مــــلــــكـــة (الطـــاره) : مــــوضــــي المــلــقــبــة بــ (بــوبــو) :فيديو

[الفتى السمنسي]

يقولون إنهن يبن يسوقن >> إذا حجت البقر على قرونه .
ومشغليننا هالعلمانيين بسالفة قيادة المرأه للسياره لأهداف كثيره .
مالكم بالطويله تفرجوا على هالفيديو علشان تعرفون وشلون يسوقن هالحريم السيارات بتعليق (عمرو أديب) :

[دِيم]

هه .. ضحكت وأنا توّي صاحية من النوم ..
أجل سيارة إسعاف ..


/

بجد بالرغم من إنها تمر (أقول تمر ) علينا لحظات ودّنا نسوق فيها .. إلا إنّي أتمنى قرار المنع يمتد إلى رابع جيل من هذا الجيل ..

+

ياحبي لمرة خيي , تنبسط لاجت للسعودية تقول أحس إنّي أميـرة لا ساق فيني ولدكم ..
وأنا بنفسي أقول .. صدق ماحد مرتاح ..


،
وياعيني على ركنة الراقل .. هه

[SAGA]

خخخخخخخخخ مالنا ومال سواقة السيارات
إن شاءالله الموضوع ماراح يتحقق
ومجلس الشورى قالوا إنهم ماراح يفتحون هالموضوع لفترة غير معلومه
وبعدين وشلون يسوقن الحريم وحنا أنواع الزحمات
شكرا

[الفتى السمنسي]

اقتباس:  المشاركة الأصلية كتبت بواسطة دِيم     هه .. ضحكت وأنا توّي صاحية من النوم .. أجل سيارة إسعاف .. / بجد بالرغم من إنها تمر (أقول تمر ) علينا لحظات ودّنا نسوق فيها .. إلا إنّي أتمنى قرار المنع يمتد إلى رابع جيل من هذا الجيل .. + ياحبي لمرة خيي , تنبسط لاجت للسعودية تقول أحس إنّي أميـرة لا ساق فيني ولدكم .. وأنا بنفسي أقول .. صدق ماحد مرتاح .. ، وياعيني على ركنة الراقل .. هه

الله يكملتس بعقلتس بس فيه كمخ مصدقات ومدرعمات الله يخلف .
فيه موقف حصل لي مره بالقاهره وركبت مع تاكسي وحنا نمشي طلعت علينا سياره وصدمتنا بطريقه عجيبه ومادري من وين طلعت هالسياره لنا .
المهم وقفنا ونزلنا وأثاريها ياحبة عيني بنوته تدرس بالجامعه وشكلها مستعجله والغريب إنها نزلت وجلست تبكي والسواق يلطلط ومعتفس فوق تحت وهي الدموع اربع اربع خخخخخخخخخ .

[فتحـية]

اقتباس: تقول أحس إنّي أميـرة لا ساق فيني ولدكم

لاعبين علينا بهالتشبيه وحنا مثل اللي كذب كذبه وصدقها !
عموما قيادة المرأه للسيارة مسألة وقت ليس إلا ، ومن الأفضل إنه تجي برضاهم وبشروطهم قبل لا تفرض عليهم فرض !
الواحد يقول مابي الحريم يسوقن وتلقى أهله يروحون مع سواق لأنهم مالقوا عيالهم بالخدمة !

سلملم

[الفتى السمنسي]

اقتباس:  المشاركة الأصلية كتبت بواسطة saga     خخخخخخخخخ مالنا ومال سواقة السيارات إن شاءالله الموضوع ماراح يتحقق ومجلس الشورى قالوا إنهم ماراح يفتحون هالموضوع لفترة غير معلومه وبعدين وشلون يسوقن الحريم وحنا أنواع الزحمات شكرا

عمرتس شفتي ملك أو أمير يسوق سياره ؟؟
أنتن ملكات ورب البيت بس فيه من يسعى لتدميركن بموضوع القياده .
والله يافيه قصص تشيب الرأس عن حالات إغتصاب نساء على الطرق لايعلم بها إلا الله وهذا مايسعى له كلاب بنو علمان .

[الفتى السمنسي]

اقتباس:  المشاركة الأصلية كتبت بواسطة فتحـية     لاعبين علينا بهالتشبيه وحنا مثل اللي كذب كذبه وصدقها ! عموما قيادة المرأه للسيارة مسألة وقت ليس إلا ، ومن الأفضل إنه تجي برضاهم وبشروطهم قبل لا تفرض عليهم فرض ! الواحد يقول مابي الحريم يسوقن وتلقى أهله يروحون مع سواق لأنهم مالقوا عيالهم بالخدمة ! سلملم

فتحية خانم .يبدو أن العلمنه قد أثرت على المخيخ بتاعك .
لا وقت ولاغيره وصدقين لن يحصل هذا الموضوع إطلاقا ولكم سنين وأنتم تغنون وتقولون مسألة وقت .
فقط يثيرون هالمواضيع كالإختلاط وقيادة المرأه لإشغال الناس عن قضايا أهم وأشد .
كبري دماغتس أنتي وقناصيعتس ولاتفكرين بالموضوع هذا نهائي لأن عقلاء القوم يعرفون ماوراء الأكمه ياوخيتي .

[دِيم]

اقتباس:  المشاركة الأصلية كتبت بواسطة فتحـية     لاعبين علينا بهالتشبيه وحنا مثل اللي كذب كذبه وصدقها ! عموما قيادة المرأه للسيارة مسألة وقت ليس إلا ، ومن الأفضل إنه تجي برضاهم وبشروطهم قبل لا تفرض عليهم فرض ! الواحد يقول مابي الحريم يسوقن وتلقى أهله يروحون مع سواق لأنهم مالقوا عيالهم بالخدمة ! سلملم

والله مش عارفة بالضبط .. عن كون إنّنا أميرات عند الطبقة الراقية أو جواري عند عباد الشهوة ..
،
يختي ماتحسين إنّنا نضعف من داخل ونتصلب من برّا لا تسلمنا أمورنا بأنفسنا ..؟

/
عنّي أنا مادري إذا كان ودي أسوق أو لا ..
لا شفت ظروفي وكذا أقول ودي أجيب شاص وردي ..
ولا شفت المجتمع هوّنت ..

^^ وعلى هذا فقيسي
مجتمعنا مجتمع خاص ماتقدرين تتخذين قرارك لوحدك ..
لازم تحسبين ظروف ستين ألف شخص وصي عليك ..


ياليل الشيبس

[فتحـية]

الفتى السمنسي
هذا الله يسلمك عقب تكبيرة الدماغ ، قل صغري عقلك علشان تضبط معك
علمنه أو ليبراليه أو سلفيه أو أي تصنيف ثاني مايهمني غير قناعتي الذاتية
أنت فكر بمنطقية وبعيداً عن كونك تنتمي فكرياً لأحد التصنيفات السابقة
فكر بعمق ومن غير قيود ما أنزل الله بها من سلطان !!
كل عمر أمهات المؤمنين على بعارين وخيول مثلهن مثل الرجال بس البلاء بهالزمن الأقشر اللي قلب الحلال حرام والعكس صحيح ..!
ماودي أكتب لك أسباب لأني متأكدة إنك مناقش هالموضوع عشرات المرات مع غيري !
تذكرت قبل يوم ينهبلون بتقنية البلوتوث شوي وتصير حرام والحين شف الوضع ..
عموما النقاش بمثل هالمواضيع شبه عقيم يعني ريح راسك وحط في بطنك بطيخة صيفي
دامك متأكد إنهن مب سايقات وشوله الحتسي


عاد لا ساقن الحريم بطق لي شاص لو عمري 90 سنه
وبحل ياموضي ملكة الطارة عندي خخخ

سلملم

[فديكا التميمي]

أعتقد هاللي بتوقف وعجزت مامن بعد عن سواقتي هه
عساي أدبر أموري أدبر أمور غيري ,,,

[oldman]

السلام عليكم

يتعودن مع الوقت
والأهم عند بدايات القياده لايدوسن بانزين على آخر شي وهن يتخيلن إنهن حريفات ويجيبن العيد وعيالهم وتصيبهن نفسية وتنسد انفسهن ويطلع بهن بشعورهن ثعالب ومايصير لهن إللا جديله على جنب والباقي حات.
أذكر انا اول مابديت اسوق سارقن مفتاح الهايلوكس الثمانين أم خطوط حمر (تساني مانيب واهم) كانت السيارة ملبقه لم جدار البيت وقدامها عتبة الباب رفيعه من اربع درج أو هي ثلاث نسيت[طلع غبار مع محاولة التذكر ] عاد اول كنّا نلعب أتاري وتعرف لصار الواحد هاضمن الأتاري يبدا يفحط وهو يصلي [الله يعفي عنّا]فما بالك لاصارت معه سيارة وتوه يتعلم وشلون تشتغل السياره
يوم شغلت السياره صوتها وهي تشتغل أعطاني حماسةً خياليه وكأن بيدي يد ألأتاري وأحطها بواحد وادوس بقوه مادريت إللا اللي متعلقه بالدرجه الثانيه وتصاغت السياره وطلعبها صوت قوييي ... ترى صدق صوت قوي بدت ركبي تتصافق من الروعه وشلون نطت مرة وحد وصارت فوق الدرج كان وقتها وقت ظهريه مابه احد يفزعلي ويساعدن على هالمشكله ... طفيت السياره ورحت أنام وماقمت من الفراش إللا المغرب يوم راح ابوي لعمي مادري وش صار يوم جا ابوي ماقال شي يمكن نسى أو هو تناسا وبديت كلما طلعت من البيت تزوّلّي هالسياره ما التفت لمّها ابد اطلع من الباب ووجهي شمال .. تجربه فاشله حزّت بنفسي إلى هالحين كلما شفت عتبه باب من اربع درج أحس بكتمه
فنصيحتي للبنات أنهن لايسوقن إللا وهن ضابطات السواقه
ترى السواقه صعّبه خاصتن لامرق من قدامك واحد مسرع يبدن رجلينك يعجزن يدوسن على البانزين والفرامل يبدن يرجدن وتنزلون من السياره وانتم معرعرين من الخوف ... فالنوم بهذه الحاله أفضل

اللهم صل على نبينا محمد

*إللا لاشفت معرف الأخت فتشيه قصدي فتحيه أحسها طالعه من قبر هي وغدفته لا إله إلا الله عليه
أو هي طالعة من بيت طين منهدم عليه الله يكفيها الشر

[hr]#c2c2c2[/hr]

سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

[liilas]

.






اطلقوا حريم سعوديات صفحة على الفيس بوك
يعلنون فيها تحديهم الصارخ للقوانين السعودية
وبذالك تحديد يوم 17 من يونيو لـ الانطلاق بالسيارات في الشوارع
هالامر مالاقا استحسان عند عامة الشعب السعودي
وعبروا بعض النساء عبر الصفحة الرسمية لها الحملة عن حاجتهم للقيادة لتسهيل امور حياتهم

الله يقويهن ان شاءالله

[التنين الصيني]

اجل ابشري لزوجتي جيب ربع وردي ....

بس بركب له جنوط سيكل .... علشان ما يصير رفيع

[Qassimy]

17 يوليو

هذا الموعد المضروب اللي تجتمعن فيه أمهات القناصيع ويقودن السيارة
ما فكرن
من وين لها السيارة ؟
وإلا تآخذ سيارة أبو الجيران
ولا فكرن أن قيادة السيارة في ظل الزحمة والتهور يعرضن أنفسهن غيرهن للخطر
إذا أذخذنا بالاعتبار أنهن لا يعرف من القيادة إلاوضع المفتاح في مكانه فقط ولا يعرفن في أي أتجاه يستدير كيف لهن أن يجتمعن في ذلك المكان والزمن المحدد
أتوقع بعضهن سيحضر إلى الموعد بعد أسبوع إذا أخذنا حساب الضيعة والدعم في الرايح والجاي

بنات في 17 يوليو

يقولون أن صابونه اليد وخاصة اللي بالنكهات تبي ترتفع لأسعار خيالية والسبب غسيل الفكرة من أيديكن .

[نجداوي]

هنُا خلاصه الفكره والموضوع

اقتباس: يقولون أن صابونه اليد وخاصة اللي بالنكهات تبي ترتفع لأسعار خيالية والسبب غسيل الفكرة من أيديكن