وكيف؟ ولعل وعسى ؟ والممنوع من الصرف و وو .. <= صكينا كتاب النحو
يا جماعه البرامج الي بالتلفزيون سواء اعمال عربيه ولا افلام(ن) اجنبيه
ما تلاحظون اشياء (غبيه) حبتين دايم تتكرر ؟
مثلا بالافلام الاجنبيه وخصوصا حقات الرعب <= من ايام القناة الثانيه نفس الحركه
1- يجيك البطل يمشي بشويش .. وحذر .. ويحس ان الوحش ولا المجرم قريب ..
ويمشي شوي شوي <= والمخرج من اللعانه مسكت كل الطاقم الاخراجي عشان المشاهد يخش جو
ويجيك البطل يمشي ووو <= يطلع له شي(ن) تسايد
المشاهد طبعا اذا ما جته سكته قلبيه ونجى من هالمشهد بيفز وينقز ذيتس النقزه
واخر شي وشو ؟
الي طلع للبطل <= حمامه ولا بسه
يجيك المشاهد وهو يرجف يقول اشوى على بالي الوحش بيطلع له .. هع هع
وفجأه يجيك المخرج من اللعانه يخلي الوحش الصدزي يطلع <= عاد المشاهد ينقز نقزتن ثانيه
مشهد اخر يتكرر برضوووووووه بافلام الرووووووووووووعب
2- يجيك البطل يمشي شوي شوي <= اكتشف مكان الوحش ولا المجرم
والبطل يراقب المجرم او الوحش <= وغالبا وراء شجره ولا نخله ولا عنز .. الي هو اهم شي متغبي ومزبن عمره
والوحش مشغول ياكل الضحيه ولا يقطعها .. ويجيك البطل بيتراجع <= بيروح يدبس على الوحش ويعلم الدوريات بس فجأه
يجيك البطل يوطى غصن شجره <= انعن ام التناحه يا حووب المخرجين لغصن الشجره الي يفضح
ويجيك الوحش ينتبه للصوت <= وتعال طردي وراء البطل
مشهد اخر من افلام الاكشن :
3- يجيك البطل اخر الفلم اذا صار زعلان ولا يائس لانه ما قدر يكتشف الحرامي < =يجيك جالس على كرسي والمشاهد يرحمه يقول ليتني جمبك اعلمك من الحرامي
عاد يجي اغبى واحد بالفلم ويجلس جمب البطل مسوي يبي يهديه ويقوله
هد اعصابك يا بطلنا ان شاء الله تمسك المجرم بالجزء الثاني مهيب مشكله ويجيك الغبي يجدع كلمه غبيه
ويجيك البطل يقول والله انك صادز !! وشلون ما فكرت تسذا ! <= ويكتشف منهو المجرم من كلام هالغبي
تعالوا عاد للفضايح الصدزيه (مسلسلاتنا العربيه)
مشهد غبي ما لقيت له تفسير ؟
اذا جاك رجل وزوجته يتناقشون ولا يتهاوشون
تجيك الحرمه تعطي ظهرها للرجل وتقابل الكاميرا والرجال يكلمها وهي ترد عليه معطيته الظهر ووجهها للكاميرا
طيب واراووه تسذا؟
ترى رجلتس الي يحتسي مهوب حنا يالمشاهدين <= عطيه وجه
حركتن تقهر وبكل المسلسلات المشكله
مقارنه بين ([mark=663366]مسلسل مكسيكي [/mark]) و ([mark=FF3333]مسلسل خليجي[/mark])
المسلسل المكسيكي راعي طويله <=يعني يمدي الشرير ينسجن مؤبد ويطلع ينتقم ما فيه اي مشكله
-المسلسل الخليجي <= تلقى الي دوره شرير منقهر يقول حدنا 30 حلقه .. ما يمدينا نزبن
-المسلسل المكسيكي <= غالبا الابو او الجد يموت بالحلقه الـ 4000 ..
-المسلسل الخليجي <= ابونا يفطس من رابع حلقه
-المسلسل المكسيكي <= وجيه جديده في الساحه الفنيه .. تحس انك تشوف مسلسل جديد
- المسلسل الخليجي <= نفس الخشش .. يجيك البطل حق المسلسل يحارب عدوه .. باتسر تفتح القناة تلقاهم يلعبون الدوري الياباني.. عاد انت هنا تنلحس تقول امس شايفهم يتصارعون <= عاد تكتشف انه مسلسل(ن) ثاني غير الاول
لو نقارن ما خلصنا ولا باتسر .. بس السؤال الي يسدح نفسه
خلاص قضت الافكار يعني؟ هالمشاهد المتكرره ذي مابوه غيرهن ؟
,’,’,’,’ورآآآآآآآآآآآآوــوـوـوـوهـ تســـــــــــــذا,’,’,’,’,’
العرض الشجري