شفي بمنزال ٍ به الكيف طايب ..

[محمد المعتق]

تحية طيبة و سلاما يليق بكل مرتادي خيمة الوهج ..
الخشية من الانكشاف و الفضح أمامكم تراودني و أن أحاول اعتماد مشاركتي ..
ولكن الرغبة تغزوني لأكون أكثر قربا رغم البون الشاسع ..

أبيات قديمة .. أحببت العودة بها ..

[poem=font=",6,,normal,normal" bkcolor="transparent" bkimage="http://www.buraydh.com/forum/mwaextraedit2/backgrounds/18.gif" border="double,4," type=2 line=0 align=center use=ex num="0,black""]
شفي بمنزال ٍ به الكيف طايب = في خبة ٍ ما دلها من يعسون
في خبة ٍ مادلها غير شايب = يذكر مداخيله و ربعه يغيرون
ما داسها الفكس آر شين الصلايب = و لا قصها الشاصي مع اللي يغنون
ولا روحت فيها كبار الركايب = و لا دلها ( الطهيمي ) وربعه يرودون
و راع الغنم يقصر عن الخب هايب = واهل النجد عنها كثير ٍ يغفلون
ولا حدد القارمن رفيق العجايب = مكانها لصقور نجد ٍ يهدون
فيها الربيع و فيه نسم الهبايب = وفيها الخزامى و النفل مابها دون
ودي بها مع رفقة ٍ للنوايب = ربعي على روس الاصابع يعدون
هم الظهر ينشد و العظم عايب = وهم السعادة بالحيا ما يبكون
[/poem]

1424 هـ