[align=center]راح أقولكم بعض الأهانات التي تواجهنا في المدرسة الرفيعه من المعلمات والمديرات الشريرات ..{ اللي حتى أهالينا وصلهم بالتهزئ ؟؟} يالله يارب تعطيهم اللي يستحقونه هالشريرااااااات..
ملاحضه :ـ مدرستنا مجمع ثانوي ومتوسط
أنا أبي رايكم ؟!!!! مثل ما أنتم عارفين
شخصية المعلمة في المدرسة .. تتطلب بروتوكولات معينه .. برستيج معين .. شويه ترفع .. غرور .. نفخه .. عنطزه .. وأنتِ يا بنت جلسي .. وأنتِ يا اللي هناك ليه ما سويتي الواجب .. وأنتِ وين سرحانه .. وأنتِ يا زفته ..
كلمات ومصطلحات تخرج أحياناً من افواه بعض المعلمات في لحضه غضب وعدم رضا ..
وأنا راح أقولكم هذي الكلمات وتعتبر أهانات !!!!!!!
* معلمة تقول القافلة تسير والكلاب تنبح " المشكلة أنه معلمة دين " .
* معلمة تقول مثل الحمار يحمل أسفارا " بسبب أنه سئلت البنات سؤال تعجيزي
ولا جاوبوا " .
* معلمة تقول لطالبة لمسح وجهك بالأرض " شكيت أني في مدرسه عيال ".
* فيه معلمة لا زعلت على الطالبات لأنهن دافعن عن أنفسهن ماتصححلهن ولا تعترف في البنات " واقفة عاد تحسبه رجله " .
* فيه معلمات لا بغن يشرحن بشينه نفس تقل محلوف عليهن ما يدرن أن كل شهر يستلمن الراتب .
* معلمة تقول لطالبة إذا كان أخلاقك كذا أكيد أمك وأبوك أردى منك " يمكن الطالبة ترضى على نفسه بس ما ترضى على والديها .. مفروض تراعيها هي في عمر المراهقة " .
* وبعض المعلمات يحطمن الطالبات تحطيم خاصة ثالث ثانوي وهذا يؤثر على مستواهم .
* ومعلمة تقول لطالبات يا أغبياء عشان جاوبوا خطاء .
* ومعلمة ثانية تقول يا غنم يا بهايم يا حيوانات عشان أشياء تافهة " وهذه الألفاظ لا تخرج من معلم متعلم "
وبعدين المعلمات يعاقبونا على أشياء ماتسوى لما ننسى دفاتر يوقفونا اخر الصف واذا نسينا الواجب المفروض بس ينقصونا درجات مو روحوا ورا آخر الصف فتحو اياديكم عشان نكفخكم .
ممنوع طلعه من الفصل ممنوع تتكلمون ممنوع الضحك ممنوع ممنوع ....
والله أني أحقد على هذول المعلمات المتوحشات قاهريني قهر حتى ماعرف شقول تدرون أني بديت أكره المدرسة ... بسبب اجواء المدرسة تقليدية بحتة ...
والمعلمات تقليديات مرره والأدارة ماشي مرونة ..
والمستوى اللتعليمي الراقي اللي أحنا فيه
واسلوب التدريس اللي يخبل الواحد
ايش في احسن من احفضي < اختبري < انسي
هذي حالتنا !!!
مافي ارتقاء ،، مافي تطور وإذا والله فيها الاستاذة خير فكرت تجيب معاها وسائل تعليمية مخزنتها عندها من ايام جدتي ....
والله الواحد يدرس وهو كاره عمره والقوانين حقت المدرسه تلوع الكبد ودايم حاكرينا بالفصل ممنوع نطلع وحتى بالفسحة حابسينا ....
وحنا ملينــــــــــــــــــــــــــــــــــــــــــــــ ــــا ملينــــــــــــــــــــــــــــــــــــــــــــــ ـــــــا من اللأقاء والتلقين والشرح الممل
وهذا ما ينتج إلا من عدم الوعي الفكري للأداره التعليميه ثم المعلمات لم يحاولوا الرقي بإنفسهم لأستيعاب الماده وأعطائها حقها بالوسائل وأوراق العمل بالطرق الحديثه ..
أخيراً ،،،،،،،،،،
هذي قصيده مطلعتها من أنياط قلبي
لـــــــــي قصتــــــن فـيـهـــــــا تغـنيـــت
ابي يسمعهــا الحــي والميت
ويفهــــم مـعـنــــــى كـــــــــــل بــــــيت
ويصــحح ألـي فيـه أخطيــت
مــــــــن الـدراســـة أنــــــــــــا مليــــت
ابلــتنـا مـثــل الثعبـان الميـت
تـــــدخل وتصـــــك الـــبـــــــــــــــــاب
وتـقــول طـلعــوا الكـتـــــاب
مــــــــن الحصـــــة أنــــــــــــا هجيــت
ومـع الـدرج بسرعـة نطيـت
لاجــــت الـفسـحـــة تــشـهــــــويـــــــت
كــل الــلي بالمقصـف شريت
وبكل صبح من عند المديره لمني مريت
طلعــــت لســــاني وصديـت
ومن كثــر ادوران المراقبــات احوليــت
وكـــــــل ماشفتهـن اختـبـيـت
وبالتـوبيــس مــــن الشـمـــــس احتميـت
والغـــــدا يبــــــرد ولا تغديت
ومــن تــوقـيـــــف الابـــــلى انشـليــــت
وللطلعــه دايــــــم تحــريـــت
وبالنــــوم بــس افــزز ماتـهـنـيــــــــــت
وبالدراسه افكر وبجيت البيت
ملاحظة داخله عرض شوووي :ـ
مع العلم أن جوال الكاميرا ممنوع والمعلمات يجيبوا جوال كاميرا والعجب في الملاحظة هذي أنه يجبنه وهو ممنوع ؟!!! الله يهديهن .
وهذا يحدث في كل المدارس مو في مدرستنا بس [/align]
شوفوا الإهانات لطالبات الرفيعه في المدرسة
العرض الشجري