في مثل هذا الموقف !! ماهي ردت فعلك؟

[zamany]

إذا كنت في الصراف الآلي ( خدمة السيارات ) ، وتأخرت قليلا لكونك تريد تنفيذ أكثر من عمل ، وأنت حريص على انجازها في أسرع وقت ممكن ، ولكن الشخص( الي خلفك قام بتعليق البوري عليك ) لدرجة الازعاج، ماذا أنت فاعل؟

[الذاهـبـة]

أممممممم

يمكن شمس و حر .. و أنت طولت عليه الله يهديك .. !؟

طيب ماعليه .. جاهل و ماعنده صبر .. سامحه ..

[عتبيه في القصيم]

انزل عليه بالعقل
واضربه لين يعرف
ان الله حق

[ولــد بريــدة]

طيب حاول تجي الظهر يصير ماعنده احد

طيب عطه مجال يخلص حاجته ويمشي

مالك بالهوشات بس يمكن يبي يهاوش وتنتهي بالشماليه

وسع صدرك احنا في عالم السرعة

[المعيد]

هذا مثل اللي يعلق البوري عليك والإشارة لم تفتح بعد
وليلية أمس شاهدت منظرا أعجبني حتى النخااااااااع،،، وهو: عندما ظرب راعي الجيب بوري على راعي الفورد وهو يمشي -بعد أن تحولت الإشارة إلى خضراء- وقف مما جعل راعي الجيب يعلق البوري وفي النهاية إنعطف يمين متجاوزا راعي الفورد....

ردت فعلي -لصاحب الصرافة- هو أن أتركه إلى أن يحترق بوريه وأكمل عمليتي

تحياتي

[عبدالله الحلوه]

زماني

اتضايق كثيراً عندما اجد شخص مثلك يقف عند الصرافه لتنفيذ العديد من العمليات

اعتقد بأن الأفضل لك ولمثلك اللجوء إلى الصرافات الداخليه وترك الصرافات الخاصه بالسيارات لمن هم بحاجة عمليات سريعه


تحياتي

[ابو ريما الخالدي]

هذا الأمر يضايقني كثيراً
الاحسن والأفضل
أن تذهب الى الصرافات الموجوده عند البنك وتاخذ راحتك مكان بارد ومايزعجك أحد
من المعروف أن هذه الصرافات وضعت لسيارات ولم توضع لمن يريد أن يسدد ويحول وغيره
تحياااااااتي لك ياالغالي

[فريـــد]

طولة البال زينة ..
يعني كأنكـ :

" ماسمعت ولا رأيت " !
والسلام

[الطاحونة]

[align=center]

اقتباس:  المشاركة الأصلية كتبت بواسطة عتبيه في القصيم     انزل عليه بالعقل واضربه لين يعرف ان الله حق

عجوز سمنسي قالها بالأمس
جلافة الصحراء ليست بالرجال فقط بل النساء يتأثرن ببيئتهنا
فالإنسان ابن بيئته...[/align]

[فور يو]

بعض الناس عند الصراف الخاص بالسياره ثقيل دم مره يبي ينفذ عشر عمليات او اكثر ما يهمه اللي خلفه ...!
ما يدري ان خدمه صراف السياره للحاله المستعجله ...

اعذب تحيه للكل .

[الحصان الأسود]

[align=center]

اقتباس:  المشاركة الأصلية كتبت بواسطة zamany     إذا كنت في الصراف الآلي ( خدمة السيارات ) ، وتأخرت قليلا لكونك تريد تنفيذ أكثر من عمل ، وأنت حريص على انجازها في أسرع وقت ممكن ، ولكن الشخص( الي خلفك قام بتعليق البوري عليك ) لدرجة الازعاج، ماذا أنت فاعل؟

طيب

وش رايك أنت باللي ياقف بالصرافه السيارات ويسوي أكثر من عملية . ويرص الناس بسياراتهم ؟

ويحسبه له لحاله .[/align]

[ثلوج دافئه]

أجل وش رايكم بالرجال الي يجون يصرفون من الصرافات الي بسوق الحريم ويزاحمون الحريم عليها واحيانا يسددون فواتير بعد يعني قضت الصرافات الي ببريده علشان يصرف من الصرفات الي خصصها البنك بسوق النساء مره أضطريت للوقف ساعه كامله حتى يطلع منها ويوم خلص دخل خويه شي يقهر
ماعندهم أحساس

[zamany]

انا أتفق مع الجميع أنه من الأفضل عدم اللجوء إلى خدمة السيارات الا لعمليات قصيره وهذا الذي فعلت مجرد سحب نقدي وتسديد جوالي فقط ، لكن ما أردت إثارته هو أننا بحاحة إلى درجة من الوعي تمكننا من احترام الآخرين ، ونشاهد يوميا مواقف كثيره في الشارع في الاشاره في المسجد في المطار في المحلات ... الخ مواقف نحتاج فيها لدرجة كافية من الوعي !!!

[رحّــال]

انا اكره مااشوف اللي يضرب بوري ياخي اصدم واعمل حادث بس لا تضرب بوري ....<<< مايحب الازعاج
ومثل ماقال حامد زيد :
احسن دوى للي يستفزك تحقره

تحيتي لك ,,,,