في شارع الثمانين أجتمع اللصوص؟!!

[الاستشاره القوميه]

مليت وكلنا ملينا من الكلام عن هالشارع ،ولكن وش انسوي هذا اللي بديننا !!


شارع الثمانين ياجماعة الخير (عيا يزين) والسبب والله أعلم ان فيه ناس ترزقوا من وراه ؟!!

وإلا وش رايكم رصيف ماهنا حليله يجون ويقضونه ومن بكرا يبنونه ومن بعده يقضونه .............. وعلى هالموال!!

يقول اخوي اني مريت ولقيت مهندس من البلدية يهاوش صعيدي قاعد يصلح الرصيف يقول شوي والدم واصل الركب ،يقول فهمت ان المهندس يقوله وراك تسويه كذا وان شغلك ماينفع ...ومن بكرا جابو شيول وقضوا اللي هم بانيين والى هالحين ماصلحوه !!

الشي الثاني ابتكلم عن المداخل اللي هم حاطين يوم يقضونهن ويوم يكبرونهن ويوم يحطون لك مطب يكسر سيارتك واضلوعك (يعني بصراحه شغل ملصقه )

اللي ابقوله : اول شي ماعندنا ولي مصلح والا وشلون كل واحد يقض ويبني على كيفه الشي الثاني الشارع كله كيلو قسم بالله كيلو وحنا بالسعودية مهب بجيبوتي يعني ماشاء الله علينا عندنا طرق سريعه وكباري وعجزين عن هالشارع اللي لو انتقاط صلحناه ولو نجيب وحدة من عجيزنا وجلسناه بأول الطريق وحطينا عنده كريريث وزنجبيل كان ماتقضي من اخر بياله الا وهي مخططته !!

بالناهيه حامت سبدي من هالشارع

[شخصية]

ههههههههههههههههههه


أعجبني العنوان

هو بس الثمانين ؟؟؟!!!

[بيارق]

ههههههههه

والله انك صادق يارجاااال شركات ترزق من ورا شوارعنا ولا حولك احد

!!!

[السيد الدكتور]

اللي ابقوله : اول شي ماعندنا ولي مصلح والا وشلون كل واحد يقض ويبني على كيفه الشي الثاني الشارع كله كيلو قسم بالله كيلو وحنا بالسعودية مهب بجبوتي يعني ماشاء الله علينا عندنا طرق سريعه وكباري وعجزين عن هالشارع اللي لو انتقاط صلحناه ولو نجيب وحدة من عجيزنا وجلسناه بأول الطريق وحطينا عنده كريريث وزنجبيل كان ماتقضي من اخر بياله الا وهي مخططته !!

اخي العزيز و الله انك صادق بكل كلمة قلتها

و ان اشكرك على هذه المشاركة التي تدل حبك للوطن

و بالفعل ليس هناك ولي مصلح

[عبدالله الحلوه]

بالأمس احتجت للإنتقال مابين جزئي طريق الأمير فيصل بن بندر من جزءه الغربي إلى الشرقي والفاصل بينهما شارع الثمانين فأكتشفت المصيبه !!!

عندما اتجهت جنوباً واستدرت بإتجاه الشمال لم يكن هناك مخرج لطريق الخدمة إلا بعد شارع الأمير فيصل بن بندر بمسافة كبيرة تجبرك بعد الدخول معها إلى عكس الأتجاه بطريق الخدمة لتعود جنوباً بإتجاه طريق الأمير فيصل


لا اعلم مافائدة هذا الشارع إذا لم يخدم الحي بشكل صحيح ولا اعلم ماسبب البخل بعدد المخارج بين الطريق الرئيسي وطريق الخدمة


وماذا سيكون الحال عليه بعد انتهاء طريق الملك فهد ؟


لازال الشارع يتعرض لتخطيط عبثي وهل مانراه هو نتيجة دراسة المكتب الذي اوكلت له المهمه حسب اعلان الأمانة سابقاً ؟!!!


اذا كانت الأمانة لاتجد الحل المناسب فإن الحل الأمثل سيكون بازالة كل ماتم تنفيذه واعادة الشارع إلى وضعه السابق !!!!



تحياتي ,,,

[طخطيخ الشمال]

الله يجيب السيل حتى يحصلون على مناقصة تصريف السيول

هههههههههههههههههههههههههههههههههههههههههه

[الممرض]

لاتعليق انالله وانااليه راجعون

[الوصي]

فعلا هذا الشارع ترزق منه الكثير ومات فيه الكثير
والله المستعان

[عذوق]

لا وتكمن الخطوره في تضاعف الحوادث عند الانتهاء من كبري الملك فهد وكثرة السيارات التي ستسلك هذا الطريق حيث لا يوجد في الكثير من اجزاءه صبات خرسانيه تحمي عند انحراف السيارات لسبب او لآخر ...........وكان من المناسب الاستفادة من شارع سمو امير المنطقه عند نقطة التقائه بهذا الشارع اما بوضع اشاره او مدخل على غرار المداخل التي تم وضعها وان كانت ليست بالقدر الكافي ولو كانت اوسع من ذلك لخدمت اكثر.

[الاستشاره القوميه]

شكرا على مروركم وردودكم.

[العصر]

وآخر المستجدات المخرج الجديد مقابل اسواق السحيمان حيث وضع رصيف في الشارع الرئيسي بطريقة غريبة مما قد يسبب حوادث خطيرة بسبب السرعة الجنونية

[جلوي العتيبي]

ربما يحتاجون للمزيد من الضحايا لكي يتم تعديل أخطاؤه

الأمر يخص سلامة مواطن ..وأرواح بشر

أوقفوا كل المشاريع وأحسموا موضوع شارع مضت عليه سنوات وهو يئن .

شكراً لك اخي الإستشاره القوميه

[(الفارس)]

شارع الثمانين يبغى له موقع خاص بالأنترنت من كثر المشاكل والحوادث اللي فيه

[فراشة الالماس]

ولا المخارج اللي فريده من نوعه

[علشانك بس]

بعذرهم لااجتمعوو اللصوووص ,, لاحسيب ولا رقيب ,,, خلهم يسترزقون من ورى هالشارع ,,