عندمـا أوافق على الزواج من رجل >{ متزوج }يريدني استمتاع هل أخطأت ؟ "للنقاش"

[سوسآنآ]

سلام الله عليكم أيها الأكارم ..



لا يخفى عليكم أن البيوت تغص من الفتيات والشباب , وقلّ من الشباب الكفء الذي يستحق الموافقة عليه للزواج ..

عندما يتقدم لي رجلاً لديه زوجة وأبناء ذو الثلاثين خريفاً أو بدايات الأربعين وأنا بأوائل العشرين , ولكنه كفء من ناحية المادة , الأخلاق , المسؤولية ...
عندما أوافق عليه " مع الإستخارة " هل أخطأت بالإختيار ؟

هل أعتبر ظالمة لزوجته الأولى ويلحقني دعوة منها !!
هل لي إثم ؟

مع العلم أنه خيرني بأن يطلقها , فقال إن جعلتها على ذمتي فهذا من أجل أبنائي " فقط فقط " , أما هوَ فليس بمشاعره ذرة لها ..

وكذلك هو يبحث عن الإستقرار والألفه والمحبه والإستمتاع , أما الأبناء فلا يفكر بالإنجاب مني الآن ..

أرجو من كل شخص يقرأ موضوعي يضع رأيه , مع الدعوات ..

[شمعة امل]

اقتباس: وكذلك هو يبحث عن الإستقرار والألفه والمحبه والإستمتاع , أما الأبناء فلا يفكر بالإنجاب مني الآن ..

إذا كنتي ترضين الإهانة لنفسك توكلي على الله وتزوجيه ..
يعني هو قاله لك يبيك بس مجرد لعبة قصدي متعة متى مابغى يستمتع يجي يطق بابك وغيره لاتحلمين أنه يجي وياقف حولك ...
وإذا طلبتي منه شيء يبي يذلك مذله عند هالمتعة ..
وتراه المتعه سنة وسنتين ويقول مليت روحي لأهلك الله يستر علينا وعليك ..

[هلاوين]

اولا اقول الله يوفقك ويختار لك مافيه خير لك .

ثانيا اذا هو كفو ويستاهل توكلي على ربك لاكن لايشترط عدم الانجاب لان من يشترط غالبا مايكون يريها فترة ويطلقها .

ثالثا لايجوز ان يطلق زوجته الاولى بسببك والا الرجل له اربع وليس اثنتين كيف يلحقك اثم .


اتمنى لك التوفيق

[سوسآنآ]

اقتباس:  المشاركة الأصلية كتبت بواسطة شمعة امل     إذا كنتي ترضين الإهانة لنفسك توكلي على الله وتزوجيه .. يعني هو قاله لك يبيك بس مجرد لعبة قصدي متعة متى مابغى يستمتع يجي يطق بابك وغيره لاتحلمين أنه يجي وياقف حولك ... وإذا طلبتي منه شيء يبي يذلك مذله عند هالمتعة .. وتراه المتعه سنة وسنتين ويقول مليت روحي لأهلك الله يستر علينا وعليك ..

عزيزتي ..
لماذا أطلقتِ" لعبة " على أصل الزواج ؟
من حق كلا الطرفين الإستمتاع بالآخر , وربما لم يذق طعم الإستمتاع كما ينبغي مع الأولى ..
لم تفهمي قصد الرجل , ولم يجعل الزواج فقط للمتعه , ولكن أراد الراحه سنوات معي بلا أطفال ولأنني صغيره , هوَ يريد الإستقرار مع أنثى ..

شاكره لك ِ

[سوسآنآ]

اقتباس:  المشاركة الأصلية كتبت بواسطة هلاوين     اولا اقول الله يوفقك ويختار لك مافيه خير لك . ثانيا اذا هو كفو ويستاهل توكلي على ربك لاكن لايشترط عدم الانجاب لان من يشترط غالبا مايكون يريها فترة ويطلقها . ثالثا لايجوز ان يطلق زوجته الاولى بسببك والا الرجل له اربع وليس اثنتين كيف يلحقك اثم . اتمنى لك التوفيق

الله يعطيك العافيه على دعواتك ..

ولكن لم يشترط عدم الإنجاب المطلق , فقط قال بالسنوات الأولى ..
والله أعلم بالنيات ..

شكراً لك

[دموعي قريبه]

والله اناا من رايي
امممممممم
يبي يجيك احسن منه بس الصبر زين !!!
ليش الصبر؟؟؟؟؟؟؟؟؟؟؟؟
انتي تووك اللي كبرك مايفكرو بالزوااج كللش
ولا يطري عليهم لذلك الحياااه قدااامك وبتعيشين ان شاالله وبتذكرين كلامي
والله لو انتي مطلقه موووب ارمله كاان قلت واافقي وانتي مغمضه لاصار اخلاق طبعااا
لكن انتي بنت والبنت نبي له ولد موووب فضالة احد
بالعربي(((يعني رجل عقب مره فهمتي )))ارجو انك تراجعي نفسك وتفكرين بكلامي
صح
علشااان بكرااا ماتندمين وتقولين ياليت وذيك الساااعه ((ياليت)) ماتنفع

[نبض قلب]

الله يستخيرلك الخيره المباركه

[سوسآنآ]

اقتباس:  المشاركة الأصلية كتبت بواسطة دموعي قريبه     والله اناا من رايي امممممممم يبي يجيك احسن منه بس الصبر زين !!! ليش الصبر؟؟؟؟؟؟؟؟؟؟؟؟ انتي تووك اللي كبرك مايفكرو بالزوااج كللش ولا يطري عليهم لذلك الحياااه قدااامك وبتعيشين ان شاالله وبتذكرين كلامي والله لو انتي مطلقه موووب ارمله كاان قلت واافقي وانتي مغمضه لاصار اخلاق طبعااا لكن انتي بنت والبنت نبي له ولد موووب فضالة احد بالعربي(((يعني رجل عقب مره فهمتي )))ارجو انك تراجعي نفسك وتفكرين بكلامي صح علشااان بكرااا ماتندمين وتقولين ياليت وذيك الساااعه ((ياليت)) ماتنفع

عزيزتي مو سالفة صبر .. السالفة أنا أكره الشباب ما احبهم

كثير يجيني شباب لكن ما أثق فيهم اكررررهم

ميولي للكبار واعجبني هذا الشخص من كل النواحي ..

خايفه ارفضه ومايجيني كبير , وهو جاي وعارف برغبتي ..

سالفة فضالة والشغلات هذي ماتهمني دامه مرضيني عاللي احتاجه وابغاه ..

شاكره لك مرورك

[بنت منيره]

اسمعي هو قايل له ابعرس ابي عيال>>هذي حججهم

وقايل لك انه عايفه ولا فيه ترابط بينهم كل الرجال تسذا

بس القهر مايبي عيال منتس لو لفتره خير ان شاءالله >>بصراحه بالنقطه ذي فيها انانيه منه

الله يوفقك ويسر امرك واستخيري >>واهم شئ ترزق الله وجيبي لك عيال لا يهك عليك مهوب نافعك اذا جاتس شئ

[سوسآنآ]

اقتباس:  المشاركة الأصلية كتبت بواسطة نبض قلب     الله يستخيرلك الخيره المباركه

آآمين شكراً لك ..

[سوسآنآ]

اقتباس:  المشاركة الأصلية كتبت بواسطة بنت منيره     اسمعي هو قايل له ابعرس ابي عيال>>هذي حججهم وقايل لك انه عايفه ولا فيه ترابط بينهم كل الرجال تسذا بس القهر مايبي عيال منتس لو لفتره خير ان شاءالله >>بصراحه بالنقطه ذي فيها انانيه منه الله يوفقك ويسر امرك واستخيري >>واهم شئ ترزق الله وجيبي لك عيال لا يهك عليك مهوب نافعك اذا جاتس شئ

أولاً وش الخلطه عشان اصير عضوهـ ذهبيه ( فيس مستحي )

ثانياً كيف يقول ابغى عيال وهو عنده منها ؟؟
أما مايبغى مني فتره يبغى يستقر يرتاح نستمتع سوياً ..

الرجال مش مستقر مع زوجته ولما سألنا عنهم طلعت اغلب الوقت تزعل وتروح عند اهلها .

هو يبغى انثى تعيش معه تآكل تشرب تنام ...... يبغى يستقر ..

[كــفـايــة]

نظرة النساء للرجل المتزوج نظرة قاصرة

حيث قليل منهن يؤمن بأحقية الرجل بالتعدد وأنها سنة حث عليها الشارع الحكيم للمكاثرة بين الأمم يوم القيامة


والمرأة التي تقبل بزوج له زوجة أخرى أو أخريات لم ترض إلا بخوفها من تأخر زواجها ثم فوات ذلك ولن يأتي زوج إلا بأقل مواصفات من هذا !!

فالحديث هنا عديم فائدة لأن القرار أتخذ أو سيتخذ بليل وبشكل فردي !!

[باسمة]

[align=center]
[glow1=33ff66]أنت ِ أهم شيء تستخيرين أهم شيء وصدقيني إذا كان خير لك الله سبحانه بيسره لك وإذا كان شر لك الله سبحانه بيصدك عنه بس أهم شيء زي ماقلت لك لاتنسين الإستخـــارة
والله يوقفك ويسعدك إن شاء الله [/glow1]
[/align]

[ضدالكسر]

[align=center][/align]

طيب خوذي بالك منه لا يكون بيتزوج حتى يؤدب زوجته ويتحسن طبعه وبعدين بلياك

لأن كثير رجال كذا ويقولونه بعد بالفم المليان أبغاها تتأدب وبالنهاية تكوني انتي الضحية

ترى بعض الرجال مالهم أمان

[هلاوين]

جاي اركض لا يفوت العرس >>ههههههه

اقول بسرعه استخيري وتركي مهايط الناس