تعالوا نركب مثل( فاتت ياونيان ) على أخطاء مجتمعنا .

[القلم الصريح]

سلام للجميع بطعم عصير الرمان في ليلة من ليال الصفري الساخنة .

ندش في التركيب والترهيم وورشة العمل ..

الرخمة اللي اهمل اعياله الين دشروا مع عيال ابليس وابو زنه ويوم صحا جاء بيتدارك وبيرقع مايمكن ترقيعه نقوله ( فاتت ياونيان )




الرخمة اللي مثل البقرة ماغير يلوف في بطنه من المفطحات والالبان والعصيرات ومطاريس المطاعم و24 ساعه منبطح عند المعلف الين انتفخ وصار بدعامه اماميه ودعامه خلفيه وواصابه السكر والضغط وتفكك المفاصل وطق الركب صحا بعد خراب مالطه وجاب المسحاة بيعدل الماء للقنطرة الشمالية نقوله ( فاتت ياونيان )



الرخمة اللي ماحط الموتر بنمرة رقم (1) وتجود بالدركسون زين من اول ليلة عرسه واثبت شخصيته قدام بنت الناس .. صحا ابو الشباب بعد ماانفلتت االطاره من ايده وقام ينفض ريشه ويهز زقمه وبيتحول من رخمة الى صقر نقوله ....... ( فاتت ياونيان والعود من اول ركزه )






مطلوب من اللي له مزاج يكتب يسوي لنا تركيب خاص لـــ ( فاتت ياونيان ) على أخطاء مجتمعنا ولا تنسوننا من الصور البلاغيه وفنيات التمرير وعكس الكورة .