مالذي يحدث في مدينة الملك عبد الله !!
اين الادارة؟
كل هذا تعصب مع نادي الرائد يالسناني؟!
قبل قليل ذهبت الى الملعب ومعي ثلاثة اطفال زعماء ــ عيال اخواني ــ
وللاسف اني قصيت لهم درجة اولى من امس علشان الزحمة وقبل امشى للمبارة خاواني واحد من الربع ...ولو تشوفون فرحة الصغار شلون كانت ...
المهم وصلنا للملعب ..وقص رفيقي تذكرة درجة اولى ولاحظو ان تذاكر الدرجة الاولى مازالت تباع !!
وصلنا قبل المبارة الى بوابات الدرجة الاولى قبل المبارة بساعتين تقريبا وكانت المفاجأة البوابة مغلقة !
ياجماعة الخيريالطيب يالحبيب معنا تذاكر قالوا ان الدرجة الاولى فل !!
شلون طيب !!..والحل؟ قالوا اذهبوا الى مدرجات الرائد قلنا ماعليش اهم شي الواحد يشوف من مكان صح ...وفعلا رحنا لمدرجات الرائد ونفس الشي البوابات مقفلة!!
بعد اخذ وعطاء مع العسكر وترجا فلان وعلان ومافيه فايدة!
اخر شي قالوا لنا روحو للدرجة الثانية !!
طيب وفرق الفلوس! قالو اطلب العوض من الله!...
مشينا للدرجة الثانية ونحن مغبونين ومظلومين وكارهين لكن مالبيد حيلة حكم القوي على الضعيف حسبي الله على اللى كان السبب ..ووخر يفلان ووخر يعلان ولو سمحت يالحبيب ابمر الخ ..ويوم وصلنا بعد تعب وجهد وجدنا المفاجأة!!
ان مدرجات الرائد درجة اولى فاضية!!
من امر بتقفيل الدرجة الاولى قبل ان تمتلئ ؟
طيب يوم امتلأت الدرجة الاولى ليه ماوقفتوا بيع تذاكرهن بالكشكات؟
معروف ان الدرجة الاولى تتسع ل7000 مشجع ليه طابعين اكثر من العدد؟!
وش يحلل لكم هالفلوس اللى اخذتموهن ظلما وعدوانا مني ومن غيري؟!
انا دفعت فلوس ابغا استمتع ليه ماتعطوني حقي يا ادارة الملعب؟!
بعد رؤية الدرجة الاولى والاماكن الفاضية بمدرجات الرائد عرفت السبب من تقفيل الابواب!
بالعربي الفصيح يبون جماهير الرائد يروحون للدرجة الثانية علشان يكثرون جماهيرهم امام الكاميرا والنقل التلفزيوني..
وكل هالشي علشان اثبات جماهيرة الرائد المزعومة !
وبالنسبة للتذاكر اللى اعتقد لو بتروح للملعب الان بعد ماقفل بتلاقي تذاكر الدرجة الاولى تباع علشان نسدد ديون نادي الرائد مثلا؟
اقسم بالله شي يقهر
يادارة الملعب وكل مسئول عن اللى حصل اتقوا الله واعطوا كل ذي حق حقه
اما عني انا فالله لايبيح من اخذ فلوسي ظلما
العرض الشجري