عزيزتي (ميرنـــا) أين أنتي..؟؟

[مجنونة المجانين]

ما أقسى أن يمرعلى الإنسان لحظات وداع....لشخص عزيز على قلبه..

يغادر دنياه....ويتسلل من بين يديه زي مايتسلل الفار من البس...

منذ مبطي ...وانا صعنبوطه فتحت عيوني ولقيتس ياميرنا...

وأنا أراك تحومين بين حجرات بيت جدتي العتيق...بلا كللٍ أو ملل..

فــ ـــاجة كشرتس الجميله....

استقيظ كل صباح على ثغاء الخرفان....مااااااء ماااااااء ميووووو..

وأنتِ تجرين خلفها لتحصلي على بضع قطرات من حليبها الطبيعي>>>مهب الصناعي..

مازلت أذكر كيف كنت أسير وإياك معاً...على ذاك الحشيش المرطب بقطرات الندى....

بعدها أضطجع أنا تحت نخلة السكري وليس البرحي....الاعب دميتي التي صنعتها لي من سروال خط البلده حق جدتي..

اراقبك وأنتِ منهمكه في حصاد العلف لتسدي جوع الغنمات....

حينما يداعب طيفك ذهني...أتذكر كيف كنا في ايام رمضان المبارك...

اراقب لقيماتك الشهيه...وأنتِ تضعينها في الزيت...

تفرقع وتقول:تش تش...

ولا الفنتو حقس اللي اشربه مرة وحده من طعمه اللي يهبل>>>لحد الجنون طبعاً

آآآآخ بس...عندما تتقاذفني الذكريات معك...أُسارع الخُطى نحو ورقتي وقلمي لأدون بقايا ذكراك....

لكن ألا تعلمين عزيزتي أن قلمي يجف بسرعه حينما أدون ولو جزء بسيط من ذكرياتي معك>>....معذور بنص ريال..

ميرنا....لقد ذقت طعم فراقك..

بعد ما جائتنا(رحيمه)>>الشغاله الجديده اللي هي اسم على غير مسمى...

ذقنا طعم المعاناة والالآم الشديده والقاسيه التي لاتتحملها القلوب المرهفه....والمشاعر الفياضه....

تحولت حياتنا إلى جحيم...نعم جحيم...

من تكسير المواعين....وتصبيخ الدواليب...لدرجةاننا شكينا ان صدام ببيتنا يقصف فوق روسنا....

ميرنا....وين هو به أنتي...

جدتي فقدت طعم مرقوقس ومطازيزس اللي يهبل...

كتبت أسطري هذه....لأنني أبصم بالعشرة انس ماراح تقرينها....

الا اذا تذكرين شوي من الهرج القصيمي اللي تعلمتيه عندنا...

الله يخليس ارجعي لنا....:3:

حفيده ماما اللي اشتغلتي عنده

مجننتهم....مجنونة المجانين...

[فريـــد]

مجنونـــــــة ..

مشاركة رائعة تنم عن وفاء منقطع النظير ل ميرنا ..

بس القصة فيها اقتباس في :

اقتباس: وأنتِ تجرين خلفها لتحصلي على بضع قطرات من حليبها الطبيعي

من قصة هـايــــــدي

--------------
وش تقول اللقيمات اذا وضعتها ميرنا بالزيت ؟

تقول :

اقتباس: تفرقع وتقول:تش تش...

------------
ذكرتينا ببقرة جيراننا امنول .. ( صاجتنا ) ماغير تثغي الصبح وتال النهار ..

[عصي الدمع]

مجنونة رائع قلمك ( أبو نص ريال ) لا لا أمزح معك أقصد قصتك والله رائعة جدا ، وأسلوب مرح كعادتها مجنونة المجانين العاقلة .

أتحفينا بالمزيد .

[الداحوس العمى]

السلام عليكم :1:

اها اها:3:
<<<<<<<<<متأثرآآآآآآآآآآآه ياميرنا وسالي وركينا اييييييه دنيا

لا وتلقينها آخر الوقت توجب وتعزم وتحب وتكره حسب رغبة العجيز

لاكن ماقول الا الله يخلف علي اهلنا عجزين يزودونها {اللي تبي} بس مايتركوننا

نحس هاالاحساس :3: الرهيب:4: وفقدان الصدر الحنون اللللللللللللله يخلف

[مجنونة المجانين]

بالخيرات تقهو...صدز انك استاد....
بس اخبر ان اللي يلحق الغنمات بيتر....
ياهملالــــــي ذكرتن بأيـــام الطفوله...



عصا الدمع : الف شكر لك على الاطراء اتحفنا بالمزيـــد



اللا مير يالله حسن الخاتمه ذكرتني بالعجيّز....يالداحوس....
واللا الصدر الحنون...وانا اشهد...نفقدها مرتن مره------->>>؟لان كل الشغل علينا خخخخخخخ اذا راحت

[ماجد الأول]

قصة حلوة وبإسلوب ظريف ولغة تلقائية . . لكن يا ترى لو طلبت منك كتابتها بأسلوب أدبي راقي، هل تستطيعين ؟

ما لاحظته بين السطور يقول إنك تستطيعين . . هل أراها في منتدى القصة والشعر قريبا ؟

[أمل الحب]

مجنونة

القصة روعة

وتسلمين لميرنا

[مجنونة المجانين]

ماجد...اقدر....بس انا ماحب الادب كثير....تتفاعل معهم ولا فيه فايده....

============

حياتي اموله...انتي الاروع...

تسلمين عنوني...ودمتي
مجننتهم:مجنونه المجانين..

[زائرة من الخارج]

مجنونه ..
ماهذا الوفاء ..!!

بصراحه موضوع ممتع للغااااااااية ..


تمنياتي لك بالتوفيق ..

[بنوته بريداويه]

مجنونة وفية
مبدعة ادبية
محبوبة علية
مع همسة حنية
شكرا يا جنية

هاه عاد وش رايتس بها الشعر الرهيب طـــــبــــعاً (وحدة واثقة)

علشانكن احنا ألفنا لكن

[مجنونة المجانين]

سلمتي اختي زائره من الخارج...

وتقبلي وافر هبالي...

========

بنوته بنوته سملت اناملك ...وما سطرت عزيزتي...

وينس يالدبه من زمان كل هالمواهب وتخفينها عننا هين اوريس...اتحدى خلف بن هذال يجاري شعرس اللي كتبتيه..

مجننتهم..
مجنونه المجانين..

[النادره]

ياما وياما راحت من عندنا من (ميرنات)اكن الشكوى لله لكن يااخت مجنونه المجانين ترى ميرنا راح تغير رموز الرساله وراح يكون عنوانها(ازيزتي مجنونة المجانين يوم كنت مدام انا)وتنرسل لك الرساله لانك اكيد عارفه ان الدنيا دواره تدرين متى؟؟؟؟؟































































اذا رحت انت وصارت ميرنا مدام انت لان هذا اللي راح يصير لكن من الحين تعاقدي مع مكتب استقدام وخليك حليله مع اي شغاله تجيكم وتعلني وشلون تسوين الاندومي والرز الابيض تحياتي

[ابوعمرالبريداوي]

مقال جدا رائع مشكوره اخت مجنونه والى الامم ام هذي الى قلتى فيها

الدميه المصنوعه من سروال خط البلده فهي جنان وهي قصة في غاية
التالق والا بداع