أسند علي الشاعر سليمان هذه الابيات مع العلم ان معرفي وحيد الدوحة
يقول
وحيد والقيفان جاه انطلاقه
............... من عقب ما حققت بالقول تحقيق
لا شفت من مثلك دوام اشتياقه
.............. لمثلهن .. صرنا نفك الصناديق
وبابٍ لهن صعب ٍ علينا اغلاقه
............ ما دام لهن ينطر مهاوي وذويق
وكل ٍ لا جاد السوق يجلب انياقه
............ ودامك زبوني دوك جمله ومفاريق
البارحة سهر ٍ على غير فاقه
............ من همي اللي حرق الكبد تحريق
على الذي صارت لقلبي عشاقه
............. من يمها وطيت درب العشاشيق
جبينها نور الصباح انفلاقه
............. والعين عين اللي يتل المسابيق
لا وا وجودي وجد من بتر ساقه
............. او وجد من ردوا عليه التفافيق
لا رحمة فيهم ولا من شفاقه
............ وربعه عن مواجه عداهم مناسيق
هذا وجودي والمنى في مساقه
............. هي منوتي من بد كل المخاليق
يا منشي ٍ نو ٍ صدوق ٍ حقاقه
............. تفتح لي من يمه وسيع الطواريق
وهذا ردي المتواضع الذي لايرتقي لجزالة شاعر بحجم سليمان المطرودي له تجربه طويلة بالشعر
آمين كم خيرن على شكل عاقه
مير الهواوي رغبته بالمعاليق
قافي تقافى والنويا رناقه
للشاعر الأول نجد المعاذيق
يامرحبا ياشوق بكرن رقاقه
حورية الوجنات عيون المسابيق
ومن الطفش يازراري ليتك طقاقه
حال الهواوي هم مع ظيق في ظيق
بعض العرب لا حب طاحت عراقه
عبر الفضاء يابحر حبك تغاريق
ولجل الغلا ياقف على عظم ساقه
ودونه من العالم والخلق تخنيق
له منزل ن وسط الظلوع الدقاقه
ياكبر فرقه عن جميع المخاليق
مالوم راع الشوق الوم الطفاقه
اللي محبتهم فراغ ن وتطقيق
تطير لاشافت عباة ن بساقه
وفي كل شارع خاتمتها تصافيق
صحيح ياقلب ن شبيه احتراقه
احراق بير الزيت في ديرة بقيق
ياصاحبي ماعاد بالحال طاقه
على همومن كبر شهب المجانيق
تشك الهوى واشكي عليك الرفاقه
ثلث المساكن والمراجل تلازيق
ان جيت رف البيت لافوا رواقه
وان غبت سووا فيني حمله و تسويق
اليوم ياسليمان ماشي صداقه
صداقة ن هشه ولا تدهن الريق
عن صحبة الداني وحتى نطاقه
مطوقن ذكره عن الفكر تطويق
وباقي معانيهم حلقته حلاقه
بدلتهم شرواك قروم ن مطاليق
اللهم صلي على محمد
وسلامتكم
العرض الشجري