..أنا ما أتحمــــل دمــــوعـــه..!!

[فيمتــو]

في ساعة متأخرة من الليل جوالي يرن.. أخذت الجوال بشوف مين..!!
طلع رفيقي الدلخ عدنان (أبوخشم) لقب بذلك لكبر خشمه وكذلك لقوة حاسة الخشم عنده
يعني لو أهله بالشرقية ويطبخون طبخه يدري عنها وهو بالغربية
رديت عليه نعم.. قال اطلع أناعند باب بيتكم..إفتح لي بنام بملحقكم الليلة!!
والله ذي البلشة عادهذا يبيله فراشين له ولخشمه
نزلت بسرعة وفتحت له الملحق..وقلت عسى ماشر..
وش فيك وليه مانمت ببيتك وعند زوجتك..!!
رد علي والعبرة حبست حلقه وبدأ يبكيزوجتي السعلوة قالت لي:
يالله انقلع برااااا ، أطلع ياثور اطلع يا مخيس .. تعال يادرج تعال !!
عطني وجهك طااااااااااااااااااااااااااااااااااااااااااااااااخ بالملاس
والله ماسويت شي !! دايم تضربين ليش أنا انسان لي مشاعر وأحاسيس !
طيب اعتبريني حمار واكسبي فيني أجر عشان تدخلين الجنة ، ولا اعتبريني زيي زي أي مركاة ولا مسند بس ضرب لا لا أنا مش قادر استحمل ترا طفشت والله بس حرام كفاية اللي قاعد يصيرأقوم من النوم أحصل نفسي مربوط بزاوية السرير نعجة طلعت مو برجال واذا مرة رحمتيني كبيتي علي موية وأنا نايم طيب إذا مرة ناوية تكبين شي كبي عصيرعشان يطلع لها طعم إيش ذي الحركة الوصخة ياقليلة الأدب..
كانت هذي بعض من معاناتي اليومية مع حرمتي الجنية بالبيت..يكفي أمس وش صار محاصرتني بالرشاش وأنا تحت السرير وتقول اطلع ياورع نبي نلعب عريس وعروسة ، طيب تبين نلعب؟! نلعب ماهي مشكلة بس بدون تهديد بإسلوب أرقى من كذا تابعي مسلسلات تابعي أفلام رومانسية مو رعب وشوفي كيف يسووون وسوي زيهم أنت وشوشتك
المهم جا هاك اليوم اللي بغت فيه ذا الكائن اللطيف إنها تتعشى بمطعم براا البيت
ولا هي بالعادة تتعشى على جسمي من كثر العض والتمحيط لكن أقول نحتسب الأجر..قلتلها ملزمة ترى هناك فيه مباحث وتبي تجرك على وجهك أخوفها بالمباحث دايما لأن الحرمة ذي على نجاستها عندها أنواع الأسلحة الممنوعة والمحرمة دوليا..
عشان تمارس هوايتها المفضلة في تعذيبي وتهديدي..لكن ماخافت
قلت لها يابنت الحلال أنا مريض وطايح بفراشي زي ماتشوفين حتى المسجد ما أقدر أروح له أصلي بالبيت..خلينا نخليها يوم ثاني لاحقين على المطعم
لكنها أجبرتني بالغصب أني أوديها لمطعم ماسكة علي صور الشريرة
وأنا أشيش وتقول والله لا أنشرها عند جماعتك ياواطي
الحمارة ذي المفروض ترحمني على الأقل تقدير لعقد الزواج اللي بيني وبينها لكنها وزيادة على كذا خذت المسدس وقعدت تطلق بجنبي مستقصدة بنت اللذينا
تبي تخوفني وتجيب لي الهبال مرة وحدة
أنا بذيك اللحظة(الحديث مازال لعدنان) انلحس مندوب مخي مدري أنا اخاف ولا أتألم!!
.. بديت أحس إني فقدت رجولتي مع ذا الحرمة الله لايوفقها قول آمين
أخذ المخدة وجلس يبكي بالزاوية مثل الأطفال وقال الله لايبارك باللحظة اللي تزجت فيها ولحد كذا خلاص كفاية تعبت ..مليت.. أنا لازم أسوي شي لازم أغير من طريقتي
ذي لازم لازم <-- صوت صدى وأنغام موسيقى حزينة
انتهى،، كتبه/فيمتــــو
أملاه/السيد الدلخ عدنان بيك
حرر في حزيران الموافق لثلاث خلت من شوال سنة200 هـ
طبعا القصة هذي وما شابهها موجودة بمجتمعنا لكن من خلف الجدران
وتبقى العديد من التساؤلات هنا..
هل هو ضعف وخور من الزوج أم تسلط من الزوجة..
ولماذا تحدث أمثال ذلك وغيرها ..وهل هناك منتصر وخاسر بين الأزواج
وما هو الحل الذي يمكن لعدنان بيك فعله للخروج من أزمته..؟؟
محبكم دوما / فيمتــــــــــو
يرحب بتواجدكم..وطابت أوقاتكم،،