لأهل الخبره في كمبيوتر اللاب توب.. استفسار

[الشماسي]

السلام عليكم

أهلين شباب >>> داخل بمجلس الشيخ

المهم بأستعجال سريع

ذهبت أنا وواحد من الشباب أمس لحراج الكومبيوتر في العليا وشاهدت أنواع الاجهزة والحركات الجديدة

وسألت عن بعض الاجهزة والموصفات والدندشه وكنت ناوي على التوشيبا لكن يوم شفت سعره قلت شكله ممتاز لكن سعره يعيبه !! 7000ريال-5500 ...وين حنا عايشين

ورحت أشوف ( DEL) وأيضا سعره غالي وقلت شكله ممتاز لكن سعره 4500ريال!!

وشفت (LG) ويوم شفت سعره لابأس به لكن السعر اللي بالمواصفات اللي في بالي 4900ريال !!
.
.
لكن شفت الـ(HP) والـ(aesr) كلا الجهازين مواصفات حلوه تسد الغرض المطلوب وسعره مقارنة بغيرة أفضل ومن مواصفاته كالتالي:
الـ(aesr)
الرامات 256 ميقا
القرص الصلب 60قيقا
شاشه 15
DVD . ,,,CD.RW
بلوتوث
4مشابك (USB)
اللون فضي مع أسود
حقيبه +فاره خارجيه خاصه بالمحمول+ضمان ثلاث سنوات
السعر:3000ريال

الـ(HP)
نفس المواصفات
لكن حجم القرص الصلب 40قيقا
2مشبك لليو اس بي
ونفس السعر وأكثر رغبة عند الناس على كلام صاحب المحل
وضمان سنه
.
.
قلت أشاوركم على نوعية الجهازين بالأول وهل هو بالأستخدام ممتاز وأقدر أضيف عليه قطع مستقبلا ..يعني اللي يعرف عنه شيء ياليت يفدنا كرما وليس أمراً
السعر بنظري معقول إذا قارنته بالأجهزه الثانيه بالمواصفات
وخصوصا الـ(aesr)

بعض الشباب يقول لاتتعدى التوشيبا أو السوني ولو أسأله عن المواصفات يقول مدري والله بس مسوي سمعه ودعايه على غير سنع ... ماأحب الفخفخه أبي شيء يخلص الغرض ويكون جهاز تكانه وعلى سنع

ومع التحية

[LoVeR HaCkEr]

[align=center]هلا بك اخوي الشماسي

افضل جهاز لاب توب عندي التوشيبـــا

انا مشتري توشيبا لاواحد من اخوياي قبل شهر 8400 ريال

يعتبر من افضل الماركات

والاتش بي حلو وسعرة حلو

والاتش بي لك وللزمن

انصحك تروح لمحل اكســــتـــرا الى بمخرج 9

انا دايم اتشري من عندهم اسعارهم حلوووووووة مرة

واتوقع انك ماتبي جهاز غالى انصحك بالاتش بي

وابعد عن الـ DEL والـ LG

واي استفســـار

ان شاء الله اني افدتك

Da7OoOMi[/align]

[ميدوو]

السلام عليكم ورحمة الله وبركاته

ياهلا وغلا بأخي الشماسي

أخي سوف اقول لك :

كمبيوتر سوني ..... وياله من سوني ..... ليس كأي سوني

كمبيوتر ديل ..... وياله من ديل ....... ليس كأي ديل

كمبيوتر توشيبا ...........وياله من توشيبا ............ليس كأي توشيبا


أخي الشماسي نجي للجد

أنا أستخدم لاب توب ديل من سنتين والحمد الله من اروع الأجهزة الي اشتغلت عليها

وأخواني ثنين منهم عندهم ديل كمان وأجهزتهم زي الفل والحمد الله

في اخوي الصغير أشترا توشيبا ب 7000 ريال من جرير قبل 4 اشهر لكن أقولك الصراحه ما يوصل للديل

يعني أخوي اول ما اشترا الجهاز وبثاني اسبوع خرب عليه ملف السيستم وضاعت كل ملفات الجامعه
مع العلم انه ما حمل عليه برامج أبداً غير البرامج الموجوده بالكمبيوتر اساساً
وديناه لجرير عل وعسى قالوا مافي فايده لازم فورمات ويكلف 100 ريال عاد يوم شفت الدعوه فورمات قلتله رجعه انا اسويه أجل مشرف على الفاضي خخخخخخخخ يعني بعد اسبوعين وطق على طول
والسيدي الوندوز الي مع التوشيبا ما فيه نظام اصلاح للوندوز بعكس الديل


على العموم الكمبيوترات حسب رأيي هي

سوني ديل توشيبا والأيسر مو شين بعد

تحياتي

[abo basil]

[align=center]
حبيبي الشماسي

حقيقة اناأشتريت جهاز DELL قبل اسبوع تقريبا من مكتبة جرير بكرتونه
مواصفاته طيبه جدا وبسعر معقول يكفيك ان صناعته ايرلندي وليس صيني

والان ولله الحمد ماشي زي الفل [/align]

[الشماسي]

LoVeR HaCkEr

هلا والله بالدحمي ... أشكرلك مرورك وتعليماتك التي فتحت شيء كان غاب عن بالي وهو اكسترا وإلكترو وبأذن الله أبلقط نفسي لهم إن شاء الله

أنا معك أن التوشيبا ماله مثيل لكن فيه أنواع أخرى أرخص منه وتسد الغرض اللي أنت بحاجتة مثلي
وانا الصراحه حدي من الـ3000-3500 كحد أقصى وأستخدامي له عادي جداً يعني حتى أردى المواصفات الأساسية يمكن انا بغنى عنها
وأهم شيء بنظري أن الجهاز يكون ممتاز وبالسوق معروف وعليه طلب وصيانته موجوده بكل محل وأنت أبخص بالأمور ذي

---------------------------
ميدوو

تصدق بأول شيء عجزت أفهم وش أنت كاتب لكن الحين تذكرت بس أخبره ((يالهوو))

أخوي ميدوو

ممكن مواصفات الجهاز اللي معك لو تكرمت ..
وبكم طلع عليك الجهاز إذا ماكان فيه إحراج


وشكراً على مرورك
--------------------------

اعرفك زين
فيه واحد من الشباب أشترى DELL ويمدحه لكن طلع عليه بحدود الـ5000ريال لكن مواصفات اعلى شيء على مااعتقد
أنا المواصفات اللي أبيها مواصفات عاديه تقضي اللزوم ...
نفس السؤال ممكن أعرف مواصفات جهازك مع سعره

ولك خالص الشكر والتقدير


ومع التحية للجميع

[ميدوو]

السلام عليكم ورحمة الله وبركاته

هههههههههههههه زين الي تذكرتها بس

وبالنسبه لجهازي اشتريته قبل سنتين تقريبا من كمبيومي وكان اول جهاز ينزل بمعالج سينترينو

سرعة المعالج 1.3

الرام 256 وزدت عليها رام ثانيه 512 يعني تصير 256 +512 = انت طلع الناتج هههههههه

الهارد ديسك 60 جيجا

الشاشه 14

طبعاً فيه جميع الفتحات بالجهاز بس ما فيه بلوتوث

أخذته بحوالي 4100 ريال والحمد الله الى الأن واعتبر مواصفاته ممتازه يعني تغطي بربستي

اذا تبي تعرف مواصفات اكثر علمني بس

[iiigil]

مرااااااااااااحب

اخي الشماسي ماودي ازعجك بس حبيت اقولك ان جهازي ديل معي من سنه وبصراحه اكثر من رائع ..

يكفى انه صابر على واخذته ب7500

[abo basil]

[align=center]حياك اخوي الشماسي

المواصفات

سرعة المعالج 1,7 سنترينو

الرام 512

الهارد ديسك 60 جيجا

الشاشه 15
مدخلين USB + بلوتوث

السعر 3990

والله فعلا ممتاز

يمكن نسيت شي أسأل وانا حاضر[/align]

[الرمادي]

هلا والله ابو صالح


من ورانا قاعد تدور



ابوصالح مالي باللاب توبات مع اني مشتري واحد قبل فتره بس والله ماادري اذا هو زين والا لا


ودي اقولك انه زين وودي اقولك انه شين بس للحين ماادري لأني مابعد اشتغلت عليه شغل مضبوط


والله يخلي لي المكتبي




عموما جهازي توشيبا


512 رام


السرعه 1.7


الهاردسك 80


كرت شاشه 128


ستالايت


شاشه عريضه


مادري وش بقى من المواصفات


بس سعره حليو بــ 7300




تقبل تحياتي ,,,

[الشماسي]

ميدوو

وشلون مااتذكرها وحقوق الطبع محفوظة
.
.
الله يعافيك ويخليك لعين ترجيك يالذيب

أشكرك بعنف قوي تحسد عليه

مواصفات حلوه وسعر مقارنة بغيره ممتاز الحقيقة

لك خالص الشكر والتقدير

--------------------------------------------------------------

انسه مطنشه

ازعاج مره وحده وانا صاحب الحاجه ...الله يهديك بس

بس الصراحه تروعت من السعر لأنه على DELL غالي بالمره ...يعني لو معي السعر هذا كان طقيت توشيبا أو سوني ..بس أكيد إنه مواصفات خيال ..الله يطمعك من خيره ويكفيك شره

أشكرك على مرورك

---------------------------------------------------

اعرفك زين

بارك الله فيك وجزاك الله خير ...كفييت ووفيت يالذرب ..

شكلي أبصمل على DELL بأذن الله إذا كان بالمواصفات هذي وبالسعر هذا معقول الحقيقة مقارنة بغيرة

الله يعافيك ويبارك فيك ولبيت مكه يوديك

تشرفت بمرورك وأسعدني حضورك وأبهجتني ردودك

خالص التحايا

------------------------------------------------------

الرمادي

هلا والله ابوفهد

وش اسوي ياخيي ودنا نجخ عند أصطقائي قليلاً >>> قليلاًُ لامحل لها من الاعراب
.
.
شف يالكفيل الموقر

دام اللي معك توشيبا لاتطري شيء اسمه شين ..لأن اللي معك الزين كله فيه مايعيبه إلا سعره

وزود على كذا أن شركة(كومباك) أنضمت إلى توشيبا مؤخراً يعني إذا جهازك من التاليات فأنت بأونس الوناسات

عموما مواصفات حلوه وجهاز احلى وماركة لايعلى عليه لكن سعره ماهوب يم الحلاوه أبد...

الله يهنيك فيه ويطرح به البركه

شاكر لك مرورك

ومع التحية للجميع

[Shawly]

انا من رأيي ASUS

مافيه أحسن منه عندي


بس أنا أخذته من واحد يعني مستعمل


وماشي تمام التمام



<<< ماقدر على الجديد حط حيله بالمستعمل



هههههههههههههههههههههههههههههههههه