هاذي قصتي مع عرابجة النسيم الجزء الاول

[نواف السلطان]

هاذي قصتي مع عرابجة النسيم بما اني من عائلة تسكن في حي السليمانيه <<<<السليمانيه وعرابجة النسيم ماتجي >>>>
المهم كنت في سن المراهقه ومتوهق في نفسي وابي اسوي أي شي علشان الناس تقول نواف مووو بسيط والله عربجي

(العربجي) هو الإنسان الي بايعها ولا عنده أي مستقبل إلى انه يسوي جريه محد سواها
المهم كنت انا في ثانوية العلايا وبما اني واحد معربج كنت كل يوم مسبب هوشه مع احد الطلاب فزدادت الشكاوي للوكيل وكان الوكيل كل يوم يقهويني بمكتبه اقصد موقفني عند مكتبه ولا ينفع واناواقف اتمسخر على الطلاب الي يمرووون المهم المدرسه كلها كنت مسبب لها قلق والوكيل قال لازم يحظر ولي امرك
المهم وكلم واحد كنت توني متعرف عليه عمره 35 سنه ورايح فيها مقلع
قلت يولد الوكيل يبي ولي امري وش رايك قال لايهم واي واحد بعد يبي ولي امر ترى منقصر (ماصار كل يوم ابو مع طالب )اخونا في الله جاي مع طالب قبل كذا قال الوكيل اكيد هاذا ابوك قلت ليه ماملا عينك قال لا بس هاذا جاي على انه ابو احد الطالب الاسبوع الي راح مو معقوله انه ابوك قلت وش ذي الورطه
لا هاذا خالي وانت تعرف الخال ثالث الوالدين قلنا خله يكمل ابووك اليوم ياولد
المهم كلمه مني كلمه منه قال مالك مجلاس بالمدرسه يانا يانت قلت ليش ابووك شاري المدرسه يوم تقوول الكلام هاذا وبما اني مصقوووع باربع تعهدات رمى ملفي بوجهي وقال روح شوف لك مدرسه ثانيه وبما انا المدارس الحكوميه الي قريبه منا رفضت تقبلني قررت اسجل بثانويه بحي النسيم
بخصوص الي يقول المدراس الاهليه انا نسيت اقولكم ان ابوي فلس وماعاد يملك إلى البيت الي احنا ساكنينه (عاش مصرف عاش مصر ف )
قبلتني المدرسه في النسيم وجيت اول يوم مداوم وادخل الفصل
كان الفصل عندهم حصه انتظار (مدرس لعبين في حسبته الطلاب ومنحاش عنهم)
دقيت الباب ولو فيني احترام قال واحد تفضل وادخل
السلام عليكم واعطيه الورقه الي معطيني المدير قالي الفصل مكتفي دور غيرنا
استغربة من طريقة كلامه انا كنت متوقع انه مدرس الدين لانه كان عمره يمكن 29 سنه وجثه ولحيه وبدون عقال رجعت لمدير على فكره كان المدير قزم بس ولو كان له هيبه في المدرسه رجعت وقلت له رفض الاستاذ يدخلني فقال المدير ثكلته امه
وياخذ سيفه ويركب على حصانه واركب جنمبه وقلت انتبه ترى حصانك عليه تعميم
انتبه من نقط التفتيش والدوريات ماطول عليكم دخلنا الفصل إلى الطلاب مؤدبين وكلن في محله وقال من كان عندكم
قلت عاد انا هاذا هو الاستاذ الي يقووول مكتفين كان جالس ورى قال المدير سعيدان
هاذا كان اسم الطالب
قال سم تعالى ويجي الطالب يمشي وهو مرتبك وشوي يصيح وينزل راسه على جنب علشان يمسك اذنه المدير لانه صغير ياحووول ويمسك اذنه ويعطيه بوووز ويقول قدامي على الاداره ...........

ومن هنا بدئت مشاكلي مع عرابجة النسيم انتظرو الجزء الثاني بس ابي ارئكم