بشروه اني ابرحل من حياته
بشرووه وفرحوا فيني ذويه
كفنوا جمالي بماضي ذكرياته
ادفنوني فالمكان اللي يبيه
اطلبوا منه اذا خلص صلاته
فوق لحدي يحمله براحه يديه
ولي وصل قبري وحقق له مناته
يدفن انسانه تحبه تموت فيه
علموه اني وربي من غلاته
اعشق تراب مشت رجله عليه
حلفوه يشد ويقوي ثباته
لاينزل دمع يجرح له عينيه
باكر بيندم ويصحى من سباته
يحتضن قبري ويبكي يرتجيه
يعتذر عن جرحه وظالم سواته
معترف بالذنب لكن بعد ايه
مايفيد الصوت دام الفوت فاته
من خذاه الموت وش له يحتريه
الزمن غادر وتطحنا رحاته
ماصفا حاله على الدايم جذيه
يستوي ويقووم ويلملم شتاته
. يبقى شامخ جلد صبار ونزيه
اطلبوه ي وحده من بناته
با وطيفي مع بنته يجيه
طمنوه اني مسامحته لذاته
بشرووه ...الله يرضالي عليه
وادفنووه بجنبي ان حانت وفاته
جنب انسانه وربي تموت فيه
بشــــروهــ إني ابرحل من حيــاته ....
العرض الشجري