منظر...مؤلم...محزن...

[حديث الصمت]

مؤلم أن نرى ملامح الغرب على شبابنا....ومحزن أن نرى أثر سمومهم على أبنائنا.....فقبل أيام كنت أتسوق في ستي بلازاوأثناء خروجي رأيت شاب يرتدي بنطال الجنز الضيق وقد أطال شعره ووضع المكياج على وجهه...عندما رأيته لأول وهلة ضننته أجنبي...ولكن عندما أقترب ...,اذا به شاب سعودي من أبناء هذا الوطن الغالي..عندها شعرت بحرقت في نفسي..وقلت:حقا منظر مؤلم..ومحزن...

[ابوسليمان22]

الله يهديهم بعض الشباب بدا ينافس خواته على المكياج.

[عبدالله القيعاني]

عزيزي/ حديث الصمــت

اولاً نحمد الله على النعمه التي نعيش فيها ..
وهذا تقليد الأعمى .. الغرب .؟؟

لكن ندعوا الله له بالهــدااايه .... لاننسا الفراغ ..؟؟؟

دمت بكل الوود والاحترام ،،

[الافق]

نسأل الله الهداية لشباب المسلمين
اللهم أحمنا من الفتن


تحياتي

[طخطيخ الشمال]

والشيبان ما لهم من الغرب نصيب ؟؟؟؟؟؟؟؟؟ اتمنا من الشباب ان يأ خذون الشى المفيد من الغرب , الله يهديهم , والله لوانى بنت ماناظهرهم الواحد شكله مثل العنز بدون ذيل هههههههههههههههههههههههههه وجهة نظرى( ط )( ا )( خ )( ط )( ى )( خ )

[صدى الصوت]

ماتملون من هالمواضيع انتم

وتتركون الناس بحاله

واذا لبس جنز ولا طول شعره

يعني ابي شي يعيب الانسان اذا سوى هالشي

الا يعني تبي تكتم دوافعه خافو ربكم اتركو الناس بحاله خلو كلن يمشي براحته

انا صراحه اعجز اعبر عن هالموضوع ؟؟؟؟؟؟؟ ليش


لان الموضوع على قولت الكاتب (( مؤلم و محزن))

بس انا يعجبني بعض الشباب وانا واحد منهم لايهمنا المجتمع

ولو قال لان هاذا موضه تظل فينا على مر الدهور والشباب له حق بالاعتناء بمنظره ولبس مايحلو له

لانه بالاخير ضارب كلام المجتمع بعرض الحائط وهاذا نوع من (المودرن) و(الاستايل الجديد)

اخي كاتب الموضوع اتمنى اللي شفته ماتشوفه مره ثانيه حرام بمثلك يتالم ويحزن اوكي

[حديث الصمت]

عفوا أخي (صدى صوتها)<لايهمنا المجتمع....ضارب كلام المجتمع بالحائط>...نحن نعيش في مجتمع له عادات وتقاليد ينبغي أن نحافظ عليها... فما هذا زيناولباسنا..؟!!وليس من الاستايل الجديد انما من التقليد الأعمى لغيرنا..

[سبع البرمبه]

قال صلى الله عليه وسلم (( من تشبه بقوم فهو منهم ))

رآيت والله مايدمي القلب من بعض الشباب هدانا الله وإياهم من تشبه باللغرب أوبأخواتهم

[سمقل]

وش فيها لو لبس جنز ما فيها اي شي المكياج انا معك انه غلط وينافس خواته بالشي هذا
خلوكم من العادات الي ذبحتنا الناس وصلت للقمر وانتم بالعادات

[خـــــــــــــــالـــــــــد]

اخي حديث الصمت

هولا هم اشباه الرجال

فليس لهم من المرجله الا الشنب !!

هذا اذا ما حلقه بعد

[فتى الخب]

إن التشبه بالغرب في المظهر يلزم منه الموافقة في المخبر ...

الله المستعان ..

[صدى الصوت]

مشكلتنا وعيبنا

نناظر للشكل ونرسم منه انه شخصيه متزنه او كامل رجولته وااكثر من ذلك لاشفنا بوجه الواحد شعر سواء من شنب او غيره خلاص هاذا رجال هاذا متفهم هاذا يعرف يحكم الامور هاذا رجل يعرف يعامل الناس واهله وزوجته ووو الخ



اما لابس الجنز ومطول الشعر لا لا هو شخص دنيئ ربما بعض الناس اللي تفكيرهم محدود يحكم على الشباب اصحاب الجنز والشعور الطويله بعدم المرجله وكانه ملازمه منذ الصغر وانه خارج عن نطاق المألوف وانه شخص لايرغبون الناس فيه يعني مكروه هاذا التفكير اللي يتخيله بعض الناس للشباب المتحضر الواعي يعني ينظر ان كل الناس مثل نظرته للي لابس الجنز ومطول شعره


انا احترم عاداتي وتقاليدي وطبعا لا احتاج من يذكرني فيها ابدا

لاكن ظروف الحياة وتطور الناس وعجلة الموضه والكشخه اذا ماابعدنا عن طريقه تبي تدوسنا

تحياتي لا اصحاب الشعور الطويله واصحاب اللبس اللطيف والجميل

فمن يرضي دوافعك غير نفسك وذاتك استمر في لبس مايطمن بالك

اذا كان لايخالف قانونا ولا دين

[قاهرتهم]

انا مع صدى صوتها
ياناس ازعجتو الشباب
ليش لابسين وليش حاطين اتركوهم بحالهم حشرتهم حشره ماصارت

مره خالي مودينا السوق ومانزل معنا بس حطنا ونزل يجيب غرض من شنطه السياره وبيروح
الا جاه مطوع وقاله وراااك لابس بنطلون جنز تقل مره!!
بالله هذه كلمه تقال
رد خالي وقال اذا المره بس هي اللي تلبس جنز من بكره بخلي كل خواتي واهله يلبسونه واشوفكم تعرضونهم
انتم حارمين المره والرجال!

بصراحه رحت دول الخليج وشفت الشباب ماخذين راحتهم باللبس وبكل شى
ومدام مايأذون احد وش عليكم منهم
وترى الرجال مخابر ماهي مناظر!

ولاعاد تكذبون وتقولون عادات ودين وخرابيط
شكل اللي يتكلم غيراااان لانه مايقدر يسوي زيهم ويلبس لبسهم
اتركو الناس وارحموهم وشوفو عيوبكم اللي اخطر من جنز ومن شعر!

[قاهرهم 16]

ليتها على الجنز بس المشكله بالقصه اللي حاطها تقول عصفور منتف
الله يرحم الحال

[أبن حرب]

الجينز عادي وأرحم من ( البرمودا ) ...
ودي أعرف وش لا قين فيه ...
والله اليوم شايف شاب يتمشى في مستشفى التخصصي ...
وحاشر نفسه بالبرمودا ... تقول .... فيل ...
اللهم لا شماته ...