جيت يمك أشتكي لك من عذابـي والجـراح........ ومالقيت إلا صدودٍ زود جروحـي عـذاب
جيت لك والشوق يسبق خطوتي لـك برتياح ... ورحت ودموعي تغسل موت حبي يوم خاب
آه .. يا دمع الأكابر من عيـون العـز سـاح ..... آه.. من تنهيد عبرةٍ جرّحت صـدر المُصـاب
اعذريني يا المعزة لا تلومـي الدمـع طـاح=.........دمعة سالت على خد المفـارق مـا تعـاب
حالتي بالعشق طفلٍ ضيع أمـه ثـم صـاح.......= بح من ترديد صوته يوه يمـه ليـن شـاب
أو كسير العظم أعمى ثم شاف الموت لاح......=والضمأ جرّح لهاته والموارد مـن سـراب
آه يـوم القـلـب ردد الـمـوادع راح راح..........=شفت قبري وسط كفه يـوم لـوح بالغيـاب
الألم والشوق و الفرقا مـع الدمعـة رمـاح.....=والسهر والحزن والذكرى مع المسرى زهاب
رح بأمان الله حبيبـي لا خسـار ولا ربـاح.....=شمس عزة كبريائي عن شموخي ما تغـاب
خذ بقايا جروح قلبي مع وداعـك والسمـاح.....=واترك دموع الكرامة تسقي العـزة شـراب
ياهلا بك يالمواجع جيت يوم القلـب نـاح......=جاك قلبي يعترف لك عن دروب الحب تاب
جيت مخطي واعترف لك ما كتمت الامس باح=كنت اظن الحب عذب وما دريت انه عذاااب
جيت مدري ساقني لك قلب(ن) اشقته الجـراح.=وإلا أنا جبـت قلبـي فـوق كفـي للـعـذاب
العرض الشجري