السلام عليكم كيفكم ياعضاء الاستراحه صباكم بخير انشالله
الصراحه ازين ماباالانترنت وقوقل (استراحة المنتدى) المهم مالكم بالطويله موضوعي اليوم شيق وصريح وابي ردودكم وأرأكم عليه بصراحه وخاصة الشباب ولا نستغني من أرأ اخواتنا موضوعي......
((هل قيام الرجل ببعض الأعمال المنزليه مع اهله سواء امه او زوجته او اخواته يعتبر عيب؟
للأسف ان هذا المفهوم يوجد عند بعض من الناس ويعتبرون قيام الرجل بالاعمال المنزليه عيب ويعتبرون من العادات والتقاليد ان لايقوم الرجل باي عمل من اعمال المنزل وأن اعمال المنزل خاصه بالمرأه فقط ويعتبرون ذلك قلة في المرجله(صحيح ان اعمال المنزل خاصه بالمرأه لاكن لايمنع ذلك من مساعدة الرجل لأهله)
لاكن انا ارد عليهم وأقول لهم إنا لنا برسول الله أسوة حسنه فقد كان عليه والسلام في خدمة اهله وقد قال صلى الله عليه وسلم(خيركم خيركم لأهله وأنا خيركم لأهلي) عليه الصلاة والسلام))ومساعدة الرجل لأهله يعتبر من المعروف وفي الآيه الكريمه(الأقربون أولى بالمعروف)فليس اقرب للرجل من اهله احد..... انتهى موضوعي
بالنسبه لي انا ابوي معودن انا واخوي اللي اصغر من بمساعدة اهلي فمثل بعض الاحيان انا اللي انتسب الغدا او العشاء واقلط مع اهلى اذا حطوا الغداء او العشاء واشيل المواعين اذا خلصنا وبالنسبه لتغسيل الحوش امي الله يحفظه ماتغسل الحوش الا هي مناديتن تقولي يالله خلنا نغسل الحوش(بس للأسف اني توظفت خارج القصيم ومازال حوشنا وسخ)امزح عليكم ابوي واخوي مايقصرون بس الوالده افقتدن الله يخليه لي وكل شي يوهون عندي الا التسبيع الله يعين البنات عليه ولا تنسوا ان مساعدة الاهل يقوي العلاقه الاسريه ويزيد المحبه بين الاسره خاصه بين الرجل وزوجته.
سؤالي للشباب:هل سبق وان ساعدت اهلك بالبيت وماهي نظريتك عن المساعده؟
سؤالي للبنات:هل قيام الرجل بمساعدة اهله ينقص قيمة الرجل عند المرأه(يعني يطيح من عين المرأه) أو تعتبره امر ايجابي؟
أسف على الأطاله ولاتنسوا ردودكم وأرأكم وشكرآ
العرض الشجري