[align=center]
كلية التربية الاقسام الادبية كانت محظوظة هالسنة بالمبنى الجديد بحي الاسكان
لكن تخبطات الادارة كانت مزعجة لنا كطالبات بصوووورة اتعبتنا واتعبت اهلينا
فبعد طووول انتظار استملنا جداولنا يوم 26/10 وقسمونا كم شعبة
الغريب انهم كاتبين في الجدول:
آخر موعد لتعديل وحذف المواد يوم الاربعاء 22/10 ... يعني قبل استلام الحداول باربعة ايام..!!!!
طبعا عذر الاداريات ان الجداول جتهم من العمادة. ومالهم صالح بها...!!!
هضمناها .. وقلنا عساه خير..!!!
هالاسبوع وبعد ما استقرت امورنا وعرفنا الي معنا ونظمنا مسالة النقل مع مجموعات
جت الكلية وغيرت الشعب من اول وجديد..!!!
مثلا بنت تطلع بالعادة الساعة 12.20 صارت ماتطلع حول الثنتين..!!!
وارتبكنا في مسالة النقل وتلخبطت مواعيدنا الي كنا مرتبينها معهم
وايضا فقدنا البنات الي تعرفنا عليهن الفترة الماضية...
وليت التعديل كان باضافة احد ... لكنه كان بلخبطة المجموعة كااااااملة
وما احد راضي من الطالبات..
ولا احد عارف وشوله هالتغيير.. وعشان ايش..؟؟؟؟
والمهم معقولة بعد مرور سبعة اسابيع الكلية ماقدرت تنظم الطالبات
رغم ان كلام مدير شؤون الطلاب بالجامعة انهم انتهوا من القبول قبل رمضان ووزعوا الشعب والطلاب بيجيون ويلقون كل شيء جاااهر
صراااحة قمة التخطبات الي احرجتنا مع اهلنا وشركات النقل
وحرمتنا من حوالي شهرين تعرفنا فيها على بنات وتاقلنا معهن
سؤال للعميدة المحترمة.. هل يرضيها هذا الوضع..؟
وهل هذا الامر دليل نجاح وعمل عندها..؟؟
وليش ماراعت مصلحة الطالبات بهالتغييرر
رسالتنا ننقلها لمدير الجامعة الدكتور الحمودي ومدير شؤون الطلاب الصالحي
والدكتور العبدالمنعم انهم يشوفون لنا حل بهالتخبط واللخبطة..!!!!!!![/align]
شكوى انقلها على لسااااان طالبة بكلية التربية الاقسام الادبية
العرض الشجري