ياربنا اللي ترزق الخلق والطيــر؛؛؛؛اني مؤكــــل لك حياتــي وامـــري
الله يجيبك يامحمد علــى خيــر؛؛؛؛؛حتى تفرج همـــي اللي بصدري
لونك صغير م انت بعيوني صغير؛؛؛؛فــي عيني الثنتين بتصير كبـــري
بعطيك موجـــز يامــحمد وتقرير؛؛؛؛؛عشرين عام اللي قضيته بعمري
وانا على درب الرجــال المناعير؛؛؛؛اعرف خطاويهم على وقت صغري
الــوقت هـــذا يامحمد ترى غيــر؛؛؛؛زمـــان جـــدك راح ماهو بخبري
فارق عيوني ماحصــل منه تنذير؛؛؛؛ياقــو صبري منه ياقــو صبـــري
خلك سواتي لاتحسب المخاسير؛؛؛؛اللي يحسب المال ماراح يشـري
والســـر خله يامحمد وســط بير؛؛؛؛نصيحتي لك خلك انسان حذري
لو قلت كلمة خيـر ياذيب بتصيــر؛؛؛؛بكره بها كل الخـــلايق تهــذري
لابد تلقــى في طـــريقك معاثير؛؛؛؛ وتفطن لصكات الليــالــي وتدري
كلمات /الشاعر مسند دعيس البلوي
العرض العادي
