طلــــــقوها مـــــــنه لانه تنـــــاول (الشيــشة) امامـــــها ...!!!

[..همسة عتآآب..]

السلام عليكم ورحمة الله وبركاته..

صبحكم الله بالخير والسعاده..

هذا موقف حصل بين زوجين في (شهر العسل) في احد الدول العربية تحديدا مصر..

حيث قام الزوج في احد المنتزهات لا اعرف حقيقة هل هي على النيل ام البحر المتوسط عموما منتزه بحري بتناول الشيشه امام زوجته...

فما ان رجع من شهر العسل الا وقد اخبروه اهل الزوجه بانهم يريدون تطليقها منه والسبب اعلاه...

حقيقة انا والاخوان في الدوام معي وفي الاستراحة كذلك ليس لكون بعضنا مشيشين ومدخنين ولكن طبيعي يحصل عند الزوج والزوجة بعض الخصوصيات ويجب على الزوج او الزوجة ليس الاعتراض والممانعه بل النصح والتذكير اتفقنا على ان اهل الزوجة وانا كان للزوجة يد في الموضوع انهم (ناس متخلفين)..

وايضا كوني شاب لن اعرف كثيرا عن اراء الاخوات في هذا الموضوع الا اني اعرف القليل من ارائهن يعني تعرفون اخوات وعمات وخالات..

وهل ستفعلين مثلها او على الاقل تخبرين اهلك؟؟

الله يوفقنا وياكم..

[Queen of buraydh]

التدخين امام الزوجة والتشييش اعتبره اهانة لها ..

اذا كانت رضت ان تتزوج مُشيش فـ من باب الإحترام انه يسوي هذي الأشياء بعيداً عنها ..

لكن ان تصل الى قضية الطلاق وفك الرباط الوثيق لمجرد هذا السبب ؟
اعتقد انه سبب تافه !

رباط الزواج أكثر قدسيّة من تلك التفاهات !

[خربشآت نآعمه]

*
*

أف اف طلآق من شآن شيشهـ .؟!

عآد لانصير مثآليين .. زيآده عن اللزومـ ,,

مآبي أدآفع عن التدخين هذآ أمر مفروغ منه بجآنب حكمه الشرعي يجي ضررهـ عالصحه,؟!
بس كثير نآس نعرفهمـ .. يدخنون ويشيشون .. وهم (من زحول الرجآل )
وربوآ عيآلهم أحسن تربيـه .. فمآله دآعي كل الزوبعه يعني نعطي لكل مشكله قدرهآ ..
الطلآق لمآ يكون الرجل مآيصلي وإلا مدمن وعجزت عن اقناعه بالعلاج,,

لكن عني أنآ مآبرفض لأنه مدخن ...!

[الزنون]

وعليكم السلام ورحمة الله وبركاته

ههههههه
اجل طلقوها عشان الشيشة
لا وين وفي مصر
لا اظن ذلك
بل اظن ان من اعد الشيشة ربما تكون هي
الحين عندنا بجده الزوجة هي اللي تظبط الراس
ومصر عندهم اللي مايدخن او ما يعسل هذا شيخ عندهم
وملتزم ويمكن يخلونه يفتي بعد

ادري خرجت انا عن اللي تبي بس حبيت اضيف

تحياتي لك وللجميع

[نيزك]

[align=center]تبي الصراحة ليش يشيش عندهـ ؟!!


لو كانت ما تدري إنه يشيش من الأصل و مادرت إلا الرجال يرعبه بمصر قدامه (الصراحة قوية) و تخوف .[/align]

[الرحـّـال]

طلب الطلاق


علشان يشيش؟

و

إلا علشان شيش امامها ؟



عموماً


كِلاهما لا يستدعي طلب الطلاق !


بعدين

الزوجة التي ترتبط بمدخن او مشيش <كلها واحد

أجزم إنه سيدخن أمامها بيوم من الأيام وربما تناوله بكت الدخان

أوتساعدة في عمل الشيشة

[نواره]

[align=center]المسأله اكبر من شيشه

لو كان داخل قلبها

ماهمتها الشيشه ولأحتوت الموضوع

وحاولت معاه يتركها
وحتى لو ماتركها مستحيل تطلب الطلاق
وعين المحب عن كل عيب كليلة
المرأه عندما تحب الرجل تتغاضى عن عيوبه

لكن عذر صار قدامها واستغلته[/align]

[& جمال الطفوله &]

أجل على كذا

ثلاثة ارباع السعوديات بيطلبون الطلاق


علشان ازواجهم يشيشون ويدخنون !

[فيمتــو]

[align=center]مصري ويدخن وش الغريب في الأمر ؟![/align]

[" TWIX "]

شكل العائلة ذي في كفر المعيز بوسط الصعيد ..!!
يطلقونها على شان رأس شيشة طيب لو كان يتعاطي مخدرات وش يزينون فيه الغفل ذولا...؟؟!!
صعايده متحجرة وداخله بالدين شلف ..!!
مو يقولون دين مصري وين السماحة عندهم...؟!!
طلقوها على شان رأس معسل , طيب ليه ما قالوا له كفّر عن معصيتك ومش حالك الله يغفر الذنوب بتوبة وهم بتر العلاقة
الزوجية دون سابق إنذار والله الجلافة بعد ..
وين الناس اللي حاطين دوبهم دوب طلاق عدم كفاءة النسب ذولااااااا رأأأأأأأأأأأأأس شيشة أغلقوا بيت...!!

[فتاة المستقبل]

الطـــــلاق بيد الزوج ..يعني لا هي ولا أهلها راح يقدرون يطلقونه منهم ..

ومعروف أن المرأة لو بيدها الطلاق لطلقت الزوج ألف مره ..سعما تزعل أو يحصل خلاف بينهم طلقته ..وبعده تتحسف
وأهل المرأه طبيعي يتعاطفون مع بنتهم بالخير والشر ..

فـــــ صاحبك بيده الحل والعقد ..ويقدر يحل المشكله بدون طلاق بالتفاهم خصوصا أنه دافع تكاليف ماليه وبالنهايه يخسر تحويشه العمر على قولتهم

[ـالدوآسر يآزينهم]

[align=left]أولاً متأكد أنه أحد الزملآء وإلآ أنت :d


بعدين طبيعي جداً أني أسوي هيك وأكثر بعد..؛

لآنوه خدعني وجآي يشيش عندي هذآ قليل أدب بصرآحه

مب زود أنه مسوي حرآم وخدعه بآز بنفسه ويشيش قدآم البنت..؟

إسمح لي هذآ يبيله تربيه من جديد.,

ولو أني مكآن البنت كآن أكززززوه لنهر النيل.., كفوه

وبعدين حرآم يجحد هالعيب اللي فيه وشرعاً تُخلع بـ أمر من البنت بِلآ مُقآبل

عشآن هو مخبي فعآيله يوم ضمن بنت المسلمين سوآ سوآته ولآ بعد عيني عينك..!


غريبه والله..,



وبعدين يآنوآره

أي حب أي خربطه هذي فيهآ أخــــــــــــلآق حبيبتي..,

وبعدين شخص يشيش وخآدعني فيه هذآ مستحيل أحبه.,

لآنه مآخدعني وفيه خير بكرآ يكذب علي بشي غيره..

طيب لو أحب زوجي وأكتشف أنه غزلنجي ون هآآه يآ نوآره أتطلق.؟

وإلآ أجلس معه من شآآآآن الحُب المزعوم..!


الله يصلحتس بس تسمعين بالحب أنتي..



الله يهديهم و لآيبلآنآ عآد..




سلآم.؛[/align]

[نـــNAــونا]

انا مع رأي الأخت الدوسريه

يستحيل أن أرضى بمدخن حتى وإن بقيت بدون زواج

ثم لو فرضنا تزوجت مثل هذا دون العلم بأنه مدخن عادي جدا توصل للطلاق

وأكيد بخبر أهلي لأننا من أشد المعارضين للمدخن

أوووف قرف وريحه تحوم الكبد نسأل الله السلامه

هذا بكره كيف بيكونون أطفاله

بتظل المسكينه تربي وهو يخرب أصلا حتى لو بتقول لهم الدخان حرام بيقولون وبابا ليش يدخن

سوري جدا أرى الكثير من الرجال هنا يرون أن التدخين لا يعد عيبا في الرجل

[engel]

أحسن أساء التادب مع الله بخيانته ومجاهرته بالمعصيه فسخر الله من يسيء التأدب معه فيستاهل هذا وأكثر

[عاشق الخير]

الدوسريه

كفيتي ووفيتي ....