في النخيل ...يسرقون الكحل من العين !

[جوان2007]

اليوم في النخيل في محل مذركير سرق جوالي n95 وبوكي ويوجد به حوالي

350 <<قهر البوك جديد بـــ50 ريال !


والله بغمضة عين سرقت مادري وش هالمهاره بهالحرامي حسبي الله عليه


وقبل سنه ونص سرق جوالي بسوق بالرياض فرحتن به جديد n73 اول ماطلع !


للاسف انتشر في مجتمعنا السرقااااات


هل بسبب العطاله او الغلا الفاحش اضطر الناس الى السرقه ام بسبب الفقر

وضعف الوازع الديني ونقص الوعي والجهل والمراهقة او من العماله الاجنبيه

الي عارفه انها ماراح يكتشفون سرقتها !


من زمان ماسمعنا عن اقامة حد الله بالسارق الاوهو قطع اليد ه فيقول الله

تعالى" السارق والسارقة فاقطعوا ايديهما "بل يتم القبض على

السارق بجرمه ويتم التحقيق معه ومن ثم يتم إطلاقه وانا اقصد السرقاااات

الكبيره مو جوالي !

لاكن من أمِن العقوبة أساء الأدب


اتمنى من الاعضاء التفاعل وطرح الحلول

[إخلاص]

عوضك الله والله خبر محزن
بالمال ولا بك

[جوان2007]

ايه والله فك الله بنتي ولا جوالي والبوك بقريح

مشكوره اخلاص

[&نجدية كووول&]

الله يخلف عليك الجوااال والبوك وه بس كاثرين النشالين بالنخيل.....

وبعدين سوي طريقه أنك ماتحطين كل الفلوس بالبوك حطي نصهن بالشنطة حتى لانسرق ينقهرر النشال

وبعضهم مو كلة ضعف أوفقر لكن تعودت يدة على السرقه الله أهدهم...

[آمـــال]

لا حول ولا قوة إلا بالله


الحمد لله اللي سلمك أنت وبنيتك


جوان... أنت ما أوردتي على نفسك واللي معك؟؟




.

[عاشق ديرتي بريده]

ورايحه للسوق ومضيقه على العالم ولامعك الا 350 ريال بس !

كان صبرتي شوي يمكن يرحمك الحرامي ويحطلك 100 ريال زود صدقه منه !

[shaden]

من أمِن العقوبة أساء الأدب
الله يخلف عليكي ويعوضك يارب
الحمدالله على سلامتك وسلامة حبيبت قلبي جوان

[جوان2007]

ايه شفتي ياشادن سرقت حسبي الله عليهم ...عاد ابو الشباب يوم درى

على طول قال والله ماشري لتس جوووووووووال !!

عشان كذا ياجماعة الخير ابيكم تقطون لي خخخخ <<تراه عقب الصدمه بدت ماتجمع

[user40]

الله يعوضك خير والسرقات كاثرة هالايام الله يحمينا منها
والحمدلله انك انتي ما انسرقتي خخخخخ
دمتي بود

[جوان2007]

عاشق معي 550 بس اشوى تقضيت شوي

يعني ماخليت كل القروش لهالحرامي !!

[تميميه]

شوفي مره ثانيه لاتمشين بقروش على قولتك لو هي 100 امشي ببطاقه

افضل بكثير والجوال اله يخلف عليك

[روضة سدير]

السرقه تمت ليس لأن السارق حريف ولكن بسبب الأهمال من اختي جوان
2007 الله يعوضك

[الرأي الأول]

شكل السارق هلالي ويبي ينتقم

اتوقع الانشغال والاهمال له دور مع ان النخيل ليس مزحوم مرره حتى تحدث مثل ذلك


الله يعوضك امين

[جوان2007]

اقتباس:  المشاركة الأصلية كتبت بواسطة & شرقاوية كووول&     الله يخلف عليك الجوااال والبوك وه بس كاثرين النشالين بالنخيل..... وبعدين سوي طريقه أنك ماتحطين كل الفلوس بالبوك حطي نصهن بالشنطة حتى لانسرق ينقهرر النشال وبعضهم مو كلة ضعف أوفقر لكن تعودت يدة على السرقه الله أهدهم...

ايه والله ماعرف احط القروش الا مع بعض احيانا يصيرن كثار بس ماتعودت

مشكوره على التعاطف ..

[جوان2007]

اقتباس:  المشاركة الأصلية كتبت بواسطة الفارسة     لا حول ولا قوة إلا بالله الحمد لله اللي سلمك أنت وبنيتك جوان... أنت ما أوردتي على نفسك واللي معك؟؟ .

الله يسلمك ,,والله الصراحه اني ماقريت وردي طايرتن عيوني بالسوق

مشكوره خيتو على المرور