الله يا الدنيا ...!!
راحوا الناس الطيبه وبقى الناس النص نص مانيب قايله التعبانه
وزالت الطبايع الطيبه وبقت الشينه
زمان اسمع الوالده الله يخليها لي ولشايبها
تقول للوالد الله يطول في عمره انت ( تااج راسي) ونعرف ان اعلى الرأس والهامه
هي مكان عزه ومقام حسن ووصف فخر لــ أي موصوف به
ويستحق الزوج عندما تقول له زوجته انت تاج راسي
خصوصاً اذا كان اجودي ويخاف الله فيها ويحترمها
هذاك زمان....
الحين نلاحظ ان تسلط الفتيات على ازواجهن هو همهن الوحيد في الحياة
ف نجد من تسأل الأخرى التي لها خبره في إدارة الزوج ومتفننه فيها وتقول لها كيف
اخلي زوجي ( خاتم في اصباعي) ...!!
الله يا الدنيا من تاج الى خاتم في الأصبع...!!
او نجد من تتفاخر قدام بنات جنسها وتقول زوجي تحت امري
اقوله يمين يروح يمين ....شمال يروح شمال
مثل خاتم في إصبعي...!!
:
ماراح اطول عليكم
ليش اختارت الفتيات هذا الوصف واعني الخاتم في الإصبع
لتشبيه الرجل المسلوب الإراده والمنزوع الشخصيه ؟
:
اجمل التح ـــــــــــايا
أريج الحياة
,
العرض الشجري