ماذا يحدث داخل ((ملتقى البيئه لنا ولاْجيالنا))؟؟؟؟؟؟؟؟؟؟

[هيا]

لمن يهمه الاْمر اسألو اي بنت مشتركه داخل هذا الملتقى
لقد تعرضت بناتنا والعاملات
للاستهزاء والسخريه من المسوؤلات<<الا من رحم ربي>> والتعامل الا اْخلاقي منهن ؟؟

من المسؤول ؟؟وكيف تبون الثقه بالنفس تنمو داخلهن ؟؟

هذه مشكله اي احد يمسك سلطه على الاخرين قد يعتقد انهم عبيد لديه

اتمنى من المسوؤلين اختيار نساء اكثر احترام للاخرين

والامرالاخر؟؟؟




اين ذهبت اموال التبرعات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[أبو حكيم]

ممكن توضيح اكثر ,,,, ؟؟؟؟


اين ملتقى البيئة ,,,, ومتى ؟



ا

[عجولي]

عساهن الي مترززات مع الأمير

شكلهن من العوائل الي في بالي هن الي يحبن الترزز

[Fatin]

[align=center]

اقتباس: ممكن توضيح اكثر ,,,, ؟؟؟؟ اين ملتقى البيئة ,,,, ومتى ؟

ملتقى البيئة اللي في الحضاري ..
بدا يوم السبت تاريخ 18
ــــــ ـــ ــــــ

أما اللي صار في المؤتمر
فاللي صار شي يقهر
المسؤولات قمة في شوفة النفس على كل الموجودين
و ما غير يمشون و يتأمرون بشينة نفس
و البنات يكرفون ساعات كثيرة و لا أحد كافأهم بشي و لا حتى كلمة شكرا بس
و العاملات بعد مسكينات نفس الشي مظلومات
المفروض ان المسؤولات يكون عندهم رقي بالمعاملة
و بالنسبة لأموال التبرعات الله أعلم وين تروح
فيه أشياء كثيرة ناقصة المفروض يشرونها ما جابوها و كل الموجودين يشتكون من اللي ماسكة الميزانية
يقولون انها مررة ماسكة و كل ما نطلب منها شي ترفض و تصرّف
و الميزانية اللي بيدها مبلغ و قدره مدري كم بالضبط بس شي كبير

ياليت لو أحد مسؤول أكبر منها يتصرّف ..[/align]

[Fatin]

[align=center]

اقتباس: عساهن الي مترززات مع الأمير شكلهن من العوائل الي في بالي هن الي يحبن الترزز

لا مب اللي مترززات ..[/align]

[شقرديه]

ما شفنا النفس الشينه اللي تكلمون عنها


العكس كانو موزعين العمل بطريقة اكثر من رائعة ضمنت هدوء وانتظام الحاضرات بالرغم من كثرةعدد الحضور وتعدد الورش واهداف لكل يوم


اما الميزانية


قسميها على خمس ايام ضيافة


شوفي اذا هي تغطي او لا


اعتبرة افضل لقاء حضرته بالمنطقة لدقة التنظيم ومناسبة الموقع وقوة الأهداف وجودة التخطيط

تحياتي

[إشراقة حرف]

عرفتكم ؟؟؟؟؟؟؟؟؟؟؟؟؟

[ثامر الناصر]

اقتباس: عساهن الي مترززات مع الأمير شكلهن من العوائل الي في بالي هن الي يحبن الترزز

عجولي .. اللي مترززات اللي تقول .. زوجة الامير فيصل .. والدكتورة منى الدامغ !

ودمتمـ

[Fatin]

[align=center]أختي شقردية
أنتي من فئة ((من رحم ربي))
اللي ما جاهم شي
و أنا بنفسي سمعت خلافات البنات اللي مشتركات مع المسؤولات
و العاملات الموجدات و لاحظت سوء المعاملة
و بالنسبة للميزانية سمعت شكاوي الاستاذات من المسؤولة عن المبلغ
ـــ ــ ـــ
أختي نوال

اقتباس: عرفتكم ؟؟؟؟؟؟؟؟؟؟؟؟؟

ما عرفت وش قصدك
ممكن توضحين [/align]

[معشوق الديره]

الله يستر علينا من الزمن هذا (( أخر زمن من يتوقع إن بناتنا بنات بريدة يطلعن ويتكشخن عند الرجال ))


ولكن حسبنا الله ونعم الوكيل

[الفيصل..!!]

اقتباس:  المشاركة الأصلية كتبت بواسطة معشوق الديره     الله يستر علينا من الزمن هذا (( أخر زمن من يتوقع إن بناتنا بنات بريدة يطلعن ويتكشخن عند الرجال )) ولكن حسبنا الله ونعم الوكيل

هذي هي الزبدة ... لكن ... المشايخ اللي في الحفل ليش ما تكلموا.......الله المستعان


.....تحياتي

[أبـو متعب]

السلام عليكم ورحمة الله وبركاته

الإخوة الأعزاء..

تعليقا على موضوع الأخت الكريمة , حبيت اقولكم ان زوجتي احدا المشاركات في الملتقى وأنا أول واحد شجعها على المشاركة في سبيل تقديم شي مفيد تخدم فيه وطنها وتنفع نفسها والبيئة اللي من حولها , لكن تفاجأت هذاك اليوم يوم رجعت ودمعتها على خدها والسبب انه بعد اكثر من اسبوع من التعب والتضحية بالوقت والجهد والمال ما سمعت حتى كلمة شكرا من قبل المسؤولات علن الملتقى , بل تعرضعت هي وزميلاتها لانواع المضايقات والظلم,,
وعلى رأي المثل خيرا تفعل شرا تلقى ...




وشكرا لكم







أخوكم أبو متعب

[السعلوووه]

لاتخلطون الامور

وش دخل التكشخ عند الرجال ياناس افهمووووووووو


ركزو شوي

[Fatin]

[align=center]الحين نتكلم في موضوع
و يقلبونها موضوع ثاني

من جد وش دخل التكشخ [/align]

[شمس الورق]

[align=center]السلام عليكم
اسمحولي بمداخله ..
انا كنت من البنات المشرفين على التنظيم في المؤتمر
واقول لهيا وفاتن حرام عليكم المؤتمر كان جدا رائع وكان المسؤولات قمة في الذوق والأدب
والمسؤولات اللي على قولتكم شايفين نفسهم كانوا جدا متعاونات مع البنات سواء كانت
في الورش او المعارض
والمسؤولات اللي يهزئون البنات لو انتي من البنات القائمين على تنظيم المؤتمر
كان عرفتي ليش المسؤولات يهاوشن البنات لان البنات كانوا في تسيب كبير
سواء بكلامهم اللي ويالا الاسف اقول انهم قليلات ادب
او باسلوبهم داخل الورش
ويكون بعلمكم المسؤولات من الساعة 7 الصباح الى الساعة 7 المساء وهم يشتغلون غير الشغل اللي ببيوتهم ياخذونه يكملونه اكيد راح تكون نفسيتهم شينة
تخيلوا انتم لو تشتغلون كذا وش راح تسوون.. وش راح تكون نفسيتكم ..؟
وبعدين وش دخلكم في الميزانية في شي لكم ولا عطوكم اياه .........
؟؟؟؟؟؟؟
فحرام عليكم اذا كنتم من البنات المتسيبين فتستاهلون اللي جاكم
بس اذا كنتم من البنات اللي سمعتوا عن المؤتمر واللي صار فيه ولا جيتوه وشفتوه ..
فعن جد حراااااااااااااام عليكم وخافوا ربكم
وانا اقول ان المؤتمر كان مبدع ورائع جدا
واختي شقردية شكرا لك ياقلبي
والله يعطيك العافية على كلامك الحلو
وابو متعب ترا كل المشاركين تعبوا أيام المؤتمر فقول لزوجتك تكون عندها روح رياضية
ومو معقوله يروحون لكل امرآة مشاركه ويشكروهن
هل كل اللي سوته زوجتك علشان كلمة شكرا ولا علشان وطنا الحبيب ...
وتقبلواا تحياااااااااتي[/align]