي يقول نعم / ابغى السبب ....؟؟

واللي يقول لا/ابغى بعد سبب....؟؟

اتمنى منكم التفاعل ..
ولكم كل الود والتقدير..!!

[قلب صدام]

مساء الخير

انا لست مثقف ولا اديب ولاكن الايام جديره بالتعليم

علم النفس اعتبره افضل العلوم لاننا نحتاجه في

حياتنا اليوميه ومن ناحيه العمل مستقبل ممتاز

بس نصيحه لكل من دخل هذا القسم لا يتعمق

بهذا العلم بحد الافراط

تحياتي

[اذكر الله ياخفوقي]

اقتباس:  المشاركة الأصلية كتبت بواسطة قلب صدام     مساء الخير انا لست مثقف ولا اديب ولاكن الايام جديره بالتعليم علم النفس اعتبره افضل العلوم لاننا نحتاجه في حياتنا اليوميه ومن ناحيه العمل مستقبل ممتاز بس نصيحه لكل من دخل هذا القسم لا يتعمق بهذا العلم بحد الافراط تحياتي

شاكرة لك مرووورك وتفاعلك ..
وصادق بكلامك ماشاء الله بس ممكن توضح ليش اللي يدرسه مايتعمق به اكثر >> يعني قصدك ان اللي يتعمق هو اللي يصير متخلف والا كيـــــف ؛ ؛

[قلب صدام]

عزيزتي التعمق في هذا المجال له تأثير على النفس

وليس كل من تعمق تأثر وارى انه مفيد حتى في تربيه

الاطفال وجهه نظر فقط

عمومآ الغلو في كل شي مصيبه حتى في الحب

[هلاوين]

لا لا تدخلينه تصيرين مهبوووووووووووله وتكسرين القزاز هههه امزح

صراحه والله ما اعرف شي عن القسم

لكن ابقول قصة واحد من الشباب وانت على ضوئها احكمي

شاب تخرج من قسم علم النفس بتقدير ممتاز وعين مدرس لايستطيع غير تدريس صف اول ابتدائي .

(لايستطيع مواجه الطلاب حتى لو في صف رابع )


ربما يكون هذا فريد من نوعه او اسباب القسم ما ادري

[أحلى ابضايه]

[align=right]يقولون التعمق فيه يسبب هلوسات
مع اني اشوف الاستشاريين اللي يجون بالتلفزيون ماهنا حلليلهم وملحهم
مادري ليش هالانطباع
تساؤلك رهيب وننتظر معك بيان الاسباب [/align]

[Miss Tala]

الحمدلله والشكر عمر العلم يصير ضرر على الانسان بس وين الحريصين ...

[| ~ ســمــو ~ |]

ياعزيزتي .. انا لست مع او ضد لانها هبات وقدرات من الله ..
لكن اتذكر دكتورتنا بالجامعه حقت علم النفس كانت مخفه الله يشفيها ..

[قـتـالـه]

ماعليتس منهم بس !
درعمي ودربتس خضر ..
وياما من المهابيل واللي يطق وراهم بتنكه وهذاهم فاتحين بيوت وجابوا عيال
ويقطون بالاستراحات وسالين مع الناس ..
ويازين الهبال هاليومين زيناااه راعيه يقول اللي يبي ولا يشره عليه
ابد وانا اختتس أرجهني وانقضي على مذكرات فرويد وربعه ..
واذا فتحتي عياده سويلي خصم ياحيي

[انتظرتك]

لي رفيق يشتغل بديوان الخدمة
يقول نعرف اللي متخصصين بعلم النفس
من اول مايدخل مع الباب إذا جو يقدمون
قلت شلون ...
قال تلقاه دلخ ونفسيه وماعندك أحد ...

[нεŁм-αинđм]

**

المشكله بالمجتمع اللي آخذ فكره سيئه عن مجآل علم النفس


انا اشوفه تخصص حلو بس الوآحد مآيتعمق كثير


وفيه مستشآريين بـ علم النفس كثير نشوفهم بالتلفزيون مآشفنآهم مخفه

بالعكس اللي يقول عنهم مخفه يبي له علآج -_-


وعلم النفس مثله مثل اي علم !


وتلقين كثير عندهم مشآكل نفسيه ومآيروحوون لدكتور نفساني كله عشآن نظرة النآس لهم

وآن رآحوآ رآحوآ بالخش والدس

وكل هذآ من نظره المجتمع التفكير الخطأ اللي آخذينه عن علم النفس !!!!

[التنين الصيني]

لا تمشي عكس التيار.... تراه متعب

[عزازيل]

هنالك فرق مابين دراسة علم النفس كتخصص نظري قائم على الأبحاث و النظريات ، و دراسة الطب النفسي ، فالذين يباشرون علاج الأمراض النفسية و لديهم عيادات خاصة هم من الاطباء و بطبيعة الحال يدرس الدارس منهم ست سنوات الطب البشري المعتادة ثم بعد اتمامها كاملة يتخصص في الطب النفسي ، أما علوم النفس التي تدرس بالجامعات وعلى امتداد 5 سنوات فهي تخرج معلمين لمادة علم النفس و كذلك استشاريين تربوين أو أكاديميين ، عموماً التخصص جميل ولا غبار عليه و هو من العلوم التي تؤثر فعلاً بشخصية الانسان ولابد من التحكم الجيد بها و بالتوفيق لك ياصغيرتي

[انتظرتك]

اسألوا عن المختصين بعلم النفس
امثال الدكتور الحبيب وغيرهم
اسألوا عن شخصياتهم وعن وحياتهم الواقعية ...
هل هي مثالية أم أنها عكس ذلك ,,

[روفه]

[align=center]علم النفس علم جميل
ويشدني كثيرا

لكن يحتاج لشخص قوي وثابت

خلال دراستي للطب
مررت بالطب النفسي الذي لم يتجاوز الشهرين

ولا اخفيك انه اثر علي كثيرا
ولكن هناك فرق بين علم النفس والطب النفسي


ماخاب من استخار[/align]